Joint Curriculum Resource Released
ᓄᓇᕗᑦ ᑐᓐᖓᕕᒃ ᑎᒥᖓᑦ ᐊᒻᒪᓗ ᒐᕙᒪᑉᑯᑦ ᓄᓇᕗᒥ ᐅᑉᓗᒥ ᓴᖅᑭᑦᑎᔪᑦ ᐃᓗᐃᑦᑐᒥᑦ ᑲᑐᔾᔨᓪᓗᑎᒃ ᐊᖅᑭᒃᑕᐅᓯᒪᓕᖅᑐᓂᒃ ᐃᓕᓐᓂᐊᕈᑎᒃᓴᓂᒃ ᐊᑐᐃᓐᓇᐅᓂᐊᓕᖅᑐᓂᒃᓗ ᐃᑲᔪᖅᑐᕈᑕᐅᓂᐊᖅᑐᑦ ᑲᔪᓯᑎᑦᑎᓂᕐᒥᑦ ᓄᑖᓂᒃ ᐃᓕᓐᓂᐊᕈᑎᖃᖅᑐᓂᑦ ᖁᑦᑎᖕᓂᖃᖅᑐᓂᒃ 9 ᑕᒪᒃᑯᓄᖓ ᑕᐃᓱᒪᓂᓂᑕᓂᒃ ᓯᓚᕐᔪᐊᒥ ᐃᓕᓐᓂᐊᖅᑎᑕᐅᓂᖏᑦ. ᑕᒪᒃᑯᐊ ᐃᓕᓐᓂᐊᕈᑎᒃᓴᑦ ᐊᑐᓃᖅᑐᓄᑦ ᑐᕌᖅᑐᑦ ᑐᕌᖅᑎᑕᐅᔪᑦ ᐃᓕᓴᐃᓂᕐᒥᑦ ᐃᓕᓐᓂᐊᖅᑐᓂᒃ ᑕᒪᑦᓱᒧᖓ ᐃᓱᒪᖅᓱᕐᓂᕐᒧᑦ ᐊᒻᒪᓗ ᐱᒻᒪᕆᐅᓂᐊᓂᒃ ᑲᓇᑕᐅᑉ ᓂᕈᐊᖅᑐᓕᕆᓂᕐᒧᑦ ᐊᐅᓚᑕᖏᓐᓂᒃ, ᓇᓗᓴᐃᖅᓯᒪᓪᓗᑎᒃ ᐃᑎᔨᔪᒥᑦ ᐊᐅᓪᓗᔾᔨᓗᑎᒃ ᓄᓇᕗᑦ ᑐᓐᖓᕕᒃ ᑐᒥᖓᑦᑕ ᓂᕈᐊᕈᑎᖏᓐᓂᒃ.
ᑕᒪᒃᑯᐊ ᐊᑐᐃᓐᓇᐅᓂᐊ ᐱᔾᔪᑎᒃᓴᐃᑦ ᐅᑯᐊ ᐃᓕᓴᐃᔨᑦ ᒪᓕᒐᒃᓴᖏᑦ ᐊᑐᕐᓂᐊᖅᑕᖏᓐᓄᑦ ᓱᓇᑐᐃᓐᓇᐃᑦ ᑕᐃᑦᓱᒪᓂᑕᓂ ᐊᒻᒪᓗ ᐊᐃᕙᔾᔪᑕᐅᓚᐅᖅᓯᒪᔪᑦ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑏᑦ, ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᒐᕙᒪᓕᕆᓂᕐᒧᑦ ᐊᖅᑭᐅᒪᓂᐊ, ᑲᓇᑕᒥ ᓂᕈᐊᖅᑐᓕᕆᔾᔪᑎᖏᑦᑕ ᑲᔪᓯᓂᖏᑦ, ᐊᒻᒪᓗ ᐃᓱᒪᖅᓱᕈᓐᓇᐅᑎᑦ ᐱᔪᓐᓇᐅᑎᑦ ᐊᒻᒪᓗ ᕿᓪᓚᖅᓯᒪᓗᓂ ᐃᓱᒪᖅᓱᕈᓐᓇᐅᑏᑦ. ᒪᓕᒃᑕᐅᔪᒃᓴᑦ ᐊᒻᒪᓗ ᐃᓚᒋᓪᓗᒋᑦ ᓵᓚᒃᓴᕋᓱᐊᕈᑎᑦ ᐅᑯᓄᖓ 9-ᒥ ᐃᓕᓐᓂᐊᕈᑎᖃᖅᑐᑦ ᖁᑦᑎᖕᓂᓕᖕᓄᑦ ᐃᓕᓐᐊᖅᑎᑦ ᐃᓚᐅᔪᑦ ᓵᓚᒃᓴᕋᓱᐊᖃᑕᐅᓂᕐᒧᑦ ᓴᖅᑭᑦᑎᓗᑎᒃ ᐊᔾᔨᓕᐅᕈᑎᑎᒍᑦ ᑭᒃᑯᓕᒫᓄᑦ ᐅᖃᐅᓯᐅᓂᐊᖅᑐᑦ ᐅᓂᒃᑳᖅᓯᒪᓗᑎᒃ ᐱᒻᒪᕆᐅᓂᖏᓐᓂᒃ ᓂᕈᐊᕐᓂᖅ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᓂᕈᐊᖅᑎᑦᑎᓂᖏᓐᓂ.
“ᖁᕕᐊᓱᒃᑐᖓ ᓴᖅᑭᑎᑦᑎᓂᕐᒥᑦ ᑕᒪᑦᓱᒧᖓ ᑲᑐᔾᔨᓪᓗᑎᒃ ᐊᐅᓚᔾᔭᒃᑕᐅᒋᐊᖅᑐᒧᑦ ᐱᖃᑎᒋᓪᓗᒋᑦ ᓄᓇᕗᑦ ᒐ>ᒪᑉᑯᖏᑦ ᐅᑉᓗᒥ” ᐅᖃᖅᑐᖅ ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᖅ ᑳᑎ ᑕᐅᑐᖏ “ᓄᓇᕗᑦ ᑐᓐᖓᕕᒃ ᑎᒥᖓᑦ ᓂᕆᐅᒃᑐᑦ ᑕᒪᓐᓇ ᐊᑐᐃᓐᓇᕈᐃᓂᐊᕐᓂᖓᓂᒃ ᓄᓇᕗᑦ ᐃᓕᓐᓂᐊᖅᑎᖁᑎᖏᓐᓂᒃ ᑐᖓᕕᖃᖅᑎᐊᖅᑐᒥᑦ ᓯᑎᔪᒥᑦ ᑐᑭᓯᐊᓂᕐᒥᑦ ᐱᒻᒪᕆᐅᓂᐊᓐᓂᒃ ᓂᕈᐊᕐᓇᐅᕙᒃᑐᑦ ᓂᕈᐊᒐᒃᓴᓂᒃ, ᐊᒻᒪᓗ ᐊᑐᐃᓐᓇᕈᐃᓪᓗᑎᒃ ᑖᒃᑯᓄᖓ ᑐᑭᓯᐊᑦᑎᐊᕐᓂᕐᒥᑦ ᑕᐃᓱᒪᓂ ᐱᒋᐊᕈᑎᓂᒃ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂᒃ ᐊᒻᒪᓗ ᐊᖅᑭᒃᑕᐅᓂᕆᓚᐅᖅᓯᒪᔭᖓᓂ ᒪᑭᑎᑕᐅᑎᓪᓗᒍ ᓄᓇᕗᑦ ᑐᓐᖓᕕᒃ ᑎᒥᖓᑦ.”
“ᓴᖏᑦᑎᓕᕈᑎᒋᓕᕐᓗᓂᒋᑦ ᐅᕙᒍᑦ ᓇᖕᒥᓂᖅ ᐃᓕᓐᓂᐊᑐᓕᕆᓂᕐᒧᑦ ᐊᖅᑭᐅᒪᑎᑕᑉᑕ ᓯᕗᓕᓪᑎᑕᐅᓗᑎᒃ ᖁᑦᑎᖕᓐᖅᐹᒥ ᐅᑯᓄᖓ ᒐᕙᒪᒋᔭᑉᑎᓐᓄᑦ,” ᐅᖃᖅᑐᖅ ᒥᓂᔅᑕ ᐃᓕᓐᓂᐊᖅᑐᓕᕆᓂᕐᒧᑦ ᐹᓪ ᖁᐊᓴᖅ. “ᓴᖅᑭᑦᑎᓂᖅ ᓄᑖᒥ ᐃᓕᓐᓂᐊᕈᑎᓴᒃᓂᒃ ᐃᒪᓐᓇ ᐅᓕᒃᑳᖅᑐᓂᒃ ᖃᓄᖅ ᐅᕙᒍᑦ ᓇᖕᒥᓂᖅ ᐊᐅᓚᑦᓂᕆᔭᑉᑎᓐᓂᒃ ᐅᑉᓗᒥ ᐃᓅᔪᓄᑦ ᐊᒻᒪᓗ ᐃᑲᔪᕈᑕᐅᓗᑎᒃ ᐃᓕᓐᓂᐊᖅᑎᓄᑦ ᑐᑭᓯᐊᓂᕐᒥᑦ ᑕᐃᓱᒪᓂ ᓄᓇᕗᑦ ᐊᑐᐃᓐᓇᐅᑎᑦᑎᓂᐊᓂᒃ ᐃᓚᐅᑎᑦᑎᓂᕐᒥᑦ ᐊᒻᒪᓗ ᐱᖅᑯᓇᖅᑐᓂᑦ ᐃᑉᓕᕐᓇᖅᑐᓂᑦ ᐃᓕᑦᑎᕙᓪᓕᐊᓂᕐᒧᑦ ᐊᑐᕐᓂᕐᒥᑦ.”
ᑕᒪᓐᓇ ᑲᑐᔾᔨᓂᒃᑯᑦ ᐊᑐᐃᓐᓇᐅᑎᑦᑎᓂ ᐱᔾᔪᑎᒃᓴᓂᒃ ᐅᑉᓗᖃᖅᑎᑕᐅᔪᖅ ᓴᖅᑭᑎᑕᐅᓛᕐᓂᖏᓐᓂᒃ ᐃᓕᓐᓂᐊᕐᕕᓂ ᐅᑭᐊᓵᖑᓂᐊᖅᑐᒥ ᒫᓐᓇ, ᑎᑭᐅᑎᓗᓂᓗ ᐅᑉᓗᐊ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᑉ-ᑐᖏᓕᒃᓴᖓᓂᑦ ᓄᕈᐊᕐᓇᐅᓂᐊᕐᓂᐊᑕ ᑎᓴᑉᐸ 8, 2014.