Virtual Nunavut Day Celebrations!
(July 2, 2021 – Iqaluit, Nunavut) Nunavut Tunngavik Timinngat (NTI-kot) aolapkakniaktaat Nunavut Obloani koviahoktitilotik Konggiagotitigut Taotootilotik holi omani okiogiyaptikni taimailiokniagivot – holi alianakniaktuk koviahokatigiikniagamik!
Nunavut Obloa opalonggaiyaiyiita hamna aghoogotigiplogo havaagiyaat hoyagiiyagahoakhogo tamangmik Inuinnait, tahapkoalo Inuinnait nunakaktut Nunavut hilataani elaolotik koviahokataoyaaginni omani okiogiyaptikni Nunavut Obloani koviahootikakniaktillota
NTI-kot pipkainahoaktut malgongnik akitakotaotijotighaknik okoalo takoghaotitiniakhotik TV-kot holijotaovaliayonik:
- Anggilgamingni Egalotik Taghinahoakataoniaktut – kagitaoyatigollo eganighakot akitakotaotiniaktut nutakat, enoohoktollo angnagottillo, iningnigillo. Akitakotaotiyot tonihiyoghaoyut nikinnnagiyamingnik egalotik mamagiyamingnik. Omingniaktuk akitakotaotijotaoyok July 4-mi, 2021. Taghiyot tohaknaghiniaktut July 9-mi, takoghaolotik TV-tigot.
- Eklonik, Kainnaniklo Hikloaniklo pinnikhailotik akitakotaotijotikakniakmiyut elaoginnagiakakmiyut hapkonongga akitakotaotijotaoyonot, NTI-kot elittogimayaoniakkok eklokaknighak ajikkiingginmata tamaini nunalaani. Takopkagok Nunvunmiotaojohiit nangagiyat takoyaoyaanggani tamainnit hilakyoakmikotaoyonit! Hamna omingniaktuk July 9-mi, 2021. Taghiyot tohaknaghiniaktut tohagaghaligiyitigot July 13-mi, 2021.
- Uvagut TV, Alianait Hanaoyaknikot Koviahootikakniakmiyut ovalo NTI-kot havaktiit takoghaopkakniaktaat taotoktaoyaanggani Nunavut Obloani. Takoghaoniaktuk okonatigot Uvagut TV-viligiyiitigot 7:00-mit onnokpat – 9:30-gokhiklogo Kivataanikmiot obloghiotaitigot atoklogo tohangnaagojiniakhotiklo okoa Tooma onalo Leena, Louis Suluk, Huqqullaaqatigiit, Terry Uyara onalo Looee onalo James Aareak.
Malaya Mikijuk
Elihaktok Atanggop Havaagiyaanik Tohaomatitiyini
Nunavut Tunngavik Timinngat.
Okaotaa. (867) 975-4900 Akiligiituk: 1-888-646-0006
Kagitaoyatigot: mmikijuk@tunngavik.com