Call For Expressions of Interest For the Role of Chair of the National Committee on Inuit Education

ᓯᕗᓕᐊᕈ ᑎᖓ

ᑲᓇᑕᒥ ᐃᓄᐃᑦ ᐃᓕᓐᓂᐊᓕᕆᓂᖓᓄᑦ ᑐᙵᕕᖓ ᓴᖅᑭᑕᐅᓚᐅᖅᐳᖅ 2011-ᖑᑎᓪᓗᒍ ᐃᓄᐃᑦ ᓄᓇᖓᓐᓂ ᐃᓕᓐᓂᐊᕐᓂᓕᕆᓂᕐᒧᑦ ᐊᑲᐃᓪᓕᐅᕈᑕᐅᔪᑦ ᐋᖅᑭᒋᐊᕋᓱᐊᕈᑎᒃᓴᖏᓐᓄᑦ. ᑲᓇᑕᒥ ᐃᓄᐃᑦ ᐃᓕᓐᓂᐊᕐᓂᓕᕆᓂᖓᓄᑦ ᑲᑎᒪᔨᑦ ᐊᑐᓕᖅᑎᑦᑎᓇᓱᐊᖅᐳᑦ ᑲᓇᑕᒥ ᑐᙵᕕᖓᓐᓂᒃ. ᐃᒃᓯᕙᐅᑕᐅᔪᖅ ᑲᒪᔨᐅᕗᖅ ᑲᑎᒪᔨᑦ ᐱᓕᕆᐊᒃᓴᖏᓐᓂᒃ ᐃᑲᔪᖅᑎᖃᖅᖢᓂ ᐃᓄᐃᑦ ᑕᐱᕇᒃᑯᑦ ᐊᒪᐅᔭᖅ ᐃᓄᖕᓄᑦ ᐃᓕᓐᓂᐊᕐᓂᓕᕆᓂᕐᒧᑦ ᐃᖅᑲᓇᐃᔭᖅᑎᖏᓐᓂᒃ. ᑐᑭᓯᒋᐊᒃᑲᓐᓂᕈᒪᒍᕕᑦ ᐊᒪᐅᔭᖅ ᐃᓄᐃᑦ ᐃᓕᓐᓂᐊᕐᓂᓕᕆᓂᖓᓐᓂᒃ ᐅᕗᖓ ᖃᐅᔨᒋᐊᕈᓐᓇᖅᐳᑎᑦ www.amaujaq.ca.

ᑕᒪᑐᒪᓂ ᐊᕐᕌᒍᒥ, ᒥᐊᓕ ᓴᐃᒪᓐ ᐃᒃᓯᕙᐅᑕᐅᓚᐅᖅᑐᖅ ᓄᖅᑲᓚᐅᕐᒪᑦ ᐅᑭᐅᖕᓄᒃ ᒪᕐᕉᖕᓄᒃ ᐃᒃᓯᕙᐅᑕᐅᓚᐅᖅᖢᓂ. ᒪᓕᒃᖢᒋᑦ ᑲᓇᑕᒥ ᐃᓄᐃᑦ ᐃᓕᓐᓂᐊᓂᕐᓕᕆᓂᖓᓐᓄᑦ ᑲᑎᒪᔨᑦ ᐊᑐᐊᒐᖏᑦ, ᐃᓄᐃᑦ ᑕᐱᕇᑦ ᑲᑎᒪᔨᖏᑦ ᑎᒃᑯᐊᖅᓯᓂᐊᖅᐳᑦ ᓄᑖᕐᒥᒃ ᐃᒃᓯᕙᐅᑕᐅᓂᐊᖅᑐᒥᒃ ᐅᑭᐅᓄᑦ ᐱᖓᓱᓄᑦ, ᐱᒋᐊᕐᓗᓂ ᓄᕕᐱᕆ 2014-ᒥ.

ᐃᒃᓯᕙᐅᑕᐅᑉ ᐱᓕᕆᐊᒃᓴᖏᑦ 

ᑲᓇᑕᒥ ᐃᓄᐃᑦ ᐃᓕᓐᓂᐊᕐᓂᓕᕆᓂᖓᓐᓄᑦ ᑲᑎᒪᔨᑦ ᐃᒃᓯᕙᐅᑕᐅᖓ ᐱᒻᒪᕆᐅᕗᖅ ᑐᙵᕕᒃᓴᖅ ᐊᑐᓕᖅᑎᓐᓇᓱᖕᓂᐊᕐᓗᒍ. ᐃᒃᓯᕙᐅᑕᐅᔪᖅ ᐅᑯᓂᖓ ᐱᓕᕆᐊᒃᓴᖃᖅᐳᖅ:

• ᐱᓕᕆᐊᖃᖃᑕᐅᓗᓂ ᑲᑎᒪᔨᑦ ᐱᔭᒃᓴᖏᓐᓂᒃ.
• ᐅᖃᖅᑎᓪᓗᐊᑕᐅᓗᓂ ᑮᓇᐅᔭᖅᑖᕋᓱᐊᕕᐅᔪᓄᑦ, ᓄᓇᓕᖕᓂ ᑲᓇᑕᒥᓗ ᑲᑎᒪᔪᓂ.
• ᑲᑎᒪᑎᑦᑎᔨᐅᓗᓂ ᑕᒪᐃᓐᓄᑦ ᑲᑎᒪᔾᔪᑕᐅᔪᓂᒃ ᑲᑎᒪᑎᓪᓗᒋᑦ ᐅᖄᓚᐅᑎᒃᑯᓪᓘᓐᓃᑦ.
• ᑲᓇᑕᒥ   ᐃᓕᓐᓂᐊᕐᓂᓕᕆᓂᕐᒧᑦ   ᑐᙵᕕᖓ   ᐋᖅᑭᒃᑕᐅᕙᓪᓕᐊᑎᓪᓗᒍ         ᐊᑐᓕᖅᑎᑕᐅᕙᓪᓕᐊᑎᓪᓗᒍᓗ ᑲᒪᔨᐅᓗᓂ.
• ᑐᓴᐅᒪᑎᑦᑎᔨᐅᓗᓂ    ᐃᓕᓐᓂᐊᕐᓂᓕᕆᓂᕐᒧᑦ    ᑲᑎᒪᔨᓄᑦ,     ᐃᓄᐃᑦ                    ᑕᐱᕇᒃᑯᑦ                ᑲᑎᒪᔨᖏᓐᓄᑦ ᑮᓇᐅᔭᖃᖅᑎᑦᑎᔨᐅᔪᓄᓪᓗ.

ᐆᒃᑐᕈᒪᔪᑦ ᐅᑯᓂᖓ ᑐᒃᓯᕋᕐᕕᐅᕗᑦ:

1.   ᓇᓗᓇᐃᖅᓯᔪᒥᒃ ᐃᓄᐃᑦ ᓄᓇᖓᓐᓂᕐᒥᐅᑕᐅᓂᕐᒧᑦ
2.   ᑎᑎᖅᑲᖅ ᓇᓗᓇᐃᖅᓯᔪᖅ ᐃᒃᓯᕙᐅᑕᐅᓂᕐᒧᑦ ᐆᒃᑐᕈᒪᓂᕐᓂᒃ. ᓇᓗᓇᐃᖅᓯᓯᒪᓗᓂ ᐱᓕᕆᐊᕆᖃᑦᑕᖅᓯᒪᔭᕐᓂᒃ ᐊᔪᙱᓐᓂᕆᔭᕐᓂᒃ ᐃᑲᔫᑎᖃᕈᓐᓇᕐᓂᕐᓂᒡᓗ ᑐᙵᕕᒃᓴᖅ ᐊᑐᓕᖅᑎᑕᐅᓇᓱᐊᖅᑎᓪᓗᒍ.

ᐆᒃᑐᕈᒪᔪᑦ ᐲᑕ ᒌᑭᒧᑦ, ᐊᐅᓚᑦᑎᔨᐅᔪᖅ ᐊᒪᐅᔭᖅ ᐃᓕᓐᓂᐊᕐᓂᓕᕆᓂᕐᒧᑦ, ᓇᒃᓯᐅᔾᔨᔪᓐᓇᖅᑐᑦ, ᐃᕐᖐᓐᓈᖅᑕᐅᑎᒃᑯᑦ ᐅᕗᖓ geikie@itk.ca 5-ᒧᐊᓚᐅᖅᑎᓐᓇᒍ ᓯᑎᐱᕆ 29, 2014-ᒥ.