Nunavunmi Iligiingnikkut Katimajiit turaaqhimajut havauhiinun, ajuiqtaghanik pijaghaniklu
Iqaluit, Nunavut (Tattiarnaqhilirvia 15, 2026) – Nunavunmi Havaqatigiiktut Katimajiit – Atangujat Katimajiit Kavamatkuni Nunavunmi (GN) ukualu Katimajiit hapkununga Nunavut Tunngavik Incorporatedkunun (NTI) – katimajut Hitammiunmi uqautigiblugit qanuriniit mikhaanun havaqatigiingnikkut hivuliujughat upalungaijaqhutiklu atugahanik.
Havaqatigiingniq uqaqtaujuq uvani Qiqaijalirvia 2022 nutaanguqtiqtaubluni uvani Ubluiqtirvia 2025, malikhugit havaktaujut nutaat kavamat, uvalu uvani havainirmi katimadjutit hivuliujut qaffinun hivuliqtinun niruaqtaujut tadjakaffuk. Havaqatigiingniq pidjutiqaqtuq-aulapkaqtaujuq, uvalu tugaaqhimajuq ihuaqtumik hivumuuniq hivuliujughanun uqaqhimajut uvani GNkut Ikajuqtigiikta pitqujaujut uvalu NTIkut Inungnik Makippalliatittiniq.
"Talvanga havaqatigiingniq havaktaungmat, hivumuuqtugut qaffinik aghuungnaqtunik hivuliujukhanik. Iliturijugullu havaqatigiingniq pijariaqaqtuq aulahimaaqtumik aghuurutinik, angmaumajumik tuhaqtitinikkut uvalu havagumablutik ajuqhautikkut
attautimun," uqaqtuq Hivuliqti John Main. "Nunavunmiut niriuktut uvaptiknik paannariikluta, havagumajugullu havaqatigiikluta nakuutqijaudjutikhainnun Inuinnarnun Nunavunmilu."
"NTIkut ukualu Kavamatkut Nunavunmi aalakiinik munaridjutiqaqtut, kihimi tamapta aghuurutivut ihuaqhijuumiqlugit inuuhiit Inuinnait," uqaqtuq Gloria Uluqsi, Angijuqaaq hapkununga Nunavut Tunngavik Incorporatedkunun. "Piumajunga una iliqatigiikharnik ihumagiluaqtukhaq ihuaqtumik naunairutingnik taima Inuit tautugiaqaqtainik nunalaamingni. Havakkaluaqhuta iglukhatigut, Inuktut iliharnikkut, piliuqlutaluuniin amigaitunik pijaghanik Inuinnarnun, havaqatigiiktukhaujugut attautimun maliklugillu uqariijaqtavut. Uniudjutigiffaaqtakhavullu Inuinnarnun hunat iniqtiqtavut humilu havaaghat ihariagijaujut."
Katimajiit ilitarijait hivumuuniit, tutqighaqhugit aghuurutit hakugikhijuumiqlugu havaqatigiingniq angirutigiblugulu nutaanguqtiqhimajuq upautiniq turaaqhimajunun hulidjutinun.
-30-
Tuhaqtipkainikkut Uqarvigijakhaq:
Annie Thomlinson
Aulapkaiji, Tuhaqtidjutinun
Nunavut Tunngavik Inc.
media@tunngavik.com
Joanna Awa
Tuhaqtipkaidjutikhanut Titiraqtia
Havagvia Hivuliqtip
867-975-5509
jawa7@gov.nu.ca