NTI Expresses Condolences to the Family of Thomas Suluk
(ᐊᒃᑐᕙ 15th, 2018 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓᑕ ᑐᖏᓕᖓ ᔭᐃᒥᓯ ᐃᑦᑐᓗᒃ ᐅᖃᓚᐅᕐᑐᖅ ᖁᒃᓱᓂᕋᖅᑐᓂ ᑕᒪᔅ ᓱᓗᒃ ᐊᕐᕕᐊᕐᒥᐅᑕ, ᓄᓇᕗᖕᒥ ᐃᓅᔪᓐᓂᓚᐅᑎᓪᓗᒍ.
“ᑕᒪᔅ ᐃᓱᒪᒋᔭᑦᑎᐊᖃᑦᑕᓚᐅᕐᑐᖅ ᓄᓇᒥᓂ ᐊᒻᒪᓗ ᓄᓇᕗᖕᒥ. ᖃᐅᔨᒪᓂᖃᓚᐅᕐᒪ ᓄᓇᕗᖕᒥᑦ ᐊᒻᒪᓗ ᐱᖅᑯᓯᖏᓐᓂᒃ ᐃᓄᐃᑦ ᐃᓕᖅᑯᓯᖏᓐᓂᓪᓗ ᐊᖏᔪᐊᓗᖕᒥᒃ. ᐅᐱᒃᐳᖓ ᐃᖅᑲᓇᐃᔭᖃᑎᒋᓚᐅᕐᓯᒪᒐᒃᑯᑦ ᐅᑭᐅᒐᓴᓂᒃ.” ᐅᖃᖅᑐᖅ ᐃᑦᑐᓗᒃ.
ᓱᓗᒃ ᐊᐃᕙᔨᐅᒋᐊᓕᓚᐅᕐᓯᒪᔪᖅ 1977-ᒥ ᓄᓇᑖᕋᓱᐊᕐᓂᕐᒧᑦ ᓯᕗᓂᐊᒍᑦ ᑐᙵᕕᒃ ᓄᓇᕗᑦ ᐱᙳᖅᑎᑕᐅᓚᐅᖅᑎᓐᓇᒍ ᐱᙳᖅᑎᑕᐅᔪᒻᒪᑦ ᑭᓯᐊᓂ 1982-ᒥ. ᑲᓇᑕᐅᑉ ᑲᑎᒪᕕᔾᔪᐊᖓᓄᑦ ᑲᑎᒪᔨᐅᖃᑕᐅᓯᒪᓪᓗᓂ 1984-ᒥᑦ 1988-ᒧᑦ, ᑐᓵᔨᐅᖃᑦᑕᕐᓯᒪᓪᓗᓂ ᐊᒻᒪᓗ ᑐᑭᓕᐅᖅᑎᐅᓪᓗᓂ, ᓄᓇᕗᑦ ᑐᙵᕕᒃᑯᓐᓄᑦ ᐃᖅᑲᓇᐃᔭᕐᑎᐅᓯᒪᓪᓗᓂ, ᓇᖕᒥᓂᖅ ᐱᓕᕆᕕᖃᖅᓯᒪᓪᓗᓂ ᐊᕐᕕᐊᓂ.
ᕿᒪᐃᓯᒪᒻᒪᑕ ᐊᒻᒪᓗ ᐃᑲᔪᓐᓂᖃᖅᓯᒪᓪᓗᓂ ᓄᓇᕗᖕᒥᑦ ᐳᐃᒍᖅᑕᐅᔾᔮᙱᑦᑐᖅ ᐊᒻᒪᓗ ᐊᒃᓱᐊᓗᒃ ᑭᖑᓂᖃᕆᔭᐅᓂᐊᖅᑐᖅ.