Has tobacco affected you, your family and/or community?

ᑕᕝᕚᑭ ᐃᓕᖕᓂᒃ, ᐃᓚᖕᓂᒃᓄᓇᓕᖕᒥᐅᑕᐅᖃᑎᖕᓂᒡᓘᓐᓃᑦ ᐊᒃᑐᖅᓯᓯᒪᕚ?

ᑖᓐᓇ ᐊᐱᖅᑯᑎ ᑭᐅᒍᕕᐅᒃ ᐃᒪᓐᓇ,ᐄ, ᑕᐃᒪᓕ ᐅᓂᒃᑲᐅᓯᒃᓴᖕᓂᒃ ᐊᐱᕆᕝᕕᒋᕙᑦᑎᒋᑦ!

·ᓇᒡᓕᒋᔭᕐᓂᒃ ᐃᓅᔪᓐᓃᖅᑐᖃᖅᓯᒪᕚ ᑕᕝᕚᑭᒥᒃ ᐊᑐᕐᓂᕐᒥᓅᑦ?

·ᐃᓅᓯᑦᑎᐊᕙᒋᔪᓐᓇᖅᑕᐃᑦ ᐃᓅᓯᑦᑎᐊᕙᒋᔪᓐᓇᖅᑕᖏᓪᓘᓐᓃᑦ ᓇᒡᓕᒋᔭᕕᑦ ᐊᒃᑐᖅᑕᐅᕐᔪᐊᖅᓯᒪᓂᖃᖅᐹᑦ ᑕᕝᕚᑭᒨᑦ? ᖃᓄᕐᓕ ᑕᒪᓐᓇ ᐃᓕᖕᓂᒃ ᐊᒃᑐᖅᓯᓯᒪᕙ?

·ᓱᐴᖅᑐᖃᑦᑕᕈᓐᓃᖅᓯᒪᕖᑦ ᓱᐳᖅᑐᖃᑦᑕᕈᓐᓃᕋᓱᒃᐱᓪᓘᓐᓃᑦ ᐃᓱᒫᓘᑎᖃᕐᓂᕐᓅᑦ ᐃᓚᒋᔭᕕᑦ ᓯᕗᓂᒃᓴᖏᓐᓃᒃ?

·ᐊᓈᓇᒋᔭᐅᕖᑦ ᓄᑕᕋᓛᑦ ᐊᒃᑐᖅᑕᐅᓯᒪᓪᓗᓃᑦ ᑕᕝᕚᑭᒨᑦ?

·ᐃᓱᒫᓘᑎᖃᖅᐲᑦ ᖃᓄᐃᙱᑦᑎᐊᕈᓐᓇᕐᓂᖏᓐᓄᑦ ᓯᕗᓂᒃᓴᖏᓐᓄᓪᓘᑦ ᓄᓇᖅᑲᑎᕖᑦ?

·ᐃᑲᔪᕈᒪᕕᑎᒎᑦ ᐅᔾᔨᕐᓇᖅᓯᑎᑦᑎᒃᑲᓐᓂᕐᓂᕐᒧᑦ ᓱᐴᖅᑐᕐᕕᐅᖃᑦᑕᙱᓕᕈᓐᓇᖅᑐᒨᑦ ᓄᓇᕗᒻᒨᑦ?

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᒃᑯᖏᑕ ᐱᓕᕆᐊᕆᔭᖓᓄᑦ ᐆᒧᖓᑕᕝᕚᑭ ᑕᒫᓂ ᐃᓂᒃᓴᖃᙱᑦᑐᖅᐱᓇᔫᑎᒋᔭᖓᓄᑦ, ᕿᓂᖅᐳᒍᑦ ᓄᓇᕗᒻᒥᐅᓂᒃ ᐊᒃᑐᖅᑕᐅᓯᒪᔪᓂᒃ ᑕᕝᕚᑭᒧᑦ. ᑎᑎᕋᖅᓯᒪᓕᖅᑎᑦᑎᔪᒪᒐᑦᑕ ᐅᓂᒃᑲᐅᓯᕆᔭᕐᓂᒃ ᖃᓄᖅ ᑕᕝᕚᑭ ᐊᒃᑐᖅᓯᓯᒪᖕᒪᖔᑦ ᐃᓕᖕᓂᒃ ᐃᓄᖕᓂᒡᓘᓐᓃᑦ ᓇᒡᓕᒋᔭᕐᓂᒃ.

ᕿᓂᖅᑐᒍᑦ ᐅᓂᒃᑲᐅᓯᕐᓂᒃ ᐊᒃᑐᐊᓂᓕᖕᓂᒃ ᐊᓯᐅᔨᓂᕐᒧᑦ, ᐅᒡᒐᖅᓱᕐᓂᕐᒧᑦ ᐊᒃᓱᕈᕐᓇᖅᑐᒦᓕᕐᓂᕐᒧᓪᓗ ᑕᐃᒪᐃᑎᑕᐅᓯᒪᓪᓗᑎᒃ ᑕᕝᕙᑭᑐᖅᑐᖃᖅᐸᖕᓂᖓᓄᑦ. ᓄᓇᕗᒻᒥᐅᓂᒃ ᑕᑯᑦᑎᐊᖁᔨᓗᐊᒧᑦ ᓱᐴᖅᑐᕐᓂᕐᒥᒃ ᐅᑭᐅᖅᑕᖅᑐᒥ ᑕᐃᒪᐃᓕᐅᕈᑎᖃᖅᐳᒍᑦ ᐱᓇᔪᒍᓐᓇᖅᓯᓗᑎᒡᓗ ᐱᓕᕆᐊᖃᕈᓐᓇᕐᓂᕐᒥᒃ ᐅᓂᒃᑲᐅᓯᖃᕐᓗᑎᒃ ᓈᓚᒡᓗᑎᒡᓗ ᓇᖕᒥᓂᖅ ᐅᓂᒃᑲᐅᓯᐅᓯᒪᔪᓂᒃ ᐃᓄᓪᓚᑦᑖᓂᙶᖅᑐᓂᒃ ᓲᕐᓗ ᐃᓕᖕᓂᑦ.

ᑕᑯᑎᑦᑎᔪᒪᒐᑦᑕ ᓴᙱᔪᐊᓘᓂᕐᓂᒃ, ᑕᒪᑐᒧᖓ ᓱᓕᓪᓚᕆᒍᓐᓇᕐᓂᕐᓂᒃ, ᑲᑉᐱᐊᓱᙱᓐᓂᕐᓂᒡᓗ ᓵᑦᑎᐊᕐᒥᐅᑕᖃᕋᓗᐊᖅᑎᓪᓗᑎᑦ ᓄᓇᕗᒻᒥᐅᓂᒃ ᐊᖏᓛᒥᒃ ᑐᖁᕋᐃᔾᔪᑕᐅᕙᒃᑐᒥᒃ. ᓱᐴᖅᑐᕐᕕᐅᕙᙱᑦᑐᒥᒃ ᓄᓇᕘᖃᕈᓐᓇᕋᑦᑕ ᑭᓯᐊᓂ ᐃᓕᖕᓂᑦ ᐃᑲᔪᖅᑕᐅᔭᕆᐊᖃᕋᑦᑕ.

ᐃᓄᐃᑦ ᑐᓂᓯᔪᑦ ᐅᓂᒃᑲᐅᓯᕐᒥᓂᒃ ᐊᔾᔨᓕᐅᖅᑕᐅᑐᐃᓐᓇᕆᐊᓖᑦ ᑕᕐᕆᔭᐅᓯᐊᖑᓗᑎᒡᓗ ᐊᑭᓐᓇᒥᐅᑕᒃᓴᓄᑦ, ᕿᓪᓕᖅᑐᓄᑦ ᐊᒻᒪᓗ/ᐅᕝᕙᓘᓐᓃᑦ ᐅᓂᒃᑲᐅᓯᖏᑦ ᑕᑯᔭᐅᔪᓐᓇᖅᓯᓗᑎᒃFacebook-ᒃᑯᑦ, ᖃᕆᑕᐅᔭᒃᑯᑦ ᐃᑭᐊᖅᑭᕕᖕᒥ,YouTube-ᑯᓪᓗ, ᑕᒪᓐᓇ ᐃᓚᒋᔭᐅᑎᑕᐅᓗᓂ ᐆᒧᖓ, ᑕᕝᕚᑭ ᑕᒫᓂ ᐃᓂᒃᓴᖃᙱᑦᑐᖅ, ᐱᓇᔫᑎᒋᔭᐅᔪᒧᑦ.

ᐃᓱᒪᒋᔭᖃᕈᕕᑦ ᓯᕗᓕᖅᑎᐅᓂᕐᒥᒃ ᐅᓇᑕᕐᓂᕆᔭᐅᔪᒧᑦ ᖃᓄᐃᙱᑦᑎᐊᕈᓐᓇᕐᓂᖏᓐᓄᑦ ᐃᓅᖃᑎᕗᑦ ᐅᓂᒃᑲᐅᓯᒃᓴᖃᕐᓗᑎᓪᓗ ᖃᓄᖅ ᑕᕝᕚᑭ ᐃᓅᓯᕐᓂᒃ ᐊᒃᑐᖅᓯᓯᒪᖕᒪᖔᑦ, ᐅᕙᑦᑎᓐᓄᑦ ᖃᐅᔨᒋᐊᕐᓂᐊᖅᐳᑎᑦ ᐅᑐᐱᕆ 31, 2011 ᑎᑭᓚᐅᙱᓐᓂᖓᓂ ᐅᕗᖓ ᐅᖄᓚᓗᑎᑦ:

ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᐃᓄᓕᕆᔨᒃᑯᓐᓄᓪᓗ ᐅᕗᖓ, 867-975-5700

ᖃᕆᑕᐅᔭᒃᑯᓪᓘᓐᓃᑦ ᓚᕆᓴ ᑰᓱᕐ ᑎᑎᕋᕐᕕᒋᓗᒍ ᐅᕗᖓtobacco@gov.nu.ca