NTI Election - Update on Voters List

ᓴᒃᑯᑕᐅᑲᐅᑎᒋᔭᕆᐊᓕᒃ (ᐊᒃᑑᕝᕙ 18, 2024 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ ᓂᕈᐊᖅᑎᑦᑎᓛᖅᑐᑦ ᐊᖓᔪᖅᑳᑉ ᐃᓂᖓᓄᑦ ᑎᓰᕝᕙ 9, 2024-ᖑᓕᖅᐸᑦ. ᓄᓇᕗᑦ ᑐᙵᕕᒃ ᑎᒥᖓ ᖃᐅᔨᒪᑦᑎᐊᕈᒪᕗᑦ ᑕᒪᐃᓐᓂ ᓂᕈᐊᕈᓐᓇᖅᑐᑦ ᓂᕈᐊᕐᓇᑉ ᐅᓪᓗᐊᓂ ᓂᕈᐊᕆᐊᖅᑐᓛᕋᓗᐊᕐᒪᖔᕐᒥᒃ. ᓂᕈᐊᕈᓐᓇᖅᑐᑦ ᐅᑯᐊᖑᕗᑦ ᐃᓄᒻᒪᕇᑦ ᐊᑎᓕᐅᖅᑕᐅᖃᑕᐅᓯᒪᔪᑦ ᓄᓇᕗᑦ ᓄᓇᑖᕐᓂᕐᒧᑦ ᐊᖏᕈᑎᖓᓄᑦ, ᐅᑭᐅᓖᑦ 16-ᓂᑦ ᐅᖓᑖᓄᓪᓘᓐᓃᑦ ᑎᓰᕝᕙ 9, 2024−ᖑᓕᖅᐸᑦ. ᐅᑯᐊ ᑕᕝᕙ ᖃᓄᐃᓕᐅᕈᓐᓇᖅᑕᑎᑦ ᖃᐅᔨᒪᓇᑦᑎᐊᖁᓪᓗᒍ ᓂᕈᐊᕈᓐᓇᖅᑐᓄᑦ ᐊᑎᓕᐅᖅᑕᐅᓯᒪᖃᑕᐅᒐᓗᐊᕐᒪᖔᖅᐱᑦ:
• ᑕᑯᓂᐊᕐᓗᒍ ᓄᓇᕗᑦ ᑐᙵᕕᒃ ᑎᒥᖓᑕ ᐃᑭᐊᖅᑭᕕᖓ ᖃᐅᔨᒪᑦᑎᐊᖁᓪᓗᑎᑦ ᐊᑎᓕᐅᖅᑕᐅᖃᑕᐅᓯᒪᒐᓗᐊᕐᒪᖔᖅᐱᑦ ᐊᒻᒪᓗ ᓄᓇᓖᑦ ᐊᑏᓪᓗ ᐱᑦᑎᐊᖅᓯᒪᒐᓗᐊᕐᒪᖔᕐᒥᒃ ᖃᐅᔨᓴᕐᓗᑎᑦ. ᑐᑭᓯᒋᐊᕈᑏᑦ ᑕᒻᒪᖅᓯᒪᒍᑎᑦ, ᖃᐅᔨᒃᑲᕐᓗᒍ ᓄᓇᓕᓐᓂ ᑐᓴᐅᒪᑎᑦᑎᔨ ᐅᕝᕙᓘᓐᓃᑦ ᓄᓇᕗᑦ ᑐᙵᕕᒃ ᑎᒥᖓᑕ ᐊᑎᓕᐅᖅᓯᒪᔪᓕᕆᔨᒃᑯᑦ.
• ᑕᓪᓕᒪᑦ ᐊᒥᓱᓕᐅᖅᓯᒪᔪᑦ ᓂᕈᐊᕈᓐᓇᖅᑐᑦ ᐊᑎᖏᑦ ᓴᖅᑭᖅᑎᑕᐅᓯᒪᖃᑦᑕᕐᓂᐊᕆᕗᑦ ᐊᑐᓂ ᓄᓇᓕᐅᔪᓂᑦ. ᖃᐅᔨᒃᑲᕐᓗᒍ ᓄᓇᓕᓐᓂ ᑐᓴᐅᒪᔪᓕᕆᔨ ᓄᓇᓕᖕᓂ ᐊᒻᒪᓗ ᐅᖃᐅᑎᓗᒋᑦ ᐊᓯᔾᔨᖅᑕᐅᔪᖃᕆᐊᖃᕈᓂ. ᐃᓱᓕᕝᕕᖓ ᓄᑖᕈᕆᐊᖅᑎᑕᐅᖁᓪᓗᒍ ᐊᑎᓕᐅᖅᓯᒪᖃᑕᐅᔪᑦ ᐊᒃᑑᕝᕙ 25, 2024-ᖑᕗᖅ. ᐊᑏᑦ ᑎᑎᕋᖅᓯᒪᖃᑕᐅᙱᒃᑯᓂ ᐊᒻᒪᓗ ᓄᓇᕗᒻᒦᙶᕐᓗᑎᑦ ᐃᓄᒻᒪᕆᐅᓪᓗᑎᑦ, ᖃᐅᔨᒃᑲᕐᓗᒍ ᓄᓇᓕᓐᓂ ᑐᓴᐅᒪᔪᓕᕆᔨ, ᐅᕝᕙᓘᓐᓃᑦ ᖃᐅᔨᒃᑲᕐᓗᒍ ᓄᓇᕗᑦ ᑐᙵᕕᒃ ᑎᒥᖓᑕ ᐊᑎᓕᐅᖅᑕᐅᖃᑕᐅᓯᒪᔪᓕᕆᔨᒃᑯᑦ ᖃᕋᓴᐅᔭᒃᑯᑦ ᑎᑎᕋᕐᓗᑎᑦ ᐅᕗᖓ enrolment@tunngavik.com ᐅᕝᕙᓘᓐᓃᑦ ᐅᖄᓚᕕᒋᓗᒋᑦ ᐅᕗᖓ 1-888-236-5400. ᖃᐅᔨᒋᐊᖁᓪᓗᑎᑦ ᓂᕈᐊᕈᓐᓇᖅᑐᑦ ᐊᑎᖏᖕᓂᒃ ᐃᑭᐊᖅᑭᕕᒃᑯᑦ: https://elections.tunngavik.com ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᓗᒍ: ᐊᖓᔪᖅᑳᖅ ᓂᕈᐊᖅᑐᓕᕆᔨ (CRO) ᒫᓂᑲ ᐃᐅᓪ−ᑲᓇᔪᖅ ᐅᖄᓚᐅᑎᖓ: 1-833-559-0971 ᓱᑲᑦᑐᒃᑯᑦ: 867-222-3519 ᖃᕋᓴᐅᔭᒃᑯᑦ: nticro@ayaya.ca ᐊᓪᓚᒡᕕᐊ ᐊᖓᔪᖅᑳᑉ ᓂᕈᐊᖅᑐᓕᕆᔨᑉ ᔭᐃᓴᓐ ᕌᕗᑦᔅ ᐅᖄᓚᐅᑎᖓ. 867-222-2487 ᖃᕋᓴᐅᔭᒃᑯᑦ: jasonr@ayaya.ca

📄 2024 10 18 NR Election Update Voters List Inuk