ᓄᓇᕗᑦ ᑐᙵᕕᒃᑯᑦ ᑎᒥᖓᑦ (NTI) ᑲᒪᒋᔭᒃᓴᖃᖅᐳᑦ ᐃᓚᓕᐅᔾᔨᓂᕐᒥᒃ ᐃᓄᖕᓂᒃ ᓄᓇᕗᒻᒥ ᐊᖏᖃᑎᒌᒍᑎᒧᑦ. ᑕᒪᓐᓇ ᐊᐅᓚᑕᐅᔪᖅ ᓄᓇᕗᑦ ᑐᙵᕕᒃᑯᑦ ᑎᒥᖓᓐᓄᑦ ᐊᖅᑯᑎᖃᖅᑐᑎᒃ ᐊᑎᓕᐅᖅᑐᓕᕆᔨᒃᑯᓐᓂᑦ ᐃᖅᑲᓇᐃᔭᖅᑐᓕᕆᔨᒃᑯᓐᓂᑦ, ᐊᒻᒪᓗ ᓄᓇᓕᓐᓂ ᐊᑎᓕᐅᕆᔨᑦ ᑲᑎᒪᔨᕋᓛᖏᑎᒍᑦ.
ᑎᑎᕋᖅᓯᒪᓂᓕᒃ 35 ᓄᓇᕗᒻᒥ ᐊᖏᖃᑎᒌᒍᑎᒥ ᐱᔭᕆᐊᖃᖅᑎᑦᑎᕗᖅ ᓇᓗᓇᐃᖅᑕᐅᓯᒪᔪᒥᒃ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ ᓇᓗᙱᑦᑎᐊᕈᒪᓂᕐᒧᑦ ᑕᒪᕐᒥᑦᑎᐊᖅ ᐊᔪᖅᑎᑕᐅᙱᑦᑐᑦ ᐃᓄᐃᑦ ᓄᓇᕗᒻᒥ ᓄᓇᑖᕐᕕᐅᓯᒪᔪᒥ ᐱᕕᒃᓴᖃᖅᑎᑕᐅᒐᓗᐊᕐᒪᖔᑕ ᐃᓚᐅᓕᕈᓐᓇᕐᓂᕐᒥᒃ. ᐃᓄᒃ ᐃᓄᐃᑦ ᐊᑎᓕᐅᖅᑕᐅᖃᑕᐅᓯᒪᔪᑦ ᐊᑎᖁᑎᖏᓐᓃᑦᑐᑦ ᐱᕚᓪᓕᕈᑎᖃᕈᓐᓇᖅᑎᑕᐅᕗᖅ ᓄᓇᕗᒻᒥ ᐊᖏᕈᑖᓂ ᐃᓅᓂᓕᒫᖓᓂ. ᐃᓄᐃᑦ ᐊᖏᓚᐅᖅᐳᑦ ᓄᓇᕗᑦ ᑐᙵᕕᒃᑯᑦ ᑎᒃᑯᐊᖅᑕᐅᓯᒪᓗᑎᒃ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ. ᐊᑎᓕᐅᖅᑕᐅᖃᑕᐅᔪᑦ ᑕᓯᐅᖅᑕᐅᕗᑦ ᑐᙵᕕᒋᔭᐅᔪᓄᑦ ᐃᓄᐃᑦ ᓇᓗᓇᐃᖅᓯᑦᑎᐊᕈᓐᓇᕐᓂᖏᓐᓂᒃ ᑭᓇᐅᖕᒪᖔᑕ ᐃᓅᖕᒪᖔᑕ ᓄᓇᕗᒻᒥ ᐊᖏᕈᑎᒥᒃ ᐱᕚᓪᓕᕈᑎᖃᕐᓂᐊᕐᓗᑎᒃ.
ᐱᔪᓐᓇᖅᑎᑕᐅᔪᑦ
ᓄᓇᕗᒻᒥ ᐊᖏᕈᑎᒧᑦ ᐊᑎᓕᐅᖅᑕᐅᖃᑕᐅᔪᓐᓇᖅᐳᑎᑦ ᐃᒪᐃᒃᑯᕕᑦ:
- ᑲᓇᑕᒥᐅᑕᐅᒍᕕᑦ
- ᐃᓅᒐᕕᑦ ᒪᓕᑦᑐᒋᑦ ᐃᓄᐃᑦ ᐃᓕᖅᑯᓯᖏᑦ ᐊᒻᒪᓗ ᐊᑐᖅᐸᑦᑕᖏᑦ
- ᓇᓗᓇᐃᖅᓯᒍᕕᑦ ᐃᓅᓂᕐᓂᒃ
ᓄᓇᕗᒻᒥᐅᑕᐅᔭᕆᐊᖃᙱᑦᑐᑎᑦ ᐊᑎᓕᐅᖅᑕᐅᖃᑕᐅᓂᐊᕐᓗᑎᑦ − ᐊᑐᕆᐊᓕᖕᓂᑦ ᒪᓕᑐᐊᕈᕕᑦ ᐊᑎᓕᐅᖅᑕᐅᖃᑕᐅᓂᐊᕐᓗᓂ, ᓇᓂᕐᒥᐅᑕᐅᖕᒪᖔᖅᐱᑦ ᐃᓱᒫᓗᖕᓇᙱᑦᑐᖅ.
ᐊᑎᓕᐅᖅᑕᐅᖃᑕᐅᔪᒪᔪᓄᑦ ᑕᑕᑎᕆᐊᓖᑦ
ᐊᔪᐃᓐᓇᕆᐊᕈᑏᑦ
ᐊᑎᓕᐅᖅᑕᐅᖃᑕᐅᔪᒪᔾᔪᑎᑦ ᐋᒃᑳᖅᑕᐅᒃᐸᑦ, ᐊᔪᐃᓐᓇᕆᐊᒃᑲᓐᓂᕈᓐᓇᖅᐳᑎᑦ ᐃᓱᒪᓕᐊᕆᔭᐅᔪᒥᒃ. ᓄᓇᕗᒻᒥ ᐊᑎᓕᐅᖅᑕᐅᖃᑕᐅᓯᒪᔪᓄᑦ ᖁᑦᑎᖕᓂᖅᓴᒧᑦ ᐅᓐᓂᕐᓗᖕᓂᕐᒧᑦ ᑲᑎᒪᔨᕋᓛᑦ ᕿᒥᕐᕈᓲᖑᕗᑦ ᐊᑐᐊᒐᓕᐅᖅᐸᒃᖢᑎᒡᓗ ᐊᑎᓕᐅᖅᑕᐅᖃᑕᐅᓯᒪᔪᓄᑦ ᐊᔪᐃᓐᓇᕆᐊᒃᑲᓐᓂᕈᑎᓄᑦ.
- Enrolment Appeals Process (PDF)
- ᑕᑕᑎᒐᒃᓴᖅ D: ᐊᑎᓕᐅᖅᑕᐅᔪᒪᔪᓄᑦ ᕿᐱᓗᒃᑕᐅᓂᕐᒧᑦ ᐊᔪᐃᓐᓇᕆᐊᒃᑲᓐᓂᕐᓂᖅ (PDF)
- ᑕᑕᑎᒐᒃᓴᖅ E: ᐊᑎᓕᐅᖅᑕᐅᖃᑕᐅᓯᒪᓂᕐᒧᑦ ᐲᖅᑕᐅᓂᕐᒧᑦ ᐊᔪᐃᓐᓇᕆᐊᒃᑲᓐᓂᕐᓂᖅ (PDF)
- ᑕᑕᑎᒐᒃᓴᖅ F: ᐃᓕᓐᓂᐊᖃᑕᐅᔪᒪᓂᕐᒧᑦ ᐊᔪᐃᓐᓇᕆᐊᒃᑲᓐᓂᕈᑎᑦ (PDF)
ᓇᓗᓇᐃᔭᖅᓯᒪᔪᓂᑦ ᑐᑭᓯᒋᐊᒃᑲᓐᓂᕈᒪᒍᕕᑦ ᐃᓚᐅᓪᓗᑎᒃ ᐊᐱᖅᑯᑕᐅᒐᔪᒃᑐᑦ ᑭᓱᓕᕆᔨᐅᖕᒪᖔᓪᓗ ᓄᓇᓕᖕᓂᑦ ᐊᑎᓕᐅᖃᖕᓂᖕᒧᑦ ᑲᑎᒪᔨᕋᓛᑦ, ᑕᑯᓗᒍ ᐃᓚᐅᓕᖕᓂᖕᒧᑦ ᐱᓕᕆᐊᖅ ᒪᒃᐱᖅᑐᒐᖓ.
ᖃᐅᔨᒋᐊᕐᕕᒃᓴᖅ
ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᓇ ᖃᐅᔨᒋᐊᕐᕕᒋᓗᒍ:
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᐊᑎᓕᐅᕆᓂᕐᒧᑦ ᐊᐅᓚᑦᑎᔨ
ᐃᓄᐃᑦ ᐱᓕᕆᐊᒃᓴᓕᕆᔨᖏᑦ ᐊᒻᒪ ᐱᔨᑦᑎᕋᖅᑎᑦ
ᑎᑎᖅᑲᒃᑯᕕᐊ 280 ᑲᖏᖅᖠᓂᖅ, ᓄᓇᕗᑦ X0C 0G0
ᐅᖄᓚᐅᑖ: (867) 645-5400
ᓱᒃᑲᔪᒃᑯᑦ: (867) 645-5414
ᐊᑭᖃᙱᑦᑐᖅ: 1-888-236-5400
ᐃᕐᖐᓐᓈᖅᑕᐅᑦ: enrolment@tunngavik.com