Nunavut Community Wellness Plans Report Released
Nunavut Tunngavik Timinga Angayukaak Cathy Towtongie, Hivulikti Eva Aariak, Hivulikti Nunavumi ovalo Leona Aglukkaq, Kanatami Minista Aniaktailigiyit ublumi ukaktut tuniyainik Nunavumi Nunait Naamaktiligiyit Paknaiyautikhainik (NCWP) hivuliit hanayakhat. Hanayakhat pihimayut ilaukatauplutik kitkanit NTIkut, Kavamatkut Nunavumi, Aniaktailigiyit Kanatami ovalo siksiit Nunavumi nunait. Aniaktailigiyit Kanatami tunihimayut $2.4 millionmik kinauyakhait hanayakhat mikhaanut Nunakakaakhimayut Aniaktailigiyit Nuutitigutait Kinauyait.
Siksit Nunavumi nunait – Arviat, Salliq, Kangiqtugaapik, Igloolik, Kugluktuk ovalo Kugaaruk – hanahimayut nunait naamaktiligiyit paknaiyautikhainik, kitut pihimayait hivuliuplutik tamamik nunait ikayuktauplutik NCWPmit hanayakhat ilaukatauyut. Ilanganut nunait paknaiyautikhait, inikhimayut tuhaktakhat hanahimayait ihivgiugiaganik atugutikhait pihimayut hanatiligiyiinik nunait naamaktiligiyit paknaiyautikhait.
“Kuviahukpiaktunga takulugit amigaitut aalatkiit Inuit ovalo havakviit ilaukatauliktut kanuk hanalugit aniaktailigiyit, hakugiktut nunait. Ukpigiyunga tamamik Nunavumi nunait pilaaktukhat inminik hanalutik naamaktiligiyit paknaiyautikhainik,” ukaktu Towtongie. “Nunait naamaktiligiyit paknaiyautikhait takupkaiyut akhuugutait nunait mikhaanut nakuuhinahugutainik naamaktiligutikhait,”
“Kavamatkut Nunavumi Tamapta maliktakhait akhuukhimiayut inminik ovalo hamna hanayakhat piyut taimaatut ikayukhugit nunait ihuakhaitjutikhainik,” ukaktuk Hivulikti Aariak. “Koanagiyumayatka ilaukativut Nunavut Tunngavik Timinga, Kavamatkut Kanatami ovalo tamamik siksiit nunait hanayakhat hanahimayut piyumayaptinik nakuuhilugit aniaktailigiyit ovalo naamaktiligiyit Nunavumiut.”
“Kavamatkut Kanatami aliahuktut ikayukhugit nakuutiaktumik hanayakhat piniaktut aalangulugit nakuuhitjutikhait pilaaktait hanalutik aniaktailigiyit paknaiyautikhainik Nunavumi nunait,” ukaktuk Leona Aglukkaq, Minista Aniaktiligiyit. “Kiniktigut hivumut hanaluta hamna ilaukaktigiyavut ovalo pikataluta nakuuymik ikpinagutikhait aniaktailigiyiit tamamik Nunavumiut.”
Nunavumi nunait Naamaktiligiit Paknaiyautikhait Hanayakhat hanahimayut ilaukatauyumi NTIkut, GNkut ovalo Aniaktiligiit Kanatami Ukiuktaktumi Nunait. Aipaanguktut pingahunut atiktauhimayut aniaktailigiyit ilaukatauyunut inminik mungiyaanganik ovalo havaktigiyaanganik Nunavut Tunngavikunit, pipkaiyaanganik hanayakhat tuniyaanganik Inuit ihumagiyainit.
Aatjikutait tuhaktakhat pilaaktut NTIkunit ovalo Kavamatkunit Nunavumi kagitauyakut takulviani.