NTI Announces Jose Amaujaq Kusugak Memorial Scholarship

ᓄᓇᕗᑦ ᑐᙵᕕᒃ ᑎᒥᖓᑦᑕ ᐊᖓᔪᖅᑳᑉ ᑐᖏᓕᐊ ᔭᐃᒻᔅ ᐃᑦᑐᓗᒃ ᐅᓪᓗᒥ ᓇᓗᓇᐃᖅᓯᔪᖅ ᓴᖅᑮᓂᐊᕐᓂᖏᓐᓂᒃ ᔫᓯ ᐊᒪᐅᔭᖅ ᑯᓱᒐᐅᑉ ᐃᖅᑲᐅᒪᔭᐅᓂᖓᓄᑦ ᐃᓕᓐᓂᐊᖅᑎᐊᖅᑐᓄᑦ ᐃᑲᔫᑎᑖᖃᑦᑕᕈᑎᒃᓴᓂᒃ. ᔫᓯ ᐃᓅᔪᓐᓃᓚᐅᑐᖅ ᐋᓐᓂᐊᖃᕐᓂᕐᒧᑦ ᑳᓐᓱᕐᒥᒃ. ᖃᐅᔨᒪᔭᐅᓚᐅᑐᖅ ᓯᓚᕐᔪᐊᓕᒫᒥ ᐊᒻᒪ ᓇᒡᓕᒋᔭᕗᑦ ᐃᓄᓐᓄᑦ ᓯᕗᓕᖅᑎ.

“ᔫᓯ ᑯᓱᒐᖅ ᐃᓅᓯᕐᒥᓂᒃ ᑐᓂᓯᓯᒪᓚᐅᑐᖅ ᓄᓇᕗᒻᒧᑦ. ᐊᒃᓱᕈᐊᕆᓪᓗᒍ ᐱᓕᕆᓯᒪᔪᖅ ᐃᓄᒃᑎᑐᑦ ᐅᖃᐅᓯᕐᒥᒃ, ᑐᓴᐅᒪᖃᑦᑕᐅᑎᓂᕐᒥᒃ, ᐊᒻᒪ ᐃᓕᓐᓂᐊᕐᓂᒃᑯᑦ ᐃᓄᐃᑦ ᐊᒥᓱᑎᒍᑦ ᐊᒡᓗᕆᐊᕈᑎᒋᓯᒪᒻᒪᒋᑦ. ᓇᓗᓇᐃᖅᓯᓂᒃᑯᑦ ᑖᒃᓱᒥ ᐃᓕᓐᓂᐊᑎᐊᖅᑐᓄᑦ ᐃᑲᔫᑎᑖᖃᑦᑕᕈᑎᒃᓴᒥᒃ, ᑐᙵᕕᒃᑯᑦ ᑲᔪᓯᑎᑦᓯᓂᐊᖅᐳᑦ ᔫᓯᐅᑉ ᐊᒃᑐᐃᓯᒪᓂᖓᓂᒃ ᐃᓄᓐᓂᒃ ᐃᓕᓐᓂᐊᕐᓂᒃᑯᑦ,” ᐅᖃᖅᑐᖅ ᐃᑦᑐᓗᒃ
.

ᑕᕝᕘᓇ ᐃᓕᓐᓂᐊᑎᐊᖅᑐᓄᑦ ᐃᑲᔫᑎᑖᖅᑎᑦᑎᖃᑦᑕᓂᒃᑯᑦ ᑐᓂᓯᖃᑦᑕᓂᐊᖅᑐᑦ ᒪᕐᕉᓐᓄᑦ ᐃᓅᓐᓄᑦ ᐃᓛᒃᑯᑦ $5,000-ᓂᒃ ᑐᓂᔭᐅᓗᑎᒃ ᐃᑲᔫᑎᐅᓗᑎᒃ ᖁᕝᕙᓯᓐᓂᖅᓴᒥᒃ ᐃᓕᓐᓂᐊᖃᒃᓂᕐᓂᕐᒧᑦ. ᑐᒃᓯᕋᐅᑎᖃᖅᑐᑦ ᓴᖅᑭᔮᖅᑎᑦᑎᔭᕆᐊᖃᕐᓂᐊᖅᐳᑦ ᔫᓯᑎᑐᑦ ᓇᒡᓕᒍᓱᓐᓂᕐᒥᒃ ᐅᖃᐅᓯᕐᒥᓂᒃ, ᐃᓄᓐᓅᖓᔪᓂᒃ ᐃᓕᓐᓂᐊᕐᓂᖅ, ᓴᓇᖑᐊᓂᕐᒧᑦ, ᑐᓴᒐᒃᓴᓕᕆᔨᐅᓂᕐᒧᑦ, ᑐᓴᐅᒪᔪᓕᕆᔨᐅᓂᕐᒧᑦ, ᐊᒻᒪ ᒐᕙᒪᓕᕆᓂᕐᒧᑦ ᐃᓱᒪᒋᔭᐅᒋᐊᖃᑦᑕᓂᐊᖅᑐᑦ.

ᓄᓇᕗᑦ ᑐᓐᖓᕕᒃ ᑎᒥᖓᑦ ᐊᖏᖅᓯᕙᒃᑐᑦ ᑕᑕᑎᖅᓯᒪᔪᓂᑦ ᐊᐃᐳᕆ 1 ᔪᓚᐃ 9, ᓄᓇᕗᑦ ᐅᑉᓗᐊᓂ, ᐊᑐᓂᑦ ᐊᕐᕌᒍᑕᒫᑦ. ᐃᓕᓐᓂᐊᖅᑎᑦ ᐊᑎᓕᐅᖅᓯᒪᔪᑦ ᓄᓇᑖᕈᑎᓂᑦ ᐃᓗᐊᓂ ᐅᑯᐊ ᓄᓇᕗᒻᒥ ᓄᓇᑖᕈᑎᓄᑦ ᐊᖏᕈᑎᓂ ᐱᔪᓐᓇᖅᑎᑕᐅᔪᑦ ᐆᒃᑐᕐᓗᑎᒃ ᐅᑯᓄᖓ ᖁᑦᑎᖕᓂᖅᓴᒧᑦ ᐃᓕᓐᓂᐊᕆᐊᑲᓐᓂᕈᑎᒃᓴᓄᑦ. ᐆᒃᑐᖅᑐᓄᑦ ᑕᑕᑎᕈᑎᑦ ᐊᑐᐃᓐᓇᐅᓂᐊᖅᑐᑦ ᐅᑯᓇᖓ ᓄᓇᕗᑦ ᑐᓐᖓᕕᒃ ᑎᒥᖓᓐᓂᑦ ᐊᒻᒪᓗ ᐃᑭᐊᕿᔾᔪᑎᑎᒍᑦ ᖃᕆᑕᐅᔭᓂ ᐊᐃᐳᕆ 1, 2011.

https://tunngavik.com/current-initiatives/jose-amaujaq-kusugak-memorial-scholarship/