Pink dwarf fireweed blooming along a shoreline, with sunlight sparkling on the water and buildings on the far shore under a cloudy sky.

News

NTI Announces President for a Day Contest Winner

Monday May 06, 2013

ᓄᓇᕗᑦ ᑐᓐᖓᕕᒃᑯᑦ ᐊᖏᔪᖅᑳᖓ ᑳᑎ ᑕᐅᑐᙱ ᐅᓪᓗᒥ ᑐᓴᖅᑎᑦᓯᖅᑲᐅᔪᖅ ᐊᕐᕕᐊᕐᒥᐅᑕᖅ ᕙᐃᑕ ᑲᕕᐅᒃ, ᐃᓕᓐᓂᐊᕐᓂᓕᒃ 12 ᔮᓐ ᐊᕐᓈᓗᒃᔪᐊᖅ ᐃᓕᓐᓂᐊᕐᕕᐊᓗᖕᒥ ᓵᓚᒃᓴᕐᓂᖓᓂᒃ ᐊᖓᔪᖅᑳᖑᓚᐅᐱᓪᓚᓂᕐᒥᒃ ᐅᓪᓗᐃᓐᓇᖅ ᓵᓚᒃᓴᕋᓱᐊᕈᑕᐅᔪᒥᒃ.

ᓵᓚᒃᓴᕐᓂᖓᓄᑦ, ᑲᕕᐅᒃ ᑲᒪᔨᖃᕐᓗᓂ ᐃᖃᓗᓕᐊᕐᓂᐊᖅᑐᖅ ᓄᓇᕗᑦ ᐅᓪᓗᖓᓄᑦ. ᑲᕕᐅᒃ ᓵᓚᒃᓴᕈᑎᖓᓄᑦ ᐅᖃᓕᒫᕈᒫᕐᓂᐊᖅᑐᖅ ᑎᑎᕋᓚᐅᖅᑕᒥᓂᒃ ᓄᓇᕗᑦ ᐅᓪᓗᖓᓂᒃ ᓇᓪᓕᐅᓂᕐᓯᐅᓂᕐᒥ ᐊᒻᒪᓗ ᐃᑲᔪᕐᓂᐊᖅᑐᖅ ᐊᐅᓚᑦᓯᑎᓪᓗᒍ ᑕᐅᑐᓐᖏ ᐃᖃᓗᓐᓂ ᓇᓪᓕᐅᓂᕐᓯᐅᓂᕐᓂ.

ᑐᓐᖓᕕᒃᑯᑦ ᓴᖅᑮᓚᐅᖅᑐᑦ ᓵᓚᒃᓴᕋᓱᐊᕈᑕᐅᔪᒥᒃ ᐊᕐᕌᒍᑦᑎᓐᓂ ᐱᒋᐊᓕᓵᕐᓂᖏᓐᓂ ᓇᓪᓕᐅᓂᕐᓯᐅᕈᑕᐅᔪᓄᑦ ᐃᓚᒋᔭᐅᓪᓗᓂ ᐊᕙᑎᖃᓕᕐᓂᖏᓐᓂᒃ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑏᑦ ᔪᓚᐃ 9, 2013.

ᑕᐸᐃᑦᓯᐊᓚᐅᖅᑕᕋ ᕙᐃᑕ ᑎᑎᕋᓚᐅᖅᑕᖓ ᐊᒻᒪᓗ ᑐᓵᓛᕈᒪᑦᓯᐊᖅᑐᒍ ᐅᖃᓕᒫᖅᑕᖓᓂ ᓄᓇᕗᑦ ᐅᓪᓗᖓᓂ,” ᑕᐅᑐᓐᖏ ᐅᖃᖅᑐᖅ. “ᑲᑦᓱᖓᐃᓕᒃᑲᓂᕐᓇᖅᑐᖅ ᐅᖃᓕᒫᕆᐊᒃᓴᖅ ᑎᑎᕋᖅᑕᒥᓂᕐᒥᒃ ᒪᒃᑯᑦᑐᒧᑦ ᖃᐅᔨᒪᓂᓕᒻᒪᕆᒻᒥᒃ ᐊᑐᖅᑕᐅᖃᑦᑕᓚᐅᖅᑐᓂᒃ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓕᐊᖑᕙᓪᓕᐊᑎᓪᓗᒋᑦ. ᐊᐅᓚᔾᔭᑦᑕᐅᓯᒪᓂᖓ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑏᑦ ᐱᒋᐊᖅᑎᑕᐅᓚᐅᖅᑐᖅ ᒪᒃᑯᑦᑐᓄᑦ ᐃᓄᓐᓄᑦ ᐊᒻᒪᓗ ᒪᒃᑯᑦᑐᓄᑦ ᓲᕐᓗ ᑖᓐᓇᑐᑦ ᕙᐃᑕ ᐱᓇᓱᐊᖏᓐᓇᕐᓂᐊᑎᓪᓗᒍ ᓄᓇᑖᕈᑕᐅᓯᒪᔪᑦ ᐊᑐᓕᖅᑎᑕᐅᕙᓪᓕᐊᑎᓪᓗᒋᑦ.”