NTI Comments on Infrastructure Announcement
ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᑦ ᑳᑎ ᑕᐅᑐᙱ ᐅᓪᓗᒥ ᐅᖃᖅᑲᐅᔪᖅ ᑐᓴᖅᑎᑦᑎᒍᑎᐅᖅᑲᐅᔪᑦᖅ $63.7 ᒥᓕᐊᓐ ᑐᕌᖅᑐᑦ ᐃᖃᓗᓐᓂ ᑐᓚᒃᑕᕐᕕᒃᓴᓄ ᐊᒻᒪ ᓂᐅᕋᐃᕕᒃᓴᐅᓗᓂᓗ ᐊᒃᓱᐊᓗᒃ ᑐᓴᕈᒥᓇᖅᑐᖅ ᐃᖃᓗᖕᒥᐅᓄᑦ ᐊᒻᒪᓗ ᑕᒪᐃᓐᓄᑦ ᓄᓇᕗᖕᒥᐅᓄᑦ. ᒐᕙᒪᑐᖃᒃᑯᑦ ᒥᓂᔅᑕᖓᑦ ᓕᐅᓇ ᐊᒡᓘᒃᑲᖅ ᑐᓴᖅᑎᑎᒍᑎᖃᖅᑲᐅᔪᖅ ᐅᓪᓗᒥ ᑎᑎᕋᕐᕕᖕᒥᓂᒃ ᐃᖃᓗᓐᓂ.
“ᓄᓇᕗᑦ ᑐᙵᕕᒃᑯᑦ ᐱᓕᕆᖃᑕᐅᓯᒪᒻᒪᕆᒻᒪᑕ ᓄᓇᕘᒥ ᐅᓄᕐᓯᒋᐊᖁᔭᐅᓪᓗᑎᒃ ᐊᑲᕐᕆᔾᔪᑏᑦ ᐊᑭᑐᔪᑦ ᐅᑭᐅᓂ ᖃᑦᑎᑲᓪᓚᒻᒪᕆᓐᓂ ᐊᓂᒍᖅᑐᓂ. ᐊᒃᓱᐊᓗᒃ ᖁᕕᐊᕐᐳᖓ ᑐᓴᕋᒃᑯ ᐊᑲᕐᕆᔾᔪᑎᓂᒃ ᐊᑭᑐᔪᓂᒃ ᐊᒥᒐᖅᓯᓂᕗᑦ ᑲᒪᒋᔭᐅᒋᐊᕈᑎᖃᕐᒪᑕ ᐅᓪᓗᒥᐅᔪᖅ ᒐᕙᒪᒋᔭᐅᔪᓄᑦ,” ᐅᖃᖅᑐᖅ ᑕᐅᑐᙱ. “ᓄᓇᕗᑦ ᑐᙵᕕᒃᑯᑦ ᐱᒻᒪᕆᒋᔭᖃᖅᑎᓪᓗᒋᑦ ᒐᕙᒪᑐᖃᒃᑯᓐᓂᒃ ᐱᔭᕆᐊᖃᓪᓚᕆᓐᓂᑎᓐᓂᒃ ᑮᓇᐅᔭᓂᒃ ᓄᓇᕘᒥ ᐱᕙᓪᓕᐊᓂᖃᕈᑕᐅᔪᓐᓇᕐᑐᓂᒃ, ᓱᓕ ᓄᓇᕗᑦ ᓯᕕᑐᓂᕐᓴᒧᑦ ᐸᕐᓇᒍᑎᓕᐅᕆᐊᖃᕐᒪᑕ ᐊᑲᕐᕆᔾᔪᑎᓄᑦ ᐊᑭᑐᔪᓄᑦ ᐸᕐᓇᒍᑎᓂᒃ ᑲᒪᒋᐊᕈᑕᐅᒍᓐᓇᕋᔭᕐᑐᓂᒃ ᓄᓇᕘᑉ ᐊᖃᕐᕆᔾᔪᑎᓂᒃ ᐊᒥᒐᖅᓯᓗᐊᕐᓂᖏᓐᓄᑦ.”
ᑕᐅᑐᙱ ᐅᖃᖅᑐᖅ ᐸᕐᓇᒍᑏᑦ ᐱᖃᓯᐅᔾᔨᓯᒪᔭᕆᐊᖃᖅᐳᑦ ᐅᑭᐅᓄᑦ ᐊᒥᓱᓄᑦ ᑮᓇᐅᔭᖃᕈᑎᓂᒃ ᐅᑯᓇᖔᕋᔭᕐᑐᓂᒃ ᑲᓇᑕᓕᒫᕐᒥ ᐊᑲᕐᕆᔾᔪᑎᓄᑦ ᐊᑭᑐᔪᓄᑦ ᐱᓕᕆᔾᔪᑎᓂᒃ ᐊᔾᔨᑲᓴᖏᓐᓂᒃ ᓴᓇᕙᓪᓕᐊᓂᖅ ᑲᓇᑕᒥ ᐸᕐᓇᒍᑎᖏᑕ.