NTI Planning Monument for Land Claims Anniversary

(February 3mi, 2011 -- Iqaluit, Nunavut) Nunavut Tunngavik Timinga Angayukaak Cathy Towtongie ublumi ukaktuk NTIkut uktunialiktut paknaiyautikhainik ilitagiyakhait aliahugiaganik akhut iniktikhimayait Inuit ilauhimayut aivagutainik Nunavumi Nunataagutit Angigutaanut.

“July 9mi, 2013, Nunavumiut aliahuniaktut 20mik ukiunik atituihimayait NLCAmik. Ilitagiyaanganik hamna angiyuk naunaiyautait Nunavumi ovalo Kanatami kinguit, NTIkut piniaktut ilitagitjutikhainik ukiugalunik akhut havakhimayut tamamik ikayukhimayut iniktigutainik, aivagutainik ovalo ublumi iniktigutainik NLCAmik,” ukaktuk Towtongie.

NTIkut piniaktut atauhimik hanauyaktinik tamamik aviktukhimayut Nunavumi hanayaanganik ilitagiyakhait. Ilauyumayut hanauyaktit tunilaaktut uktugutikhainik March 31mut, 2011. NTIkut tugaaktitiniaktut katimayigalaat ihivgiuniaktait uktukhimayut ovalo pilutik pingahunik hanauyaktukhanik havaktakhait munagiyikalutik paknaiyaktakhamik ovalo hanauyaktukhamik ilitagiyakhait. Hanauyaktut hananiaktut inminik takupkaiyumayainik ovalo takuyautinagit ilitagiyakhait July 9mi, 2013, ilitiniaktait ovalo ililugit hivuanik NTIkut titigakviit Iqaluni. Tamamik hanauyaktut tugaaniaktuk Inuulgamimik ayoikhaiyukhat havaktainik ilitagiyakhait.

NTIkut piniaktut hanauyaktimik atuklugit kinguliit havakhimayainik ovalo ihumagiyainik ilauyumayait hanayakhat.

“Ilauniaktut hanauyakhimayait takuyauniaktut nunakyuamut hunamik inikhimayugut Inuit,” ukaktuk Towtongie.

Uktugutikhait makpigaat pilaaktut NTIkunit kagitauyakut takulviani ovaluniit takulugit NTIkut.