NTI Agrees with TRAFFIC to Reject US Proposal

Normal 0 false false false false EN-US X-NONE X-NONE --> NR 10-02 TRA INUK – ᑐᓴᖅᑕᐅᑲᐅᑎᒋᒋᐊᓕᒃ (ᔮᓐᓄᐊᕆ 21, 2010 - ᖃᖏᖅᖠᓂᖅ, ᓄᓇᕗᑦ) ᓄᓇᕗᑦ ᑐᙵᕕᒃᑯᑦ ᐊᖏᔪᖅᑳᖓᑕ ᑐᒡᓕᐊ ᑮᓇᐅᔭᓕᕆᓂᕐᒧᑦ ᕋᐃᒪᓐ ᓂᖏᐅᑦᓯᐊᖅ ᓇᓗᓇᐃᖅᓯᔪᖅ ᓄᓇᕗᑦ ᑐᙵᕕᒃ ᑎᒥᖓᑦ ᐃᑲᔪᖅᑐᐃᓂᖏᓐᓂᒃ ᐃᓱᒪᓕᐅᕈᑕᐅᔪᒧᑦ ᓴᖅᑭᑕᐅᓚᐅᖅᑐᖅ ᐃᒃᐸᒃᓴᖅ ᓈᒻᒪᓴᖏᓐᓂᕐᒧᑦ ᐊᒥᐊᓕᒐᐃᑦ ᑐᒃᓯᕋᐅᑎᒋᓯᒪᔭᖓᓂᒃ ᓇᓗᓇᐃᑦ ᑎᑎᕋᖅᑕᐅᓯᒪᓂᖏᑦ ᐊᒃᑕᓇᖅᑐᒦᓕᖅᑎᑕᐅᔪᒪᓪᓗᑎᒃ ᑲᑎᒪᓂᖃᑦᑕᕐᑐᖅ ᓯᓚᕐᔪᐊᓕᒫᒥ ᐆᒪᔪᓕᕆᓂᕐᒧᑦ ᐊᑦᑕᓇᕐᑐᒦᑦᑐᓄᑦ (CITES). ᐃᓱᒪᓕᐅᕈᑕᐅᔪᖅ ᓴᖅᑭᑕᐅᓚᐅᑐᖅ ᑕᐅᖅᓰᓂᕐᒧᑦ ᖃᐅᔨᓴᖅᑏᑦ ᐱᕈᖅᑐᓂᒃ ᐆᒪᔪᓂᒡᓗ ᑲᑐᔾᔨᖃᑎᒌᒃᑯᓐᓂ (TRAFFIC). ᑐᑭᖃᖅᐳᖅ ᑕᐅᓰᒍᑕᐅᖃᑦᑕᕐᓂᖏᑦ ᓇᓄᕋᐃᑦ ᓄᓇᕗᒻᒥ ᑲᔪᓯᑐᐃᓐᓇᕆᐊᖃᖅᐳᑦ ᒫᓐᓇ ᐊᐅᓚᑦᓯᔾᔪᑕᐅᕙᒃᑐᓂᒃ ᐊᑐᕐᓗᑎᒃ.

“ᐃᓄᐃᑦ ᐅᖃᖃᑦᑕᕐᒪᑕ ᓇᓄᐃᑦ ᐅᓄᖅᓯᕙᓪᓕᐊᓂᖏᓐᓂᒃ. TRAFFIC-ᑯᑦ ᐃᓱᒪᓕᐅᕈᑎᖓ ᓇᓗᓇᐃᖅᓯᕗᖅ ᖁᕝᕙᕆᐊᖅᓯᒪᓐᖏᓐᓂᖏᓐᓂᒃ ᑕᐅᓰᓂᐅᕙᒃᑐᑦ ᓇᓄᕋᕐᓂᒃ, ᐊᒻᒪ ᑕᐅᖅᓰᖃᑦᑕᕐᓂᖅ ᐊᑦᑕᓇᖅᑐᒦᓕᖅᑎᑦᓯᖏᓐᓂᖓᓂᒃ ᐊᓐᓇᐅᒪᓇᓱᐊᕐᓂᖏᓐᓄᑦ. ᐊᒥᐊᓕᒐᐃᑦᑐᒃᓯᕋᐅᑎᖓ ᓄᖅᑲᑎᑦᓯᓂᕐᒧᑦ ᓴᐳᔾᔨᓯᒪᔾᔮᖏᒻᒪᑦ ᓇᓄᐃᑦ ᐊᒃᑐᖅᑕᐅᑲᒻᒪᓂᕆᔭᖓᓂᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ. ᑭᓯᐊᓂᓕ, ᐃᓄᓐᓂᒃ ᐊᒃᑐᐃᓂᖃᑲᒻᒪᖔᕐᓂᐊᖅᐳᖅ ᐃᓕᖅᑯᓯᑐᖃᖏᓐᓂᒃ ᐊᒻᒪ ᑮᓇᐅᔭᓕᐅᕋᓱᐊᖃᑦᑕᕐᓂᖏᓐᓂᒃ,” ᐅᖃᖅᑐᖅ ᓂᖏᐅᑦᓯᐊᖅ.

“ᐃᓄᐃᑦ ᐃᓚᐅᑎᑕᐅᓂᖅᓴᐅᔭᕆᐊᖃᖅᐳᑦ ᑐᑭᓯᐅᒪᔾᔪᑎᒃᓴᓂᒃ ᑲᑎᖅᓱᐃᓕᕋᐃᒃᐸᑕ ᐃᓱᒪᓕᐅᕈᑎᖃᕐᓂᐊᑎᓪᓗᒋᓪᓗ ᐆᒪᔪᐃᑦ ᓄᓇᕗᒻᒥ ᐱᒧᔾᔪᑎᒋᓪᓗᒋᑦ. ᖃᐅᔨᓴᖅᑏᑦ ᓈᓚᒐᐃᒻᒪᑕ ᐅᕙᒃᑎᓐᓂᒃ ᑐᑭᓯᓪᓗᑎᒡᓗ ᖃᓄᐃᓪᓚᕆᓐᓂᐅᔪᒥᒃ, ᑐᑭᓯᓯᒪᓂᖅᓴᐅᓂᐊᖅᑐᑦ ᑐᑭᓯᓂᕐᓗᒃᓯᒪᙱᓪᓗᑎᒃ ᓇᓄᐃᑦ ᖃᓄᓪᓚᕆᓐᓂᖏᓐᓂᒃ,” ᐅᖃᒃᑲᓂᖅᑐᓂ.

ᓄᓇᓕᕐᔪᐊᖑᔪᑦ ᓯᓚᕐᔪᐊᕐᒥ ᓂᕈᐊᕈᑎᖃᕐᓂᐊᖅᑐᑦ ᑐᒃᓯᕋᐅᑎᐅᔪᒥᒃ ᑲᑎᒪᓂᖃᑦᑕᕐᑐᖅ ᓯᓚᕐᔪᐊᓕᒫᒥ ᐆᒪᔪᓕᕆᓂᕐᒧᑦ ᐊᑦᑕᓇᕐᑐᒦᑦᑐᓄᑦ ᑎᑎᕋᖅᑕᐅᓯᒪᓂᖏᓐᓄᑦ ᒫᑦᓯᐅᓕᖅᐸᑦ. ᓂᖏᐅᑦᓯᐊᖅ ᐅᖃᖅᑐᖅ ᓂᕈᐊᕈᑕᐅᓚᐅᙱᓐᓂᖓᓂ, ᑐᙵᕕᒃᑯᑦ ᑲᑎᖅᓱᐃᖏᓐᓇᓂᐊᖅᑐᑦ ᑐᑭᓯᒋᐊᒃᑲᓐᓂᕈᑎᒃᓴᓂᒃ ᓇᓄᐃᑦ ᒥᒃᓵᓄᑦ ᐅᖄᓚᖃᑦᑕᕐᕕᐅᔪᓐᓇᖅᑐᑎᒍᑦ ᐃᓕᓐᓂᐊᑎᑦᓯᔾᔪᑎᒋᓂᐊᕐᓗᒍ ᓂᕈᐊᓕᖅᐸᑕ ᓄᓇᕐᔪᐊᖑᔪᑦ ᖃᓄᐃᓪᓚᕆᓐᓂᖏᓐᓂᒃ ᓄᓇᐃᑦ ᐅᓄᕐᓂᖏᑦ.

TRAFFIC-ᑯᑦ ᑎᒥᓐᖑᖅᑎᑕᐅᓚᐅᖅᓯᒪᔪᑦ 1976-ᒥ ᖃᐅᔨᓴᖅᑎᐅᖁᓪᓗᒋᑦ ᐆᒪᔪᐃᑦ ᑕᐅᖅᓰᒍᑕᐅᕙᒃᑐᓄᑦ, ᐊᒻᒪ ᐱᓕᕆᖃᑎᖃᑦᓯᐊᖃᑦᑕᖅᑐᑎᒃ ᓯᒪᕐᔪᐊᒥ ᐆᒪᔪᓄᑦ ᑮᓇᐅᔭᓂᒃ ᐸᐸᒃᑎᔨᓄᑦ, ᓯᓚᕐᔪᐊᒥ ᓴᐳᔾᔨᓂᕐᒧᑦ ᑲᑐᔾᔨᖃᑎᒌᑦ ᐊᒻᒪ CITES.

-30-