NTI Congratulates Mary Simon, Governor General of Canada

(ᔪᓚᐃ 6, 2021 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᑦ ᐊᓗᑭ ᑰᑦᑎᖅ ᐅᓪᓗᒥ ᐅᐱᒍᓲᑎᖃᖅᑲᐅᕗᖅ ᒥᐊᕆ ᓴᐃᒪᓐᒥᒃ ᑎᒃᑯᐊᕐᑕᐅᓂᖓᓄᑦ ᑲᓇᑕᒥ ᓯᕗᓪᓕᐸᐅᓪᓗᓂ ᓄᓇᖅᑳᖅᓯᒪᔪᒥᒃ ᑲᓇᑕᑉ ᐃᓐᓄᒃᑕᐅᓯᒪᓂᖓᓄᑦ ᑭᒡᒐᑐᐃᔨᙳᒻᒪᑦ. “ᑖᓐᓇ ᐱᒻᒪᕆᐊᓘᔪᖅ ᐅᓪᓗᒥ ᑕᒪᑦᑎᓐᓄᑦ − ᐃᓄᖕᓄᑦ, ᓄᓇᖃᖅᑳᖅᓯᒪᔪᖏᓐᓄᑦ ᑲᓇᑕᐅᑉ. ᓇᓗᖅᑯᑎᖏᑎᐊᕐᐳᖓ ᑖᓐᓇᑑᓇᓂᓗ ᑖᑦᓱᒪ ᑎᒃᑯᐊᑕᐅᓂᖓ ᐃᑲᔪᕐᓂᖃᓐᓂᐊᕐᒪᑦ ᓯᕗᓂᕐᒥ ᐱᕚᓪᓕᕈᑕᐅᓂᐊᕐᓂᖓᓂᒃ ᓴᐃᒻᒪᖃᑎᒌᓐᓂᕐᒧᑦ ᐊᒻᒪ ᑐᓴᐅᒪᖃᑦᑕᐅᑎᓂᕐᒧᑦ ᑲᓇᑕᒥ, ᐊᒃᓱᒻᒪᕆᐊᓗᒃ ᐊᓕᐊᓇᐃᒍᓱᒃᐳᖓ ᓴᖅᑮᒻᒪᑦ ᐱᕕᖃᕐᕕᒃᓴᓂᒃ ᐃᒃᐱᓇᕐᓂᖃᖅᑐᓂᒃ ᒪᒃᑯᒃᑐᓄᑦ ᐃᓄᖕᓄᑦ. ᐅᐱᒋᕙᒋᑦ, ᒥᐊᕇ!” ᐅᖃᖅᑐᖅ ᑐᙵᕕᒃᑯᑦ ᐊᖓᔪᖅᑳᖓᑦ ᐊᓗᑭ ᑰᑦᑎᖅ. ᒥᐊᕆ ᓴᐃᒪᓐ ᐊᑯᓂᐊᓗᒃ ᐃᖅᑲᓇᐃᔮᖃᕐᓯᒪᒻᒪᑦ ᐊᒻᒪᓗ ᓂᐱᒋᔭᐅᓯᒪᓂᕐᒥᒍᑦ ᐊᑦᑐᐃᓯᒪᒻᒪᑦ ᑕᐃᒪᓐᓂᒃ ᐃᓄᐃᑦ ᐃᓅᓯᖏᓐᓂᒃ. ᓂᕈᐊᖅᑕᐅᓯᒪᕕᖃᖃᑦᑕᕐᓯᒪᔪᖅ: ᑐᒡᓕᐊᓄᑦ ᐊᖓᔪᖅᑳᑉ ᐊᒻᒪ ᐊᖓᔪᖅᑳᕆᔭᐅᓯᒪᓪᓗᓂ ᓄᓇᕕᖕᒥ ᐃᓄᐃᑦ ᑎᒥᖁᑎᖓᓐᓄᑦ ᒪᑭᕕᖕᒧᑦ; ᓯᕗᓕᕐᑎᓄᑦ ᑲᑎᒪᔨᐅᓯᒪᓪᓗᓂ, ᐊᖓᔪᖅᑳᕆᔭᐅᓯᒪᓪᓗᓂ ᐊᒻᒪ ᑭᒡᒐᑐᖅᑎᐅᓯᒪᓪᓗᓂ ᐃᓄᐃᑦ ᐅᑭᐅᖅᑕᕐᑐᓕᒫᖓᑕ ᑲᑎᒪᔨᖏᓐᓄᑦ; ᐊᖓᔪᖅᑳᕆᔭᐅᓯᒪᔪᖅ ᐃᓄᐃᑦ ᑕᐱᕇᑦ ᑲᓇᑕᒥ; ᐊᒻᒪ ᑎᒃᑯᐊᕐᑕᐅᓚᐅᕐᓯᒪᒻᒥᔪᖅ ᑲᓇᑕᐅᑉ ᐊᖓᔪᖅᑳᕐᔪᐊᖓᓄᑦ ᔮᓐ ᑯᕆᑦᓯᐋᓐᒧᑦ ᓯᕗᓪᓕᕐᐹᖑᓪᓗᓂ ᑭᒡᒐᑐᖅᑎᐅᓂᕐᒧᑦ ᐅᑭᐅᖅᑕᖅᑐᓕᒫᕐᒧᑦ ᐱᓕᕆᐊᕆᔭᐅᔪᓂᒃ. ᑐᙵᕕᒃᑯᑦ ᖁᔭᓕᔪᒪᕗᑦ ᒥᐊᕆᑉ ᐃᑲᔪᕐᐃᓐᓇᕐᓯᒪᓂᖓᓄᑦ ᐊᒻᒪ ᑲᑦᑐᑎᒍᑎᑦᑎᐊᕈᑎᒋᓯᒪᔭᖏᓐᓄᑦ ᐃᓄᐃᑦ ᐊᒻᒪ ᓄᓇᖃᖅᑖᖅᓯᒪᔪᑦ.

-30-

ᑐᑭᓯᒋᐊᒃᑲᓐᓂᕈᓐᓇᕐᐳᑎᑦ ᐅᕗᖓ: ᒪᓚᐃᔭ ᒥᑭᔾᔪᒃ ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᔨᒃᑯᓐᓄᑦ ᐱᓕᒻᒪᒃᓴᔪᖅ ᓄᓇᕗᑦ ᑐᙵᕕᒃ ᑎᒥᖓ ᐅᖄᓚᐅᑖ: (867) 975-4900/ᐊᑭᓕᕆᐊᖃᙱᑦᑐᖅ: 1-888-646-0006 MMikijuk@tunngavik.com www.tunngavik.com

📄 2021 07 06 NTI Congratulates Mary Simon final inuk 1