NTI Announces 2015 Jose Amaujaq Kusugak Scholarship RecipientsJose Kusugak Ihumagitiagiyauyuk Hivunikhaptinut
Jose Kusugak ihumagiyauhimayuk hivunikhatiagutainut. Akhuukhimayut Inuit inminiigutaiik, ukautainik ovalo inuuviviniinik akhut. Akhuuhimayuk ukautainut ovalo havakhimayainut ovalo tuhalaaktakut ovalo aktulaaktakut tahamna ublumi.
Ilaa Jose akhuukhimanmat inuutitluni mikhaanut hivunikhaptinut ovalo ilihagutikhaptinut, talvuuna hamaniiliktugut ublumi: hakugiktut, aliahuktut, iniktigumayut Nunavumiut. Akhuutait pihimayait Inunut puiguktaulaitut ovalo ukpigiyauyut puvaptini, angilgaptini ovalo nunaptini. Jose Kusugak akhut ukpigiinaktakut maligutainut ovalo aliagiyainut hivuliktivut.
Ublumi piliktunga Nunavumi Ilihaktikhainut Ilihagutikhait Pilihimayuini Iqalumi. Hitamiinut ukiumik iniktiliktunga ukahakat. Ilihaktiunahuakhunga piyumainakhimayatka. Angililikhunga alianaktunik, kuvianaktunik ilihaktiit inuuhititlunga ovalo talvuuna piyumagaakhimayunga havagaagutikhainut ilihaktiinik ovalo maliliktunga ukpigiyamnik.
Pilihimayuit piliktatka tunikataktut amigaitumik kitkaniitunut tamamik Kablunaatitut ovalo Inuktitut ukautainik. Hamna nakuugitiaktatka ikayugutainut akhut. Paknaiyakhimanmata ovaptinut ublumi ovalo hivunikhaptini inuukatigiit nutakavut ovalo tuniyut ilihagutikhainik atugutikhainut atuklugit ilihaktiupluta aalatkiikaktumik inuuhiptinut.
Talvuuna naluhuigutainik pihimaliktatka, ayoikhaihimayatka, angilitigihimayamnik ovalo kanguhuguigutainik pihimaliktamnik mikhaanut ilihagutikhait, ilaukatigiyumayatka hivunikhaptinut ilihaktut, ilihakatitka, angayukaat ovalo nunakatingit. Atuniaktatka ukauhitka ovalo inuuviviniit mikhaanut atuliklugit Inuit Kauyimayatukangit ovalo ukpigiyainik ilanganut ovalo hilataanut ilihakviini ilihaktunut. Jose nakuutiaktumik maligutihimayatka: akhut havakhimanmat ovalo ukakhimanmat akhut ovalo tuhanaktiakhuni, alianaktumik ilaukatigihimayait Inuit ovalo ikpinaktumik pihimatjutainik Inuuhivut naunaiyautainik.
Iniktiguma Iniktigutikhainik Ilihaktiimut, tikitumayatka kiniklugit havaakhainut ilihaktilugit ilihaktut, ilaukatigilugit ukauhivut ovalo nakuuyumik ikpinagiyainik inuuhiinut nutakavut, ilaukatigilugit ukauhivut ovalo inuuviviniit mikhaanut kauyimayatukanginik havagutainut, ukpigiyainut ovalo ilaukatigilugit Inutukait tamaat pilaaguma.
Nunavut angililiktuk nunakput ovalo atuhimik piyumayatka ilautilugit hanatjutikhainik Inuktitut pitkutikhainik ubluminut naamagutainik, ilaa, malguunik ukautikaktumik makpigaat ilihagutikhainut, kungialiulunga Nunavumi ilihakviini. Hamna ilanga ikpigiyatka ovamnut ovalo ukpigiyatka akhut ikayulaamagit ilihaktunut ovalo ilihagutikhait ilanganut.
Takuvlugit kingulia ovalo maliktakhait Jose kimakhimayainik, kuviahuktunga. Ungahiktumut hivumuutihimanmat ovalo iniktinahuakhuni tikitakhainut ovalo ukpigiyainut ovalo inikhimaliktait akhuukhimayainik ovalo nutkakhimaitumik pihimayainik. Inuit hakugikhiliktut ilihatialigamik ovalo hakugikhiligamik ilihagutainit nunaini, ukautaini inminiigutait ovalo inuuviviniit. Hivunikhaptini, takuyumayunga Nunavumiut, nutakat, inikniit ovalo inutukait, tamaat ukaliklutik Inuktitut, nuutitigiilutik tamaktitailigiyiinut kinauyugut. Ukauhiit ikpinaktut inuuviviniptinut kinauyaakhait ovalo mikhaanut ilaukatigitjutainik ilihagutikhait ovalo ayoikhaitjutikhait nakuuyumik ihumagiyainut piyumayaptinut.
Jose ukakatakhimayuk ikhihimaitumik Inunut. Ukautihimayait nunakyuami piyumayait nakuutiagutikhainik Inuit ovalo akhuugutihimayait piyakhaptinik. Havakhimayait akhut ikpinagiyauhimayut Nunavumi ovalo Inuit ovalo Inuinaungitunut.
Puigukhimangitatka kungiakhugu Jose talavisitkut kangagaaluk. Nuutitigutait ovalo ukautigilaaktainik mikhaanut Inuit hivuani amigaitut naalaktunut ayongitiaktuk. Akhuukhimayuk ovalo akhut ukakhimayuk. Aalanguktitiyumagami. Havakpiagumagami ovalo aalanguktitiluni. Ovalo pihimayuk. Talvuuna pihimayuklu. Pihimapluni ovalo akhut havakhimayait tikitumayainut.
Akhuuniaktunga ovalo kuviahigilugit iniktigumayunga ilihagutihimayamnik ovalo autlaaliklunga tamaktitailigiyiinik, munagitjutikhainik, ilihaktilugit Nunavumiut ovalo Nunavumiungitut mikhaanut inuuviviniptinut. Ilihaktiyumayunga ukautiptinut ovalo inminigutainik Inuit. Hivunikhaptini ilihaktiuliguma, nalungitunga munagitjutikhainik pihimalugit ukpigiyamnut Jose Kusugak aliagivlugit. Ovangalu, ukpigiyunga ikpinagutainik hakugikhitjutikhainut ovalo tamaktitailigiyiinut ukauhivut ublumi ovalo hivunikhaptinut inuukatigiigutikhainik.
“Sapiliqtailita", taimaangilugit ilihagutikhait ovalo ukauhivut.” Jose Kusugak.
Mavis Ell
Jose Amaujaq Kusugak
Inuuvivinikput ovalo ukauhikput angilitiliktuk ovalo akhuugutihimayait Inuit hivunikhainit, ilaa, Jose Kusugak. Jose taimaatut hunmat Nunavut hanahimaliktuk. Ukalakatakhimagami ovalo ihumagihimagami hunmat Kanata hanayukhauyut Ovagut Nunakhapktinik: pigiaganik inuuvivinivut ovalo ukauhivut. Jose ilaa hunmat Inuit inuuviviniit ovalo Inuktitut ukauhiit hakugikhihimayut ovalo aliagiyaga. Akhuukhimayut ukpigigami ilanganut ovalo tunihimayuk Inuit hakugiktumik kinauyaakhait.
Jose nakuutiaktuk malinahuagiaganik Nunavumi ilaa akhuukhimanmat ukpigiyaptinik ovalo aliagigiinami Inuukatiminut ovalo ilaukatigiinagami inuuhitjutainut tamafinut. Puigulimaitaga ilaukatigigaagapkit kinauyunga ovalo hunat ikpinagiyatka. Ovamnik Jose nalutiangitagaluaga, kihimi taiguakatakhimayaga ovalo tuhakatakhimayaga ovalo talvuuna hivunikhihimayakut akhuukatakhimanmat ovaptinut.
Ublumi piliktunga Iniktigutikhainut Munakhiit pilihimayuinik Iqalumi ovalo inikhimaliktunga hivulimik ukiunganut. Pikainaktut Inunik munakhinik Nunavumi ukalaaktunik Inuktitut tamaat. Taimaa, piniaktunga hamna pilaaktamnik atuklugit ukautitka hivunikhaptini havagaagutikhainut ovalo atukulugit Inuit inuuviviniit ilakatimnut Nunavumiut ovalo takupkailugit kanuk nutaanguyut Inuit taimainmata.
Tikinahuaktatka pihimalugit ukauhivut ovalo inuuvivinivut hakugikhimalutik Nunavumi ovalo piyaagamnik iniktigumayamnut, ukakatigiiginaniaktunga Inuktitut tamaat ilihaktamnik ovalo pitkulugit Nunavumiut hakugikhihimalugit. Ilihaktilikpaktatka ilihakatitka Inuktitut ukautainik ovalo titigagutainik naluhuigumayainik ovalo ikayugumayatka ayoigiaganik Inuktitut. Ilaukatigilikpaktatka tuhagutikhainik mikhaanut Inuit inuuviviniit ovalo ilaukatigivlugit aliahugutainut. Jose akhuukhimanmat Inuit inminiigutainik ovalo takupkainiaktunga aliagiyamnik tuhaktikataklugit Inuktitut ovalo Inuit inuuviviniit havaliguma munakhinut.
Tuhalihaakhimayunga Jose hanahimayuk aatjikutiliugutikhainik Inuktitut ukautainut ovalo titigagutainut atugutikhainik. Naluhuihakhimayatka ilaa, aliagigapkit titigagutainik Inuinaqtut titigagutainut ovalo taimaatut titigalaagama. Taigualaaktunga ovalo titigalaaktunga Inuktitut (syllabics), kitut aliahuktunga ilaa nauyakatigigapkit kinauyugut nunakyuamut Inuuyunga. Titigagutait atugutikhainik Inuktitut nakuutiaktuk kinauyugut Inuit.
Ilihaktatka akhuugutigiyatka ovalo pitkuyatka Inuit tamamik iniktinahualugit ilihagutikhait tikitumayainik, ilaa, ikayugutigilaamagit munagitjutainut hunmat ikpinaktut inminut. Jose ukalakhimayuk, ilihagutikhait kitkaniitut Inuit inuuviviniit tamaktitailigiyiinut. Ihumagiyatka atuklugit ilihagutitka mikhaanut Inuit ovalo ilihagiaktukhimayamnik munakhinut autlaaktakhunga tamaat Kanatami ovalo ukautigilugit ovalo ihumagiyamnik Inuit ovalo Nunavut, aatjikutaatut Jose. Ilaukatigiyumayatka ukauhivut, inuuvivinivut ovalo kanuk ikpinaktut Inuit inminiigutait.
Jose inminik takuyaukataktut hakugiktumik akhuugutainut Nunavumik ovalo atuniaktatka hivumut nuutitigutainik pihimayaanganik Inuit inuuviviniit ovalo ukauhiit tamanahuangilugit.
