CALL FOR NOMINATIONS - MENTAL HEALTH REVIEW BOARD
ᓴᒃᑯᑕᐅᑲᐅᑎᒋᔭᕆᐊᓕᒃ
ᓄᓇᕗᑦ ᑐᙵᕕᒃ ᑎᒥᖓ ᕿᓂᖅᑐᑦ ᐃᓄᓐᓂᒃ ᓄᓇᓕᒻᒥᐅᓂᑦ ᓂᕈᐊᒐᒃᓴᓕᐅᖅᑕᐅᒐᔭᖅᑐᓂᑦ ᓄᑖᕐᒧᑦ ᐋᖅᑭᒃᑕᐅᕋᑖᕐᓂᑯᒧᑦ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᓂᕐᒧᑦ ᕿᒥᕐᕈᓇᒃᑏᑦ ᑲᑎᒪᔨᖏᖕᓄᑦ.
ᓂᕈᐊᖅᑕᐅᒐᔭᖅᑐᑦ ᑲᑎᒪᔨᓄᑦ ᐱᓕᒻᒪᒃᓴᖅᑎᑕᐅᒐᔭᖅᑐᑦ ᐃᓕᓐᓂᐊᖅᑎᑕᐅᓗᑎᑦ ᐱᒋᐊᓚᐅᙱᓐᓂᖏᓐᓂ ᐱᒋᐊᕐᕕᒃᓴᖓᑕ ᐅᓪᓗᖓᓂᒃ ᓄᑖᕐᒧᑦ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᓂᕐᒧᑦ ᐱᖁᔭᖅ (ᓂᕆᐅᒋᔭᐅᔪᖅ ᐱᒋᐊᕋᔭᕐᓂᖓᓂᒃ 2025-ᒥ). ᑎᒃᑯᐊᖅᑕᐅᔪᑦ ᓄᓇᓕᒻᒥᐅᑕᐅᔪᑦ ᑲᑎᒪᔾᔪᓯᐊᖃᑦᑕᕋᔭᖅᑐᑦ ᐱᓕᒻᒪᒃᓴᖅᑐᒥᓂᐅᓂᖏᖕᓄ ᐊᒻᒪᓗ ᐱᔨᑦᑎᕋᖃᑦᑕᕐᓂᖏᖕᓄᑦ.
ᐃᓱᒪᒃᑯᑦ ᐋᓐᓂᐊᖅᑕᐃᓕᒪᓂᕐᒧᑦ ᕿᒥᕐᕈᓇᒃᑏᑦ ᑲᑎᒪᔨᖏᑦ ᐱᓇᓲᑎᓂᑦ ᐱᖃᑦᑕᕋᔭᖅᑐᑦ ᐊᒻᒪᓗ ᓈᓚᖃᑦᑕᕐᓗᑎᑦ ᐱᔾᔪᑎᓂᑦ ᐋᓐᓂᐊᕐᕕᓕᐊᕈᑕᐅᓯᒪᔪᓂᑦ ᐃᓱᒪᖅᓱᙱᑦᑐᑎᑦ ᒪᓕᑦᑐᒍ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᓂᕐᒧᑦ ᐱᖁᔭᖅ ᐊᒻᒪᓗ ᑕᐃᒃᑯᐊ ᑭᒡᒐᖅᑐᐃᔪᑦ ᐋᓐᓂᐊᕐᕕᓕᐊᖅᑎᑕᐅᓯᒪᔪᓂᑦ ᐊᔪᐃᓐᓈᕆᐊᕈᓐᓇᖃᑦᑕᕋᔭᖅᑐᑦ ᑲᑎᒪᔨᓄᑦ ᐃᓱᒪᓕᐅᕈᑕᐅᓯᒪᔪᒥᒃ.
ᓂᕈᐊᒐᒃᓴᓕᐊᕆᔭᐅᔪᑦ ᑲᑎᒪᔨᕈᕈᓐᓇᕋᔭᕐᒪᖔᑕ ᐃᓱᒪᒃᓴᖅᓯᐅᕈᑕᐅᒍᓐᓇᖁᓪᓗᒋᑦ, ᓂᕈᐊᕋᒃᓴᓕᐊᕆᔭᐅᔪᑦ ᑲᑎᒪᔨᓄᑦ ᐱᓕᕆᖃᑦᑕᕆᐊᓖᑦ ᐊᒻᒪᓗ ᓇᒻᒥᓂᖅ ᐱᓕᕆᐊᖃᐃᓐᓇᕐᓂᐊᕐᓗᑎᑦ ᑭᒡᒐᖅᑐᐃᓗᑎᑦ ᐱᔭᕆᐊᓕᖏᓐᓂᒃ ᐃᓄᐃᑦ ᓄᓇᕗᒻᒥ.
ᓄᓇᕗᑦ ᑐᙵᕕᒃ ᑎᒥᖓ ᖃᐅᔨᒪᑦᑎᐊᑎᑦᑎᓲᑦ ᐃᓄᐃᑦ ᐃᓚᐅᖃᑕᐅᒐᓗᐊᕐᒪᖔᑕ ᑕᒪᐃᓐᓄᑦ ᐊᑐᓕᖅᑎᑕᐅᓂᖓᓂᒃ ᓄᑖᖅ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᓂᕐᒧᑦ ᐱᖁᔭᕐᒥᒃ.
ᐃᓱᓕᕝᕕᖓ ᐱᓇᓱᐊᕐᓗᓂ ᔮᓐᓄᐊᕆ 17, 2024−ᖑᕗᖅ
ᐊᐅᓪᓚᖅᑎᓪᓗᒋᑦ ᐃᖅᑲᓇᐃᔮᕆᖃᑦᑕᕐᓂᑯᒥᓂᖅᑎᑦ ᐃᓕᓐᓂᐊᖅᓯᒪᔭᒥᓂᖅᑎᓪᓗ ᑎᑎᕋᖅᓯᒪᓂᖏᑦ, ᐱᕋᔭᓐᓂᑯᖃᕐᒪᖔᖅ ᑎᑎᖅᑲᖏᑦ ᐋᓐᓂᖅᓴᕋᐃᒍᓐᓇᖅᑐᓄᑦ ᐃᓄᓐᓄᑦ ᖃᐅᔨᓴᕈᑎᖓ ᐊᒻᒪᓗ ᐱᓇᓱᐊᕐᓂᕐᒧᑦ ᓈᑎᕆᐊᓕᒃ ᐆᐸᓪ ᒥᒃᐃᓂᔅᒧᑦ ᖃᕋᓴᐅᔭᒃᑯᑦ ᐊᐅᓪᓚᖅᑎᓪᓗᒋᑦ ᐅᕗᖓ omcinnis@tunngavik.com.
ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒃᑲᕐᓗᒍ:
ᐆᐸᓪ ᒥᒃᐃᓂᔅ
ᐊᖓᔪᖅᑳᖅ ᐋᓐᓂᐊᖅᑕᐃᓕᒪᓂᕐᒧᑦ ᐊᑐᐊᒐᓕᕆᔨ
ᓄᓇᕗᑦ ᑐᙵᕕᒃ ᑎᒥᖓ
ᖃᕋᓴᐅᔭᒃᑯᑦ: omcinnis@tunngavik.com
ᐅᖄᓚᐅᑎᖓ: (867) 975-7577
ᐅᖄᓚᐅᑎ ᐊᑭᖃᙱᑦᑐᖅ: 1-888-646-0006