NTI Board of Directors Meeting Concludes in Kinngait
ᓯᑎᑉᐱᕆ 3, 2021 – ᑭᙵᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᑲᒪᔭᕇᓚᐅᕐᑐᑦ ᐃᒃᐸᒃᓴᖅ ᑭᙵᕐᓂ.
ᐱᒻᒪᕆᐅᓂᖏᑦ ᑲᑎᒪᔾᔪᑎᐅᓚᐅᕐᑐᑦ ᐃᓚᒋᔭᐅᓪᓗᑎᒃ ᐱᖁᔨᕗᖔᕈᑏᑦ ᓈᖕᒪᒃᓴᕈᑕᐅᓚᐅᕐᑐᑦ $13 ᒥᓕᐊᓂᒃ ᐊᑐᖅᑐᐊᖅᑕᐅᓪᓗᑎᒃ ᑮᓇᐅᔭᖃᕈᑎᒃᓴᓂᑦ, ᐅᑯᐊᖑᓚᐅᕐᐴᒃ ᒪᕐᕉᒃ:
ᓄᑭᒃ ᑯᕆᐳᕇᓴᒃᑯᑦ, ᐃᑲᔪᖅᑕᐅᓪᓗᑎᒃ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐊᒻᒪ ᓴᒃᑯ ᐱᕙᓪᓕᐊᑎᑦᑎᔨᒃᑯᓐᓄᑦ, ᐊᖏᖅᑕᐅᓚᐅᕐᐳᑦ $5 ᒥᓕᐊᓂᒃ ᐊᑐᖅᑐᐊᓂᐊᕐᓗᑎᒃ, ᐅᑭᐅᑦ ᑎᓴᒪᑦ ᓈᓇᓱᐊᕐᑎᓪᓗᒋᑦ ᕿᑐᙱᐅᕐᑎᑕᐅᓇᑎᒃ, ᐃᑲᔪᕈᑕᐅᓂᐊᕐᑐᑦ ᓴᓇᔭᐅᓂᒃᓴᖓᓄᑦ ᑭᕙᓪᓕᕐᒥ ᐆᒃᑳᓕᕆᔾᔪᑎᑦ ᐊᒻᒪ ᖃᕆᑕᐅᔭᓄᑦ ᐃᑭᐊᕐᕆᔾᔪᑎᑦ; ᐊᒻᒪᓗ
ᕿᑭᖅᑖᓗᖕᒥ ᐃᖃᓗᓕᕆᔨᒃᑯᑦ, ᐃᑲᔪᖅᑕᐅᓪᓗᑎᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ, ᐊᖏᖅᑕᐅᓚᐅᕐᑐᑦ $8 ᒥᓕᐊᓂᒃ ᐊᑐᖅᑐᐊᓂᐊᕐᓗᑎᒃ, ᐅᑭᐅᓄᑦ 7-ᓅᖓᓂᐊᕐᓗᓂ, ᐃᑲᔪᕈᑕᐅᔪᑦ ᓂᐅᕕᕐᓂᐊᑎᓪᓗᒋᑦ ᐃᖃᓗᒐᓱᐊᕈᑎᒃᓴᒥᒃ ᐅᒥᐊᕐᔪᐊᒥᒃ ᖁᐊᒃᑯᕕᖃᖅᑐᒥᒃ, ᑕᐃᔭᐅᔪᖅ ᓴᐳᑎ ll, ᑭᖑᕝᕕᐅᑎᓂᐊᕐᑐᖅ ᒫᓐᓇᐅᔪᒥ ᐅᒥᐊᕐᔪᐊᖁᑎᖓᓐᓂᒃ, ᓴᐳᑎ l.
ᐊᓯᖏᑦ ᐱᒻᒪᕆᐅᓚᐅᕐᒥᔪᑦ ᐱᖁᔨᕗᖔᕈᑏᑦ ᓈᖕᒪᒃᓴᕈᑕᐅᓚᐅᕐᑐᑦ ᑮᓇᐅᔭᓂᒃ ᐃᑲᔪᕈᑕᐅᔪᓐᓇᕐᑐᓂᒃ ᐃᓄᖕᓄᑦ ᐃᖅᑲᖅᑐᐃᕕᒃᑰᑎᑦᑎᓂᐊᕐᑎᓪᓗᒋᑦ ᓴᐳᑎᓯᒪᔾᔪᑎᐅᓂᐊᕐᑐᓂᒃ ᐊᒻᒪ ᓯᕗᒧᐊᒃᑲᓐᓂᕈᑕᐅᓂᐊᕐᑐᓂᒃ ᐃᓄᐃᑦ ᐱᔪᓐᓇᐅᑎᖏᓐᓂᒃ ᐊᒻᒪ ᐊᖏᕈᑎᖃᓚᐅᕆᓪᓗᑎᒃ ᐊᑐᐊᒐᓐᓄᑦ ᐱᕙᓪᓕᕈᑕᐅᓂᐊᕐᑐᓂᒃ ᓄᓇᕗᖕ`ᒥ ᐊᖑᓇᓱᒃᑎᓄᑦ ᐃᑲᔪᕈᑎᐅᕙᒃᑐᓄᑦ ᐱᓕᕆᔾᔪᑎᓂᒃ ᓄᓇᖅᑲᑎᒥᓂᒃ ᐊᖑᓇᓱᒍᔾᔨᓂᐊᕐᑎᓪᓗᒋᑦ ᐊᒻᒪ ᐊᖑᓇᓱᒃᑎᓄᑦ ᓱᓇᒃᑯᑖᖃᕈᑎᓄᑦ ᐱᓕᕆᔾᔪᑎᓂᒃ.
ᑐᑭᓯᒋᐊᒃᑲᓐᓂᕈᓐᓇᕐᐳᑎᑦ ᓈᖕᒪᒋᔭᐅᓯᒪᔪᓂᒃ ᐊᑐᐊᖓᓂᒃ ᑐᙵᕕᒃᑯᑦ ᖃᕆᑕᐅᔭᒃᑯᑦ ᐃᑭᐊᕐᕆᕕᖓᐊᓂ: www.tunngavik.com
ᑐᑭᓯᒋᐊᒃᑲᓐᓂᕈᒪᒍᕕᑦ ᑐᑭᓯᒋᐊᒃᑲᓐᓂᕐᕕᒋᔪᓐᓇᕐᐸᐃᑦ:
ᑭᐅᕋᓐ ᕙᓚᐅᕋᑎ
ᑐᑭᒧᐊᒃᑎᑦᑎᑎᔨᐅᑲᐃᓐᓇᕐᑐᖅ ᑐᓴᐅᒪᖃᑦᑕᐅᑎᓕᕆᔨᒃᑯᓐᓄᑦ
ᓄᓇᕗᑦ ᑐᙵᕕᒃ ᑎᒥᖓ
ᐅᖄᓚᐅᑖ (867) 975-4900/ᐊᑭᓕᕆᐊᖃᙱᑦᑐᖅ: 1-888-646-0006
kflaherty@tunngavik.com