Deadline for President for a Day Contest Approaches
ᐊᖓᔪᖅᑳᖑᓚᐅᐱᓪᓚᓂᕐᒧᑦ ᐅᓪᓗᐃᓐᓇᖅ ᓵᓚᒃᓴᕋᓱᐊᕈᒪᔪᓄᑦ ᐃᓄᖕᓄᑦ ᒪᒃᑯᑦᑐᓄᑦ ᐃᓕᓐᓂᐊᕆᐊᖃᑦᑕᖅᑐᓄᑦ ᐃᓕᓐᓂᐊᕐᕕᐊᓗᒻᒧᑦ ᐃᓱᓕᕝᕕᒃᓴᖓ ᐄᑉᕈ 26, 2013.
ᓄᓇᕗᑦ ᑐᓐᖓᕕᒃ ᑎᒥᖓᓄᑦ ᐊᖓᔪᖅᑳᖅ ᑳᑎ ᑕᐅᑐᓐᖏ ᓴᖅᑮᓚᐅᖅᑐᖅ ᓵᓚᒃᓴᖃᑕᐅᓇᓱᐊᕈᑎᒃᓴᒥᒃ ᐊᕐᕌᒍᑦᑎᓐᓂᒃ ᐱᒋᐊᓕᓵᕐᓂᐸᓗᐊᓂ ᓇᓪᓕᐅᓂᕐᓯᐅᕈᑕᐅᖃᑕᐅᓂᐊᖅᑐᒥᒃ ᐊᕙᑎᖃᓕᕐᓂᖏᓐᓂᒃ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑏᑦ ᔪᓚᐃ 9, 2013.
ᐃᓄᐃᑦ ᐃᓕᓐᓂᐊᕐᕕᐊᓗᖕᒧᑦ ᐃᓕᓐᓂᐊᕆᐊᖃᑦᑕᖅᑐᑦ ᓵᓚᒃᓴᖃᑕᐅᓇᓱᐊᕈᒪᔪᑦ ᑎᑎᕋᕆᐊᓖᑦ 500−ᓂᒃ ᐅᖃᐅᓯᖅᑕᓕᓐᓂᒃ ᐅᓂᒃᑳᓕᐅᕐᓗᑎᒃ ᓄᓇᕗᑦ ᒥᑦᓵᓄᑦ ᐊᒻᒪᓗ ᐊᕙᑎᖃᓕᕐᓂᖏᓐᓂᒃ ᐊᖏᕈᑏᑦ. ᓵᓚᒃᓴᖅᑐᖅ ᐅᖃᐅᓯᖃᕐᓂᐊᖅᑐᖅ ᑎᑎᕋᖅᑕᒥᓂᕐᒥᓂᒃ ᓴᖅᑭᖅᑕᐅᓂᖓᓂ ᐊᕙᑎᖃᓕᕐᓂᖓᓄᑦ ᓇᓪᓕᐅᓂᕐᓯᐅᓂᕐᒥ ᓴᓇᓐᖑᐊᖅᑕᐅᓯᒪᔪᖅ ᓇᓗᓇᐃᒃᑯᑕᖅ ᐃᖃᓗᓐᓂ ᓄᓇᕗᑦ ᐅᓪᓗᖓ, ᔪᓚᐃ 9, 2013. ᓵᓚᒃᓴᖅᑐᖅ ᐊᐅᓚᑦᓯᖃᑎᒋᓂᐊᖅᑕᖓ ᐊᖓᔪᖅᑳᖅ ᑕᐅᑐᓐᖏ ᑲᒪᖃᑎᒋᓗᒍ ᓄᓇᕗᑦ ᐅᓪᓗᖓᓂ ᓇᓪᓕᐅᓂᕐᓯᐅᕈᑕᐅᔪᓂᒃ ᐊᓯᖏᓐᓂᓪᓗ ᐱᓕᕆᐊᕆᔭᕆᐊᖃᕐᓂᐊᖅᑐᓂᒃ.
ᓵᓚᒃᓴᖅᑐᖅ ᐃᖃᓗᒻᒥᐅᑕᐅᕌᓂᑉᐸᑦ, ᓵᓚᒃᓴᐅᓯᐊᕐᓂᐊᖅᑐᖅ $1,500.00-ᓂᒃ ᑐᓂᔭᐅᓗᓂ.
ᓵᓚᒃᓴᕋᓱᐊᕈᑕᐅᔪᑦ ᐊᐅᓪᓚᖅᑎᑕᐅᖃᑦᑕᕈᓐᓇᖅᑐᑦ ᑐᓐᖓᕕᒃᑯᑦ ᐊᓪᓚᕝᕕᖓᓄᑦ ᐃᖃᓗᓐᓂ ᐊᐅᓪᓚᖅᑎᑕᐅᓗᑎᒃ ᑎᑎᖅᑲᓂᐊᕐᕕᒃᑯᑦ ᐅᕝᕙᓘᓐᓃᑦ ᐃᕐᖐᓐᓈᕈᑎᒃᑯᑦ ᐅᕗᖓ contest@tunngavik.com. ᓇᓗᓇᐃᖅᑐᕆᐊᒃᑲᓂᕐᓯᒪᔪᑦ ᓵᓚᒃᓴᕋᓱᐊᕈᑎᒃᓴᒧᑦ ᐊᑐᐃᓐᓇᐅᑎᑕᐅᔪᑦ ᑐᓐᖓᕕᒃᑯᑦ ᐃᑭᐊᖅᑭᔾᔪᑎᖓᓂ.