NTI Calls for Investment and Innovation in the Provision of Oral Healthcare
ᒪᓕᒃᖢᒋᑦᖅ ᒫᓐᓴᕈᓗᒃ ᑐᓴᒐᒃᓴᑎᒍᑦ ᐃᓐᒌᓐᓇᖅ ᓴᖅᑭᑎᑕᐅᒪᐅᖅᑐᑦ ᐅᑯᐊ ᐃᓄᐃᑦ ᕿᖑᓯᕆᔭᐅᔾᔪᑎᖏᓐᓂᑦ ᖃᐅᔨᓴᕈᑎᑦ, ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᑲᑎ ᑕᐅᑐᖏ ᐅᖃᖅᑐᖅ ᐊᖏᓕᖅᓴᓂᑦ ᑮᓇᐅᔭᖃᖅᑎᑦᑎᓂᕐᒥᑦ ᐊᒻᒪᓗ ᖃᓄᖅᑑᕈᑎᒃᓴᒃᑲᓐᓂᕐᓂᑦ ᒪᑯᓄᖓ ᐃᓕᖓᔪᑦ ᑭᖑᓯᕆᓂᕐᒧᑦ ᐊᓐᓂᐊᖃᕐᓇᖏᑦᑐᓕᕆᓂᕐᒧᑦ ᑲᒪᔾᔪᑎᑎᒍᑦ ᐱᔨᑦᑎᕋᕈᑎᓂᑦ ᓄᓇᕗᑦ ᓄᓇᓕᖏᓐᓄᑦ.
ᓴᖅᑭᑦᑐᑦ ᖃᐅᔨᓴᕈᑎᓄᑦ ᓇᓗᓇᐃᖅᓯᓯᒪᔪᑦ ᐃᒪᓐᓇ 70-ᐳᓴᑦ ᐅᑯᓇᖓᑦ 1, 216 ᐃᓄᒻᒪᕇᑦ ᐃᓚᐅᓚᐅᖅᑐᑦ ᖃᐅᔨᓴᕈᑕᐅᔪᓄᑦ ᐃᓐᖐᓐᓇᖅ ᑭᖑᓯᕆᔭᐅᔭᕆᐊᖃᖅᑐᑦ. ᐃᓚᖓᒍᑦ ᒪᑯᐊ ᐱᓪᓗᒋᑦ ᐱᔨᑦᑎᕋᕈᑎᑦ ᐊᑐᐃᓐᓇᐅᓗᐊᖅᐸᖏᓐᓂᖏᓐᓂᑦ ᐃᓄᐃᑦ ᓄᓇᖏᓐᓂ. ᓴᖅᑭᓯᒪᔪᑦ ᖃᐅᔨᓴᕈᑎᓂ ᐱᓪᓗᒋᑦ ᐃᓄᐃᑦ ᓱᕈᓯᖏᑦ ᐱᓗᐊᖅᑐᒥᑦ ᐱᐅᖏᓐᓂᖏᓐᓂᑦ, ᑕᑯᒃᓴᐅᑎᑦᑎᔪᑦ ᕿᑎᐊᓂ, ᓯᕈᓯᑦ ᓄᑕᖅᑲᑦ ᐅᑭᐅᖃᖅᑐᑦ 3-5-ᒧᑦ 8.22 ᐊᐅᖕᓂᖃᖅᑐᑦ. ᑭᖑᑕᐃᖅᓯᒪᔪᑦ, ᐅᕝᕙᓘᓐᓃᑦ ᐃᓛᖅᓯᒪᔪᑦ ᓄᖑᑉᐸᓪᓕᐊᕙᒃᑐᑦ ᓱᕈᖅᑎᖅᐸᓪᓕᐊᓪᓗᑎᒃ (ᓄᑕᕋᓛᑦ) ᑭᒍᑎᖏᑦ.
" ᖃᓂᕐᒥᑦ ᐊᓐᓂᐊᖅᑕᐃᓕᑎᑦᓯᓂᖅ ᓴᖏᔪᐊᓗᒃ ᓇᓗᓇᐃᒃᑯᑕᐅᓪᓗᓂ ᐊᑕᖏᑦᖢᒋᑦ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ, ᐊᒻᒪᓗ ᓴᖅᑭᓯᒪᔪᑦ ᖃᐅᔨᓴᕈᑎᓂᑦ ᑕᑯᒃᓴᐅᑎᑦᑎᔪᖅ ᓈᒻᒪᖏᓐᓂᖏᓐᓂᑦ ᒪᖅᑯᒥᔪᑦ ᐅᑉᓗᒥ. ᓱᓕ ᐱᓕᕆᐊᖑᒃᑲᓐᓂᕆᐊᖃᖅᑐᑦ ᐊᑐᐃᓐᓇᕈᐃᓗᓂ ᑭᖑᓯᕆᔾᔪᑎᓂᑦ ᐱᔨᑦᑎᕋᕈᑎᓂᑦ ᐃᓄᒻᒪᕆᖕᓄᑦ, ᐊᒻᒪᓗ ᐱᓕᕆᖃᑎᒋᓗᒋᑦ ᒐᕙᒪᑉᑯᑦ ᓄᖅᑲᖅᑎᑦᑎᓇᓱᐊᕐᓂᕐᒥᑦ ᐊᒻᒪᓗ ᐊᔭᐅᖅᑐᕈᑎᓂᑦ ᐱᓕᕆᐊᓂᑦ ᑕᒪᒃᑯᓄᖓ ᑭᖑᓯᕆᓂᕐᒧᑦ ᐊᓐᓂᐊᖅᑕᐃᓕᒪᔪᓕᕆᓂᒃᑯᑦ, “ ᐅᖃᖅᑐᖅ ᑕᐅᑐᖏ.
ᐃᓐᖐᓐᓇᖅ ᑐᓴᒐᒃᓴᖅ ᒪᑯᓄᖓ ᖃᐅᔨᓴᕈᑎᓄᑦ ᐊᑕᐅᑎᑦᑎᑰᖃᑎᖃᖅᑐᖅ ᑲᓇᑕᐅᑉ ᒐᕙᒪᑉᑯᖏᓐᓂᑦ ᑮᓇᐅᔭᖏᓐᓂᑦ ᓇᑲᑎᕆᓂᖏᓐᓂᑦ ᒪᑯᓄᖓ ᑲᓇᑕᓕᒫᒥ ᐃᓕᓐᓂᐊᕐᕕᖕᒥ ᑭᒍᓯᕆᔨᐅᕙᒃᑐᓂᑦ ᐱᓕᕆᐊᖑᓪᓗᑎᒃ ᐊᓪᓚᐃᑦ ᓯᓚᑦᑐᖅᓴᕐᕕᒃᔪᐊᖓᓐᓂᑦ. ᓄᓇᕗᑦ ᑐᓐᖓᕕᒃ ᑎᒥᖓᑦ ᐅᖃᐅᔾᔨᔪᖅ ᐊᓐᓂᐊᖅᖃᕐᓇᖏᑦᑐᓕᕆᔨᖏᓐᓂᑦ ᑲᓇᑕᒥ ᐱᓕᕆᖃᑎᖃᖁᑉᓗᒋᑦ ᐅᑯᓂᖓ ᓄᓇᕗᑦ ᑐᓐᖓᕕᒃ ᑎᒥᖓᓐᓂᑦ ᐊᒻᒪᓗ ᓄᓇᕗᑦ ᒐᕙᒪᒃᑯᖏᓐᓂᑦ ᓴᖅᑭᑦᑎᓗᑎᒃ ᓄᑖᓂ ᐱᒋᐊᕈᑕᐅᓂᐊᖅᑐᓂᑦ ᐊᓯᐊᒍᑦ ᑭᖑᓯᕆᓂᕐᒧᑦ ᐃᓕᓴᕐᕕᒃᓴᓂᑦ.
“ ᓄᓇᕗᑦ ᑐᓐᖓᕕᒃ ᑎᒥᖓᑦ ᐅᒃᐱᕈᓱᒃᑐᑦ ᐊᖅᑭᒃᑕᐅᓯᒪᔪᓂᑦ ᓄᓇᕗᒥ ᑭᐅᔾᔪᑎᒃᓴᓂᑦ ᐃᒪᓐᓇ ᐱᔭᕆᐊᖃᖅᑐᑦ ᑲᒪᒋᓗᒋᑦ ᐊᔪᕐᓇᕈᑕᐅᔪᑦ ᐊᔪᖅᓴᕈᑕᐅᔪᑦ ᐃᓄᖕᓄᑦ ᑭᒍᓯᕆᔾᔭᐅᔾᔪᑎᖏᓐᓂᑦ ᐋᓐᓂᐊᖃᕐᓇᖏᑦᑐᓕᕆᓂᒃᑯᑦ. “ ᐅᖃᖅᑐᖅ ᑕᐅᑐᖏ.
ᓴᖅᑭᓯᒪᔪᑦ ᖃᐅᔨᓴᕈᑎᕕᓂᑦ ᐃᓄᐃᑦ ᑭᒍᑎᖏᓐᓂᑦ ᐋᓐᓂᐊᖅᖃᕐᓇᖏᑦᑐᓕᕆᓂᕐᒧᑦ ᖃᐅᔨᓴᐅᑎᑦ ᐊᑐᐃᓐᓇᐅᕗᑦ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᖃᕆᑕᐅᔭᖏᓐᓂ. ᐊᑏ ᑕᑯᒋᐊᒃᑭᑦ ᐅᑯᓄᖓ ᑲᓇᑕᒥ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᖃᕆᑕᐅᔭᖏᓐᓂᑦ ᑕᒪᐃᓐᓄᑦ ᐃᓚᖏᓐᓄᑦ.
http://www.hc-sc.gc.ca/fniah-spnia/pubs/promotion/_oral-bucco/index-eng.php