NTI and Forum Uranium Corp. Sign MOU
(ᑎᓯᐱᕆ 8, 2008 - ᐃᖃᓗᒃᑑᑦᑎᐊᖅ, ᓄᓇᕗᑦ) ᓄᓇᕗᑦ ᑐᓐᖓᕕᒃᑯᖏᓐᓂ ᓯᕗᓪᓕᐅᓂᖅᓴᖅ ᐊᖓᔪᖃᕐᒧᑦ ᑐᒡᓕᕆᔭᐅᔪᖅ ᔭᐃᒥᓯ ᐃᑦᑐᓗᒃ ᐅᓪᓗᒥ ᑐᓴᖅᑎᑦᑎᖃᐅᔪᖅ ᑐᓐᖓᕕᒃᑯᑦ ᐊᑎᓕᐅᖅᓯᒪᓂᖏᓐᓂᒃ ᑐᑭᓯᐅᒪᖃᑦᑕᐅᑎᓂᕐᒧᑦ ᐊᖏᖃᑎᒌᒍᑎᓂᒃ, ᐃᓚᒋᓪᓗᒋᑦ ᕗᐊᕋᒻᑯᑦ (Forum-ᑯᑦ) ᓄᖑᔪᐃᑦᑐᕐᓂᐊᖅᑏᑦ ᑯᐊᐳᕇᓴᒃᑯᖏᑦ, ᐃᓕᑕᕆᔭᐅᓯᒪᔪᒥᒃ ᐱᔪᓐᓇᐅᑎᖃᖅᑎᑕᐅᓂᕐᒧᑦ ᕿᓂᕐᕕᖃᕈᓐᓇᕐᓂᖅ ᐅᑭᐅᖅᑕᖅᑐᒦᑦᑐᓂᒃ ᐃᓄᐃᑦ ᐱᖁᑎᖏᓐᓂᒃ ᓄᓇᓂᒃ ᓈᓴᐅᑎᓕᖕᒦᑦᑐᓂᒃ BL-21.
"ᑐᓐᖓᕕᒃᑯᑦ ᑲᑎᒪᔨᖏᑦ ᑲᔪᓯᑎᑦᑎᓚᐅᖅᑐᑦ ᓄᖑᔪᐃᑦᑐᓕᕆᓂᕐᒧᑦ ᐊᑐᐊᒐᕐᓂᒃ ᓯᑎᐱᕆ 2007-ᖑᑎᓪᓗᒍ, ᐊᒃᓱᕈᕈᑕᐅᓪᓗᑎᒃ ᐊᑐᓕᖅᑎᑕᐅᕙᓪᓕᐊᓪᓗᑎᒃ ᑕᐃᒃᑯᐊ ᐊᑐᐊᒐᐃᑦ. ᖁᕕᐊᓇᖅᐳᖅ ᐊᑎᓕᐅᖅᓯᒪᓕᕋᑦᑕ ᑐᑭᓯᐅᒪᖃᑦᑕᐅᑎᓂᕐᒧᑦ ᐊᖏᕈᑎᓂᒃ ᐃᓚᒋᓪᓗᒋᑦ ᕗᐊᕋᒻᑯᑦ ᓄᖑᔪᐃᑦᑐᓕᕆᓂᕐᒧᑦ ᑯᐊᐳᕇᓴᐃᑦ," ᐅᖃᖃᐅᔪᖅ ᐃᑦᑐᓗᒃ. "ᕗᐊᕋᒻᑯᑦ ᓄᖑᔪᐃᑦᑐᓖᕆᔩᑦ ᐃᓚᒃᓴᑦᑎᐊᕙᓘᖕᒪᑕ, ᑕᐅᕙᓃᓕᐊᓂᖕᒪᑕ ᖃᒪᓂᑦᑐᐊᑉ ᖃᓂᒋᔮᓂ ᓄᓇᒥ, ᓴᖏᔫᓪᓗᑎᒃ ᐱᓕᕆᖃᑎᒌᑦᑎᐊᕐᓂᖏᑦ ᐊᒻᒪᓗ ᑲᒪᑦᑎᐊᖅᓯᒪᔪᒻᒪᕆᐅᓪᓗᑎᒃ ᐊᐅᓚᑦᑎᔨᐅᓂᖏᓐᓂᒃ ᕿᓂᕐᓂᕐᒥᓂᒃ ᐊᑐᖅᑕᒥᓂᒃ."
ᓄᓇᐃᑦ 60 ᑭᓛᒥᑕᓂᒃ ᐱᖓᖕᓇᕐᒦᑦᑐᑦ ᖃᒪᓂ'ᑐᐊᕐᒥᒃ, ᐊᒻᒪᓗ 20 ᑭᓛᒥᑕᐃᑦ ᑲᓇᖕᓇᖅᐸᓯᐊᓂᒃ ᑭᒡᒐᕕᒃᑯᑦ ᐱᖁᑎᖏᓐᓂᒃ, ᐊᕇᕙᒃᑯᑦ Areva-ᑯᑦ ᐅᔭᕋᖕᓂᐊᖅᑏᑦ ᑲᓇᑕᒥ ᑲᒻᐸᓂᖓᓂᒃ ᓇᓗᓇᐃᖅᑕᐅᓯᒪᓪᓗᑎᒃ ᓄᓇᒦᑦᑐᑦᒪ, ᐊᖏᓂᖃᖅᓱᑎᒃ ᖃᓂᒋᔭᖏᓐᓂ 148 ᒥᓕᔭᓐ ᐸᐅᑏᑦ ᐅᖁᒪᐃᓐᓂᖏᑦ ᓄᖑᔪᐃᑦᑐᓖᑦ. ᓄᓇᐃᑦ ᓂᕈᐊᖅᑕᐅᓚᐅᖅᓯᒪᔪᑦ ᑖᒃᑯᐊ ᐃᓄᖕᓄᑦ ᑕᐃᔅᓱᒪᓂ ᓄᓇᕗᒻᒥ ᓄᓇᑖᕈᑎᓂᒃ ᐊᖏᕈᑎᓂᒃ ᐊᔩᖃᑎᒌᒋᐊᕐᒪᑕ, ᐱᔾᔪᑕᐅᓪᓗᑎᒃ ᐱᐅᔪᒻᒪᕆᖕᓂᒃ ᐊᖏᔪᒻᒪᕆᖕᓂᓗ ᓄᖑᔪᐃᑦᑐᓕᒃᑕᖃᕐᓂᖏᓐᓂᒃ ᓄᓇᐃᑦ ᐃᓗᐊᓂ.
ᑐᑭᓯᒋᐊᒃᑲᓐᓂᕈᒪᒍᕕᑦ:
ᕗᕌᖕᑯᑦ ᐳᓯᐊᒥ
ᐊᐅᓚᑦᑎᔨᐅᑉ ᑐᒡᓕᕆᔭᖓ ᑐᓴᐅᒪᑎᑦᑎᓂᕐᒧᑦ
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ: (867) 975-4939
ᐅᖓᓯᒃᑐᒥᒃ ᐊᑭᖃᖏᑦᑐᖅ: 1-888-646-0006
fbsuemi@tunngavik.com