Perry River Oral History Project Launched
(December 13, 2011 – Iqaluit, Nunavut) Nunavut Tunngavik Timinga Angayukaak Cathy Towtongie ublumi autlaktiyut Kukyuat Ukautait Kinguliit Hanayakhat ilanganut NTIkut Kagitauyakut Takulviani. Hanayakhat pihimayut ukautainik kinguliit titigakhimayut, nipiliukhimayut Kukyuamiut nunakatigiit nuutitihimayut Ukhuktuumut 1967mi.
NTIkut pilikhimayut hanayakhat ukiugaalumi ilaukatauyut Inuit Ukhuktuumit titigakmata NTIkut Angayukaap Tuklianut James Eetoolook, apigivlutik ikayugutikhainik ukautait tuhaktaunahualugit.
NTIkut havaktiliktait ukautait kinguliit ayongitumik David Pelly piluni tamaat ukakatigilugit Ukhuktuumi. Tahamna ilauniaktut katimakatigilugit ilaukatauhimayut, hanalugit paknaiyautikhainik, ukakatigilugit Inuit inminik ovalo titigakhimayait nakuutialutik. Ublumi autlaktiyut ilauyut piksat ukakhimayumit, himuktihimayut titigait ovalo hivulimi ukautait hanayakhat titigakhimayait David Pelly.
“Aliagikpiaktatka ublumi pipkaigapkit ikpinaktut pitkutikhait pilaaktait Inuit ovalo tamamik Kanatamiut. Ukautait Inuit nuutitihimayut Kukyuamit Ukhuktuumut nakuuyumik titigakhimaliktut ovalo nunakyuat taigualaaniaktait akhuugutait ovalo inuuhimayait pihimayait autlaaktitlugit,” ukaktuk Towtongie.
Kukyuat Ukautait Kinguliit hanayakhat takulaaktut NTIkut Kagitauyakut Takulviani:
https://tunngavik.com/current-initiatives/perry-river/?lang=in