Nomination Period for NTI Election for Vice-President
ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᓂᕈᐊᖅᑐᓕᕆᔨᒻᒪᕆᐊᑦ ᑲᒪᔨ ᓈᓐᓯ ᖃᕆᑕᖅ ᓕᓐᑎᐊ ᐅᖃᖅᑐᖅ ᐅᑉᓗᒥ ᑕᒪᒃᑯᐊ ᓂᕈᐊᒐᒃᓴᐅᑎᑦᑎᓂᕐᒧᑦ ᐅᑉᓗᐃᑦ ᓂᕈᐊᖅᑎᑦᑎᓂᐊᓐᓄᑦ ᓄᓇᕗᑦ ᑐᓐᖓᕕᒃ ᑎᒥᖓᑦ ᐊᖓᔪᖅᑳᑉ-ᑐᖏᓕᒃᓴᖓᓄᑦ ᐊᐅᓚᓂᖃᕐᓂᐊᖅᑐᖅ ᐊᒃᑑᑉᐱᕆ, 27-31, 2014.
ᓂᕈᐊᕐᓇᖅ ᐱᒋᐊᕐᓂᐊᖅᑐᖅ ᑎᓴᑉᐸ 8, 2014. ᓂᕈᐊᖅᑏᑦ ᐅᐸᒍᓐᓇᕐᓂᐊᖅᑐᑦ ᓯᕗᓂᐊᓂ ᓂᕈᐊᕐᓂᕐᒧᑦ ᑎᓴᑉᐸ 1, 2014 ᐅᕝᕙᓘᓐᓃᑦ ᓂᕈᐊᕈᓐᓇᖅᑐᑦ ᑎᓕᓯᓗᑎᒃ ᓂᕈᐊᖅᑎᒃᓴᒥᖕᓂᑦ ᐅᕝᕙᓘᓐᓃᑦ ᑎᑎᖅᑲᑎᒍᑦ-ᓂᕈᐊᕈᑎᒃᑯᑦ.
ᐊᔪᖏᑎᑕᐅᔪᑦ ᓂᕈᐊᒐᒃᓴᐅᓂᕐᒥᑦ ᑲᓇᑕᒥᐅᑕᐅᔭᕆᐊᖃᖅᑐᑦ, ᐅᑭᐅᖃᕐᓗᑎᒃᓗ ᑎᑭᐅᑎᓗᒍ 16-ᓂᒃ ᐅᑭᐅᖃᕐᓂᕐᒥᑦ, ᐊᒻᒪᓗ ᐊᑎᓕᐅᖃᑕᐅᓯᒪᓗᑎᒃ ᐃᓗᐊᓂ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂ.
ᓂᕈᐊᒐᒃᓴᓄᑦ ᑕᑕᑎᕈᑎᑦ ᐱᔭᐅᔪᓐᓇᖅᑐᑦ ᐅᕙᖓᑦ ᐊᖓᔪᖅᑳᖑᔪᖅ ᓂᕈᐊᖅᑐᓕᕆᔨᒻᒪᕆᒃᒥᑦ, ᓄᓇᓕᖕᓂ ᑐᓴᐅᒪᑎᑦᑎᔨᑦ ᑲᒪᔨᖏᓐᓂᒃ, ᐅᕝᕙᓘᓐᓃᑦ ᐅᑯᓇᖓᑦ ᓄᓇᕗᑦ ᑐᓐᖓᕕᒃ ᑎᒥᖓᑕ ᖃᕆᑕᐅᔭᑎᒍᑦ ᑕᑯᓇᒡᕕᐊᓐᓂ.
ᐊᔪᖏᑎᑕᐅᔪᑦ ᓂᕈᐊᒐᒃᓴᐅᓂᒃᒧᑦ ᑕᑕᑎᕆᓚᐅᕐᓗᑎᒃ ᓇᖕᒥᓂᖅ ᓂᕈᐊᒐᒃᓴᐅᓂᕐᒧᑦ ᐸᐃᑉᐹᓂᒃ ᐅᕗᖓ ᓂᕈᐊᖅᑐᓕᕆᔨᒻᒪᕆᖕᒧᑦ ᑲᒪᔨᐊᓐᓄᑦ ᓯᕗᓂᐊᓂ 5 ᐅᓐᓄᒃᓴᒃᑯᑦ, ᓄᓇᓕᐅᑉ ᖃᐅᔨᓴᐅᑎᐊ ᓯᕿᓐᖑᔭᖓ ᒪᓕᒃᓗᒍ, ᐊᒃᑰᑉᐱᕆ 31, 2014.
ᓂᕈᐊᒐᒃᓴᑦ ᐆᒃᑐᖅᑐᑦ ᐱᔭᒃᓴᖃᖅᑐᑦ ᓇᓗᓇᐃᖅᓯᑦᑎᐊᕐᓂᕐᒥᑦ ᓂᕈᐊᒐᒃᓴᐅᓂᕐᒧᑦ ᐸᐃᑉᐹᖁᑎᖏᑦ ᐱᔭᐅᒐᓗᐊᕐᒪᖔᑕ. ᓂᕈᐊᒐᒃᓴᐅᓂᕐᒧᑦ ᐸᐃᑉᐹᖁᑎᖏᑦ ᐱᔭᐅᓯᒪᖏᓐᓂᖅᐸᑕ ᐃᓱᓕᕝᕕᐊ ᒪᓕᒃᖢᒍ, ᑕᐃᓐᓇ ᓂᕈᐊᒐᒃᓴᐅᓇᓱᐊᖅᑐᖅ ᐱᔪᓐᓇᖅᑎᑕᐅᔾᔮᖏᑦᑐᖅ ᐃᓚᐅᓂᕐᒥᑦ ᓄᓇᕗᑦ ᑐᓐᖓᕕᒃ ᑎᒥᖓᓐᓄᑦ ᓂᕈᐊᕐᓂᐊᓐᓂ.
ᐱᓇᓱᐊᖃᓴᑕᐅᔪᑦ ᓂᕈᐊᒐᒃᓴᐅᓪᓗᑎᒃ ᐃᒪᓐᓇᐃᓕᐅᑐᐃᓐᓇᕆᐊᖃᖅᑐᑦ ᓴᑐᐃᓗᑎᒃ ᓇᖕᒥᓂᖅ ᓂᕈᐊᒐᒃᓴᐅᓂᕐᒧᑦ ᒐᐃᑉᐹᖁᑎᖏᓐᓂᒃ ᐱᔪᒪᖏᓕᕐᓗᓂ ᑎᑭᐅᑎᓗᒍ 5-ᒥ ᐅᓐᓄᒃᓴᒃᑯᑦ ᓄᕕᐱᕆ 3, 2014.
ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ: ᐅᖃᕐᕕᒋᒍᒃ:
ᓈᓐᓯ ᖃᕆᑕᖅ ᓕᓐᑎᐅᕐ
ᐊᖓᔪᖅᑳᖅ ᓂᕕᕈᐊᖅᑐᓕᕆᓂᕐᒧᑦ ᑲᒪᔨ
ᐅᖃᓘᑎᐊ: (867) 979-3899 ᓱᑲᔪᖅ: (867) 979-1487
ᐊᑭᖃᖏᑦᑐᖅ: 1- 844-NTI-VOTE (684-8683)
elections@tunngavik.com
www.tunngavik.com