Chief Returning Officer Announced for NTI Election
ᓄᓇᕗᑦ ᑐᓐᖓᕕᒃ ᑎᒥᖓᓂ ᐊᐅᓚᑦᓯᔨᒻᒪᕆᐅᑲᐃᓐᓇᖅᑐᖅ ᑭᖑᕝᕕᐅᑎᓯᒪᓪᓗᓂ ᐋᑕ ᔪᐊᓐ ᐅᓪᓗᒥ ᓇᓗᓇᐃᖅᓯᖅᑲᐅᔪᖅ ᐋᑕᒥ ᐃᑦᑐᐊᑦᓯᐊᖅ ᐊᒻᒪᓗ ᐊᔮᔮ ᑐᓴᐅᒪᑎᑦᓯᔨᐅᓂᕐᒧᑦ ᓇᖕᒥᓂᖁᑎᒋᔭᐅᔪᖅ ᓂᕈᐊᖅᑐᓕᕆᔨᒻᒪᕆᒋᔭᐅᓂᐊᕆᐊᒃᓴᖓᓂᒃ ᑐᓐᖓᕕᒃᑯᑦ ᐊᖏᔪᖅᑳᒧᑦ ᓂᕈᐊᖅᑎᑦᓯᓂᕆᓛᖅᑕᖓᓂ ᑏᓰᒻᕙ 10, 2012.
ᓂᕈᐊᒐᑦᓴᓕᐅᕐᓇᖅ ᒪᑐᐃᖓᓛᖅᑐᖅ ᐊᖏᔪᖅᑳᑦᓴᒧᑦ ᐆᑦᑑᕝᕙ 29-ᒥᒃ ᓅᕙᐃᒻᕙ 2-ᒧᑦ, 2012. ᓂᕈᐊᒐᑦᓴᓐᖑᕈᓐᓇᖅᑐᑦ ᐊᒻᒪᓗ ᓂᕈᐊᕈᓐᓇᖅᑐᑦ ᑲᓇᑕᒥᐅᑕᐅᔭᕆᐊᓖᑦ, 16-ᓂᒃ ᐅᑭᐅᖅᑖᕐᓯᒪᓗᑎᒃ, ᐊᒻᒪᓗ ᐊᑎᖃᖃᑕᐅᔫᓗᑎᒃ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓂ.
ᓂᕈᐊᒐᑦᓴᓕᐅᕈᑏᑦ ᐱᔭᐅᔪᓐᓇᖃᑦᑕᓛᖅᑐᑦ ᐊᕐᕌᒍᑦᑎᓐᓂ ᓇᓕᑐᐃᓐᓇᖏᓐᓂᒃ ᓂᕈᐊᖅᑐᓕᕆᔨᒻᒪᕆᒻᒥᒃ, ᓄᓇᓕᖕᓂ ᑐᖅᑲᑕᕐᕕᖕᓂᒃ, ᐅᕝᕙᓘᓐᓃᑦ ᑐᓐᖓᕕᒃᑯᑦ ᐃᑭᐊᖅᑭᕕᖓᓂ.
ᓂᕈᐊᕐᓇᖅ ᐅᑉᓗᖓᓂ ᓂᕈᐊᕆᐊᖅᑐᕈᓐᓇᔾᔮᖏᑦᑐᑦ, ᓂᕈᐊᕆᐊᖅᑐᕈᓐᓇᓛᖅᑐᑦ ᓯᕗᓂᐊᒍᑦ ᑏᓰᒻᕙ 3, 2012, ᐊᒻᒪᓗ ᓂᕈᐊᕈᑎᒃᓴᑦ ᓂᕈᐊᖅᑎᑦᓯᓂᒃᑯᑦ ᐊᓯᒥᓂᒃ ᐊᑐᖅᑕᐅᒍᓐᓇᓛᕐᒥᔪᑦ.