Greenland/Canada Joint Commission on Polar Bear

(ᔫᓂ 8, 2010 - ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃᑯᑦ ᓯᕗᓪᓕᖅ ᐊᖏᔪᖅᑳᖓᑕ ᑐᒡᓕᐊ ᔭᐃᒥᓯ ᐃᑦᑐᓗᒃ ᓇᓗᓇᐃᖅᓯᔪᖅ ᐅᓪᓗᒥ ᖁᕕᐊᓱᒃᖢᓂ ᐊᖏᖃᑎᒌᓚᐅᕐᓂᖏᓐᓄᑦ ᒫᓐᓇᓕᓴᐅᔪᓂᒃ ᑐᑭᓯᐅᒪᔾᔪᑎᖃᕆᐊᖃᕐᓂᖏᓐᓂᒃ ᓇᓄᐃᑦ ᐅᓄᕐᓂᖏᓐᓄᑦ ᑲᓚᖡᑦ/ᑲᓇᑕ ᑲᑐᔾᔨᖃᑎᒌᒃᖢᑎᒃ ᑲᒥᓴᓐ ᑲᑎᒪᓚᐅᕐᒪᑕ ᐱᓇᓱᐊᕈᓯᐅᓚᐅᖅᑐᒥ ᐃᓗᓕᔅᓴᑦ, ᑲᓚᖡᓂ.

ᐃᓚᒋᔭᐅᔪᑦ ᑲᑐᔾᔨᖃᑎᒌᒃᑐᑎᒃ ᑲᒥᓴᓐᒧᑦ ᐃᓚᖃᖅᐳᑦ ᐊᖑᓇᓱᑦᑐᓕᕆᔨᒃᑯᑦ ᓄᓇᓕᓐᓂ ᐊᒃᑐᖅᑕᐅᓯᒪᔪᓂ ᑲᓇᑕ ᐊᒻᒪ ᑲᓚᖡᓂ, ᒐᕙᒪᖓ ᑲᓚᖡᑦ ᑲᓇᑕᒥ ᒐᕙᒪᑐᖃᒃᑯᑦ ᓄᓇᕗᓪᓗ ᐊᕙᑎᓕᕆᔨᖏᑦ, ᑐᙵᑯᒃᑯᑦ ᐊᒻᒪ ᕿᑭᖅᑖᓗᒃ ᐆᒪᔪᓕᕆᔨᒃᑯᑦ ᑲᑎᒪᔨᖏᑦ.

ᐃᓚᒋᔭᐅᔪᑦ ᑲᑎᓚᐅᖅᑐᑦ ᒪᐃ 28-ᒥ ᒪᐃ 31-ᒧᓄᑦ ᐃᓗᓕᔅᓴᑦ, ᑲᓚᖠᓂ ᐅᖃᐅᓯᖃᖅᖢᑎᒃ ᖃᓄᐃᓐᓂᖏᓐᓂᒃ ᐊᐅᓚᑕᐅᓂᖏᓐᓂᓪᓗ ᓴᓐᓂᕈᑎᐅᑉ ᐃᒪᖓᑕ ᓇᓄᖏᑦ.

“ᖃᐅᔨᒪᔪᒍᑦ ᖃᐅᔨᓴᖅᑕᐅᔾᔪᑎᒥᓃᑦ ᐱᑐᖃᐅᓕᕐᖓᑕ ᓇᓗᓇᕈᑎᒋᓪᓗᓂᐅᒃ ᓈᒻᒪᓈᖅᓯᒪᓂᖏᓐᓄᑦ ᖃᐅᔨᓴᖅᑕᐅᔾᔪᑎᐅᓯᒪᔪᑦ. ᖃᐅᔨᒪᔪᒍᑦ ᐃᓄᐃᑦ ᑕᒪᒃᑮᓐᓂ ᑲᓚᖠᓂ ᑲᓇᑕᒥᓗ ᐅᐸᒃᑕᐅᒐᔪᓐᓂᖅᓴᐅᓯᒪᖕᒪᑕ ᑕᑯᓂᖅᓴᐅᕙᒃᖢᑎᒡᓗ ᓇᓄᕐᓂᒃ ᓴᓐᓂᕈᑎᐅᑉ ᐃᒪᖓᓂ.” ᐅᖃᖅᑐᖅ ᐃᑦᑐᓗᒃ. “ᐃᓕᑕᕆᓗᒍ ᑕᒪᓐᓇ, ᐃᓱᒪᓕᐅᕈᑎᖃᓚᐅᖅᑐᑦ ᑲᑐᔾᔨᖃᑎᒌᑦ ᓄᑖᓂᒃ ᖃᐅᔨᓴᕈᑎᓂᒃ ᓴᖅᑮᖁᔨᓪᓗᑎᒃ ᓈᒻᒪᓈᖅᑐᒥᒃ ᐃᓱᒪᓕᐅᖁᓐᓇᖁᓪᓗᒋᑦ.”

“ᐃᓱᒪᓕᐅᕈᑎᖃᓚᐅᖅᑐᑦ ᐱᔾᔪᑎᖃᖅᖢᑎᒃ ᒪᓕᒃᖢᑎᒃ ᑕᒪᒃᑮᓐᓂ ᖃᐅᔨᓴᕈᑕᐅᓯᒪᔪᓂᒃ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᑐᒍᑦ ᐅᖃᐅᔾᔭᐅᒋᐊᖅᓯᒪᓂᖏᑦ ᓇᓗᓇᐃᕈᑕᐅᓚᐅᖅᑐᑦ ᐃᓄᐃᑦ ᖃᓄᐃᓕᖓᓂᖏᓐᓄᑦ ᐊᒻᒪ ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑕ ᐃᓱᒪᓕᐊᕆᓚᐅᖅᓯᒪᔭᖓ 2008-ᒥ ᓴᖅᑭᔮᓪᓚᕆᒃᑐᖃᖏᓐᓂᖓᓄᑦ ᓇᓄᐃᑦ ᓄᖑᓕᕐᓂᖏᑦ ᓴᓐᓂᕈᑎᐅᑉ ᐃᒪᖓᓂ.” ᑲᔪᓯᔪᖅ ᐃᑦᑐᓗᒃ.

ᐅᓪᓗᒥᒨᖓᔪᓂᒃ ᖃᐅᔨᓴᕈᑎᑕᖃᖅᑎᓐᓇᒍ ᑲᑐᔾᔨᖃᑎᒌᒃᑐᑦ ᑲᒥᓴᓐ ᐃᓕᑕᖅᓯᕗᑦ ᐃᓱᒪᓕᐅᕈᓐᓇᖏᓐᓂᕐᒥᓂᒃ ᑕᒪᕐᒥᒃ ᐱᑕᖅᑕᐅᔪᓐᓇᖅᑐᑦ ᐊᒥᓲᓂᖏᑦ ᓇᓄᐃᑦ ᓴᓐᓂᕈᑎᐅᑉ ᐃᒪᖓᓂ. ᑕᒪᓐᓇ ᐱᓕᕆᐊᕆᓂᐊᕐᓗᒍ, ᑲᑐᔾᔨᖃᑎᒌᒃᑐᑦ ᐃᓱᒪᓕᐅᕈᑎᖃᖁᔨᖏᑦᑐᑦ ᖃᖓᑕᔫᒃᑯᑦ ᖃᐅᔨᓴᕐᓃᑦ ᐱᐊᓂᓚᐅᖏᓐᓂᖏᓐᓂ.

“ᓴᐳᔾᔨᓂᖅ ᐱᒻᒪᕆᐅᒻᒪᑦ; ᓈᒻᒪᓈᖅᑐᒥᒃ ᓴᐳᔾᔨᓂᕐᒧᑦ ᐸᕐᓇᐅᑎᓕᐅᕈᓐᓇᖁᓪᓗᒋᑦ ᓈᒻᒪᓈᖅᓯᒪᔪᓂᒃ ᖃᐅᔨᓴᕈᑎᒥᓂᕐᓂᒃ ᐱᑕᖃᕆᐊᖃᕐᖓᑦ ᐊᒻᒪ ᖃᐅᔨᒪᔪᒍᑦ ᐃᓄᐃᑦ ᐊᖑᓇᓱᒃᑏᑦ ᖃᐅᔨᖃᑦᑕᖅᑕᖏᒍᑦ ᐅᓪᓗᒥᒨᖓᖏᓗᐊᕐᓂᖏᓐᓄᑦ ᓱᓕᖏᒻᒪᕆᒻᒪᑕ.” ᐃᑦᑐᓗᒃ.

-30-

ᑐᑭᓯᒋᐊᒃᑲᓐᓂᕈᒪᒍᕕᑦ:

ᕗᕋᓐᑯ ᐳᓴᒥ

ᑐᑭᒧᐊᑦᑎᓯᔨ ᑐᓴᐅᒪᔪᓕᕆᔨᒃᑯᑦ

ᓄᓇᓄᑦ ᑐᙵᕕᒃ ᑎᒥᖓ

ᐅᖄᓚᐅᑎ: (867) 975-4939 ᐊᑭᖃᙱᑦᑐᖅ: 1-888-646-0006

fbuscemi@tunngavik.com