Health Canada announcement for Taima TB project

ᐅᓪᓗᖓ: ᔮᓐᓄᐊᕆ 13, 2011
ᐅᖃᖅᑎ: ᑳᑎ ᑕᐅᑐᙱ, ᐊᖏᔪᖅᑳᖅ
ᐅᕘᓇ: ᑲᓇᑕᒥ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᑐᓴᖅᑎᑦᓯᓂᖓ
ᐃᓗᓕᖓ: ᑲᓇᑕᒥ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᓇᓗᓇᐃᖅᓯᔪᑦ ᑕᐃᒪ ᐳᕙᓪᓗᓂᕐᒧᑦ ᐱᓕᕆᐊᖑᔪᒥᒃ

________________________________________________________________________
• ᓯᕗᓪᓕᖅᐹᒥ, ᐃᓕᑕᕆᔪᒪᔭᕋ ᒥᓂᔅᑕ ᐊᒡᓘᒃᑲᖅ ᐃᑲᔪᖅᑐᐃᓯᒪᓂᖓᓄᑦ ᑕᐃᒪ ᐳᕙᓪᓗᓂᕐᒧᑦ ᐱᓕᕆᐊᖑᔪᒧᑦ.
• ᑕᒪᓐᓇ ᑕᑯᒃᓴᐅᑎᑦᓯᔪᖅ ᒐᕙᒪᑐᖃᒃᑯᑦ ᐃᑲᔪᕈᒪᓂᖓᓐᓂᒃ ᐃᓱᒫᓗᓇᒻᒪᕆᑦᑑᔪᒧᑦ ᓄᓇᕗᒻᒥ, ᖁᔭᓕᓇᓪᓚᕆᑦᑐᖅ.
• ᖁᔭᓐᓇᒦᕈᒪᖕᒥᔭᒃ ᐱᓕᕆᖃᑎᒋᓯᒪᔮᒃᑲ ᓇᖏᖃᑎᒋᓪᓗᒋᒃ ᐅᓪᓗᒥ, ᓯᕗᓕᖅᑎ ᐋᕆᐊᒃ ᐊᒻᒪ ᒥᓂᔅᑕ ᑰᓕ, ᐊᒻᒪᓗ ᓘᑦᑖᖅ ᐊᓪᕕᐅᕋᔅ.
• ᐃᓅᓪᓗᑕ, ᐊᒃᑐᖅᑕᐅᓯᒪᔪᐃᓐᓇᐅᓯᒪᒐᒃᑕ ᐳᕙᓪᓗᓂᕐᒧᑦ ᖃᑕᓐᖑᑎᑎᒍᑦ ᓄᓇᓕᑦᑎᒍᓪᓗ.
• ᖁᕝᕙᓯᓐᓂᖅᐹᖑᔪᓂᒃ ᑲᓇᑕᒥ ᐳᕙᓪᓗᑦᑐᖁᑎᖃᖃᑦᑕᕋᑦᑕ, ᐊᒻᒪᓗ ᐊᑯᓃᖅᑐᒥᒃ ᐱᔭᕆᐊᑐᔪᒥᓪᓗ ᐳᕙᓪᓗᓂᕐᒧᑦ ᑭᖑᓂᖃᖅᓯᒪᓪᓗᑕ.
• ᐱᕙᓪᓕᐊᓯᒪᑎᓪᓗᒋᑦ ᐃᑲᔫᑎᒃᓴᐃᑦ ᖃᓄᖅᑑᕈᑎᒃᓴᐃᓪᓗ ᖃᓄᐃᖏᑎᐊᕐᓂᕐᒧᑦ, ᖃᐅᔨᒪᒐᑦᑕ ᐳᕙᓪᓗᓐᓂᖅ ᓴᐳᑎᒐᒃᓴᐅᓂᖓᓂᒃ. ᐋᖅᑭᒍᑎᒃᓴᖅᑕᖃᖅᑐᖅ.
• ᑕᐃᒪᓐᓂᖓᓄᑦ ᑐᙵᕕᒃᑯᑦ ᐱᓕᕆᖃᑎᖃᒻᒪᕆᒃᓯᒪᕗᑦ ᓘᑦᑖᖅ ᐊᓪᕕᐳᕋᔅᒥᒃ ᐱᕙᓪᓕᐊᑎᑕᐅᓂᖓᓄᑦ ᐱᓕᕆᐊᖑᔫᑉ, ᐊᒻᒪ ᓂᕆᐅᑦᑎᐊᓕᕈᑎᒋᓯᒪᓪᓗᒍ ᑲᑦᑐᔨᖃᑎᒌᓐᓂᐊᕐᓂᕗᑦ ᐱᓕᕆᐊᖃᕐᓂᕐᒥᒃ ᑕᐃᒪ ᐳᕙᓪᓗᓂᕐᒧᑦ ᐱᓕᕆᐊᖑᔪᒥᒃ.
• ᓯᕗᓪᓕᖅᐹᒥ, ᑕᒪᓐᓇ ᐱᓕᕆᐊᖑᔪᖅ ᐃᓕᖅᑯᓯᑐᖃᕐᒧᑦ ᒪᓕᑦᓯᐊᕐᓗᓂ ᐱᓕᕆᐊᖑᖁᓪᓗᒍ.
• ᓇᓗᓇᐃᖅᓯᓚᐅᕐᒪᑦ ᓘᑦᑖᖅ ᐊᓪᕕᐅᕋᔅ, ᑖᓐᓇ ᐱᓕᕆᐊᖑᔪᖅ ᐱᖏᐊᖅᑎᑕᐅᓂᐊᕐᓂᖓᓂᒃ ᐃᖃᓗᓐᓂ, ᓂᕆᐅᒋᕙᕗᑦ ᓄᓇᓖᑦ ᐊᓯᖏᓐᓄᑦ ᓄᓇᕗᒻᒥ ᑎᑭᐅᑎᑎᑕᐅᓂᐊᕐᓂᖓᓂᒃ.
• ᑎᓕᐅᕆᐊᖅᐸᒃᑲ ᐃᓄᐃᑦ ᐃᖃᓗᓐᓂ ᐊᒻᒪ ᓄᓇᕗᒻᒥ ᒪᓕᑦᓯᐊᖁᓪᓗᒋᑦ ᐱᓕᕆᐊᖑᔪᒥᒃ ᐊᒻᒪ ᐃᓚᐅᖃᑕᐅᔪᓐᓴᕋᐃᒍᑎᒃ ᓄᓇᓕᓐᓂ ᐃᓚᐅᖃᑕᐅᑦᓯᐊᖁᓪᓗᒋᑦ, ᓂᐱᓯ ᑐᓴᖅᑕᐅᓂᐊᕐᒪᑕ ᖃᐅᔨᒃᑲᐃᑲᓐᓂᕈᑎᒋᓪᓗ ᐱᕙᓪᓕᐊᓂᖓᓄᑦ, ᐃᓚᐅᒋᑦᑎ!
• ᐱᓕᕆᐊᒃᓴᖃᖅᑐᐃᓐᓇᐅᒐᑦᑕ ᐳᕙᓪᓗᓐᓂᕐᒥᒃ ᓴᐳᔾᔨᓗᑕ - ᑲᑐᔾᔨᓂᒃᑯᑦ ᓄᖑᑎᑦᑐᓐᓇᕋᑦᑎᒍ ᓄᓇᓕᖁᑎᑦᑎᓐᓂ.
• ᐃᓛᒃ, ᑲᔪᖏᖅᑎᑕᐅᒃᑲᓂᓕᖅᐳᖓ ᐅᓪᓗᒥ ᓇᓗᓇᐃᖅᑕᐅᔪᒧᑦ.
• ᖁᕕᐊᒋᒻᒪᕆᒃᓯᒪᔭᕋ ᓘᑦᑖᖅ ᐊᓪᕕᐅᕋᔅ ᐃᑲᔪᕈᒪᓂᕐᒥᒃ ᓄᓇᒻᒥᐅᓂᒃ ᐊᓂᖅᑎᕆᓂᕐᒧᑦ ᐋᓐᓂᐊᕈᑕᐅᕙᑦᑐᓄᑦ, ᐊᒻᒪ ᖁᕕᐊᒃᐳᖓ ᐃᓄᐃᑦ ᐱᓕᕆᖃᑎᖃᕐᓂᐊᕐᓂᖏᓐᓂᒃ ᖃᐅᔨᓴᖅᑎᓂᒃ ᒐᕙᒪᒃᑯᓐᓂᓪᓗ ᖃᓄᐃᖏᑦᑎᐊᖃᑦᑕᓂᖅᓴᐅᖁᓪᓗᑕ.
• ᓇᑯᕐᒦᒃ, ᖁᔭᓐᓇᒦᒃ