NTI Makes Changes to Photo of the Year Contest

(ᕕᕗᐊᕆ 2, 2010 - ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ ᐊᓯᔾᔩᔪᖅ ᐊᕐᕌᒍᒧᑦ
ᐊᔾᔨᓕᐅᕆᓕᐅᑎᑎᑦᓯᓂᖓᓄᑦ ᐱᒡᒐᓇᖏᓂᖅᓴᐅᖁᓪᓗᒍ ᐃᓚᐅᔪᒪᔪᓄᑦ, ᐊᒻᒪ
ᓴᖅᑭᔮᕐᓂᖅᓴᐅᖁᓪᓗᒋᑦ ᐊᔾᔩᑦ.
ᐱᒋᐊᕐᓗᒍ ᐅᓪᓗᒥ, ᐃᓄᐃᑦ ᐊᔾᔨᓂᒃ ᑐᓂᓯᔪᒪᔪᑦ ᐊᔾᔨᓕᐅᕆᓕᐅᑎᑎᑦᓯᓂᕐᒧᑦ
ᖃᕆᓴᐅᔭᒃᑯᑦ ᐃᓚᐅᓇᓱᐊᕈᓐᓇᕐᓂᐊᓕᖅᑐᑦ. ᑕᑕᑎᕆᐊᓖᑦ
ᓱᒃᑲᔪᒃᑰᑎᑕᐅᔭᕆᐊᖃᖅᐸᓚᐅᕐᖓᑕ ᑕᐃᒪᐃᒋᐊᖃᔾᔮᔪᓐᓃᖅᑐᑦ. ᑕᑕᑎᕆᐊᓖᑦ ᐊᔾᔩᓪᓗ
ᖃᕆᑕᐅᔭᒃᑯᑦ ᑲᒪᒋᔭᐅᔪᓐᓇᕐᓂᐊᓕᖅᑐᑦ ᖃᕆᑕᐅᔭᒃᑯᑦ ᐃᑭᐊᕐᕆᕕᖓᒍᑦ.
ᐊᔾᔩᑦ ᓵᓚᒃᓴᖅᑐᑦ ᑕᖅᑭᒧᑦ ᓵᓚᒃᓴᕋᓱᐊᑎᑕᐅᖃᑦᑕᓂᐊᖅᑐᑦ ᓱᓕ ᐊᕐᕌᒍᒧᑦ. ᐊᕐᕌᒍᒧᑦ
ᐊᔾᔨᓕᐅᒐᕐᒥ ᓵᓚᒃᓴᖅᑐᖅ ᓱᓕ ᐱᖃᑦᑕᓂᐊᑐᖅ $1,000-ᓂᒃ ᐊᒻᒪ ᐊᔾᔨᓕᐅᒐᖓᑕ
ᐊᔾᔨᖓᓂᒃ ᐊᖏᓪᓕᑎᖅᓯᒪᔪᒥᒃ. ᓵᓚᒃᓴᖅᑐᑦ ᑕᑯᒃᓴᐅᓂᖅᓴᐅᖁᓪᓗᒋᑦ, ᐊᔾᔨ
ᐊᑐᖅᑕᐅᖃᑦᑕᓂᐊᖅᑐᑦ ᑐᙵᕕᒃᑯᑦ ᐊᕐᕌᒍᑕᒫᑦ ᐅᓂᒃᑳᓕᐊᖏᑕ ᖄᖓᓂ ᐊᒻᒪ
ᑕᑯᒃᓴᐅᑎᑕᖏᓐᓂ ᐊᑐᖅᑕᐅᕙᒡᓗᑎᒃ.
ᓵᓚᒃᓴᕋᓱᐊᕐᓂᖅ ᒪᑐᐃᖓᔪᖅ ᐊᑎᖃᖃᑕᐅᔪᓕᒫᓄᑦ ᓄᓇᕗᒻᒥ ᓄᓇᑖᕐᓂᕐᒧᑦ
ᐊᖏᕈᑎᑎᒍᑦ. ᐊᑏ ᖃᐅᔨᒋᐊᕈᒃ ᖃᕆᓴᐅᔭᒃᑯᑦ ᐃᑭᐊᕐᕆᕕᕗᑦ ᑐᑭᓯᒋᐊᒃᑲᓂᕈᒪᒍᕕᑦ,
www.tunngavik.com.