NTI President Clarifies Policies
ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᖓ ᑳᑎ ᑕᐅᑐᖏᑦ ᐅᖃᖅᑐᖅ ᐅᑉᓗᒥ ᐅᑯᐊ ᓄᓇᕗᑦ ᑐᓐᖓᕕᒃ ᑎᒥᖓᑕ ᐃᓚᒋᔭᖏᑦ ᐊᒻᒪᓗ ᑲᑎᒪᔨᑦ ᐃᓂᖃᕐᒪᑕ ᐅᑯᐊ ᐃᓗᐊᓂ ᐅᖃᖅᓯᒪᔪᓂ ᐱᓇᓱᐊᑦᑎᐊᕆᐊᖃᕐᓂᕐᒧᑦ ᐊᐅᓚᑕᐅᔾᔪᑎᓂ ᐊᑐᐊᒐᓂ ᑲᑎᒪᔨᓄᑦ ᐊᒻᒪᓗ ᐱᓇᓱᐊᑦᑎᐊᕆᐊᖃᕐᓂᕐᒧᑦ ᐊᐅᓚᑦᑎᔾᔪᑎᓂ ᐊᑐᐊᒐᑦ ᐃᓚᒋᔭᐅᔪᓄᑦ ᐊᐅᓚᑦᑎᓂᖏᑦ ᖃᓄᐃᓕᐅᕐᓂᖏᓐᓂᒃ ᐃᓚᒋᔭᐅᔪᑦ ᐊᒻᒪᓗ ᑲᑎᒪᔨᑦ.
ᐊᑐᐊᒐᐃᑦ ᐅᖃᖅᓯᒪᔪᑦ ᐅᑯᐊ ᓄᓇᕗᑦ ᑐᓐᖓᕕᒃ ᑎᒥᖓᑕ ᐃᓚᒋᔭᖏᑦ ᐊᒻᒪᓗ ᑲᑎᒪᔨᑦ ᐃᒪᓐᓇᐃᓕᐅᕆᐊᖃᖅᑐᑦ:
ᐊᔭᐅᖅᑐᕐᓗᒋᑦ ᐱᔪᓐᓇᐅᑎᖏᑦ ᐊᒻᒪᓗ ᐱᕕᒃᓴᖏᑦ ᐃᓄᐃᑦ ᓄᓇᕗᒻᒥ ᑕᒪᕐᒥᒃ ᐱᓪᓗᒋᑦ, ᐊᒻᒪᓗ ᐊᔾᔨᒌᒃᑎᑦᑎᓂᕐᒥᑦ ᐱᓕᕆᐊᖃᕐᕕᐊᕐᓗᑎᒃ ᒪᑯᓄᖓ ᓱᒃᑰᑎᑕᐅᕙᒃᑐᓂᒃ ᐊᒥᓱᓂᒃ ᐃᓗᐊᓂ ᐃᓄᐃᑦ ᐊᑯᓐᓂᖏᑦᑕ, ᐃᒪᓐᓇ ᐅᐱᒋᓗᒋᑦ ᒪᑭᑎᑕᓂᖏᑦ ᐆᒪᓂᖏᑕ ᑭᓇᒃᑯᓕᒫᑦ ᐊᒻᒪᓗ ᑎᑭᐅᑎᑦᑕᐃᓕᓗᑎᒃ ᐅᕕᓂᖃᑎᒋᖏᑕᖏᓐᓂᒃ ᐊᑭᕋᖅᑐᕐᓂ ᒪᒃᓕᖢᒋᑦ ᐅᕕᓂᖃᑎᒋᖏᑕᖏᑦ, ᑲᓇᑕᓕᒫᒥ ᐅᕝᕙᓗ ᓇᑭᓐᖔᖅᓯᒪᒐᓗᐊᖅᐸᑕ ᓯᓚᕐᔪᐊᒥ ᓄᓇᓕᕐᔪᐊᖏᓐᓂᒃ, ᐅᕕᓂᖏᑦ ᖃᓚᖏᑕ ᐊᔾᔨᒋᖏᒃᑲᓗᐊᖅᐸᒍ ᐅᕕᐊᓂᑕ, ᐅᒃᐱᕐᓂᖏᑦ, ᐊᖑᑕᐅᓂᐊ ᐊᕐᓇᐅᓂᐊ, ᓇᓪᓕᐊᓂᒃ ᐊᖑᒻᒥᑦ/ᐊᕐᓇᒥᑦ ᐱᖃᑎᖃᕋᓗᐊᖅᐸᑦ, ᐅᑭᐅᖏᑦ ᐊᔾᔨᒌᖏᑉᐸᑕ, ᐅᕝᕙᓘᓐᓃᑦ ᐃᓱᒪᖏᑦ ᐊᒻᒪᓗ ᑎᒥᖏᑦᑕ ᖃᓄᐃᓐᓂᖏᑦ ᐊᔪᕈᑎᖃᕋᓗᐊᖅᐸᑕ.
“ᓄᓇᕗᑦ ᑐᓐᖓᕕᒃ ᑎᒥᖓᑦ ᑎᒥᐅᑎᓪᓗᒍ ᐊᒻᒪᓗ ᐅᕙᖓ ᓇᖕᒥᓂᖅ ᐊᑕᐅᓯᐅᓪᓗ ᑕᐃᒪᖓᓂᑦ ᐃᑲᔪᖅᑐᐃᓯᒪᕙᒃᑐᖓ ᐱᔪᓐᓇᐅᑎᖏᓐᓂᒃ ᐊᒻᒪᓗ ᐊᒃᓱᕈᕐᓂᖏᓐᓂᒃ ᑕᒪᕐᒥᑦ ᓱᓇᒃᑯᑎᒋᔭᐅᖏᑦᑐᑦ ᐊᒥᓱᐃᑦ ᐊᑯᓐᓇᑦᑎᓂ ᑭᒃᑯᑐᐃᓐᓇᐅᔪᓂᑦ:, ᐅᖃᖅᑐᑦ ᑕᐅᑐᖏᑦ. ᑕᐃᑲᓂ ᓄᓇᕗᑦ ᑐᓐᖓᕕᑦ ᑎᒥᖓᓂ, ᑕᐃᒪᖓᓂ ᐱᔫᒥᓵᖅᑎᑦᑎᕙᒃᑐᒍᑦ ᐃᑲᔪᖅᑐᐃᓂᒃᑯᑦ ᓇᓂᑐᐃᓐᓇᖅ ᐃᓚᓕᐅᑎᓗᒃᑖᖅᖢᒋᑦ ᐊᓂᖅᑎᕆᔪᑦ, ᑐᖓᓱᒃᑎᖦᖢᒋᑦ ᐊᑯᓐᓂᑦᑎᓐᓂᒃ ᓈᒻᒪᒋᖃᐅᑕᐅᓗᒋᑦ ᑭᓇᐅᒐᓗᐊᖅᐸᑦ ᐊᒻᒪᓗ ᓱᓐᓂᖅᑯᑎᒋᓇᖏᑦ ᐊᑐᓐᓂᑦᑎᓐᓂ ᐃᓅᖃᑎᒋᑐᐃᓐᓇᖅᖢᒋᓪᓗ .” ᑕᐅᑐᖏ ᐅᖃᖅᑐᑦ ᐅᐊᑦᑎᐊᖅ ᐅᖃᖃᐅᔭᖏᓐᓂ ᑕᐃᓐᓇ ᓴᐃᒻᒪᐅᑎ ᐊᐅᓚᖁᑎ ᒥᒃᓵᓄᑦ ᐱᔾᔪᑎᐅᔪᓂᒃ ᐅᖃᐅᓯᐅᓕᓚᐅᕐᓂᐊᓂᒃ ᑐᑭᖓ ᑐᖓᐅᑎᔭᐅᓪᓗᓂ ᒥᒃᓯᖓᑕ ᑐᑭᒋᓚᐅᖅᑕᕋᓗᐊᖓᑕᓗ ᖁᕕᐊᓲᑎᒋᓪᓗᒋᑦ ᐃᓄᑐᖃᐅᑉ ᐅᖃᕐᓂᕆᒪᐅᖅᑕᖓᑕ ᓂᑉᓕᐅᑎᒋᓪᓗᒋᑦ ᑕᒪᑦᓱᒧᖓ ᐊᔪᕐᓇᖅᑐᒧᑦ ᐊᒻᒪᓗ ᐃᒃᐱᒋᔭᐅᒻᒪᕆᒃᐸᒃᑐᒧᑦ ᐱᔾᔪᑎᓂ, ᐊᒻᒪᓗ ᐱᑕᖃᕆᐊᖃᕐᓂᐊᓂᒃ ᐅᕙᒍᑦ ᐃᓱᒪᖅᓱᕐᕈᑎᑦᑎᓂᒃ ᐊᑯᓐᓂᑦᑎᓐᓂ ᐅᖃᖃᑎᒌᒍᑎᖃᕈᓐᓇᕐᓂᕐᒥᑦ ᑕᒪᒃᑯᓂᖓ ᐱᔾᔪᑎᐅᔪᓂᒃ.