NTI Launches COVID-19 Vaccination Draw
(January 26, 2022 – Iqaluit, Nunavut) Tungavikkut (NTI) quyavaktun pigiaqpakkamik nuvagnagyuaq-19 pivlugu nuglugnahuagumaat sikituunik amuhilutik atiitigun. Nunavutmi Inuit tamainik kapiyauhimayut illauyumaaqtun sikituukhani 25nguyut amuyauyukhan attiit April 25ngliqqan, 2022.
“Quanaatakyuaqtatkan Inuit kapiyautaaghimayun nuvagnagyuaq-19 pivlugu . Quyayugut kayuhipkagaptigu atugluagianga kapuughihimayukhan inuit nakuuyumiitqublugin. Talva kapiyauhimmaitkuvin nuvagnagyuaq-19mun, upaquyauyutin munakhiqaqvingnun kapiyauyumalutit. ”, uqaqpaktug Aluki Kotierk, Ataniuyuq NTIkutni.
Nunavutmi Inuit, attiliuqhimayut Nunavutaagutiup Angigutaani, ukiuliit 5 ungataanun attiit illihimayagiiqtug amuyakhanun. Nugluktun titiqanik takutitilaaqtun kapiyauniita titgainik Apruil 29 hivuani, 2022. Innignigin nutatqanlu kapittighimayut Modernamik uvalu uvva Pfizermik takutitiyukhan mulguuknik kapiyauyut tapkuatlu Johnson & Johnsonkut kappiyauyut attauhiqmik kapittignigmik titiqaqaqtukhan.
Atauhiq sikituuq nalautauyukhaq nunalingni tamaini Nunavuumi, uvaluu mulguuk nuglugataqqtun maniit atunit $5,000 Nunavuup hillataani nunalingnut.
Tamaita sikituukhan nunalingni ittun.
Inuit atiliuqhimayut Nunavuutagutiup Angigutaanut atilliuqhimanitik nutaaguqtitakhangat Tungavikkutni attiit tugaagutiit naamalunik. Attignik uvluuniit tugaagutiit nutaagutigimaguviuk, hivayaqlutin akiitumun 1-888-236-5400 qagitauyaat enrolment@tunngavik.com. Attiliugviit piyakhan Nunaffingni Havaktimit uvaluuniit Tungavikkut qagitauyaanit.
Nuvagnagyuaq-19mut kapuutiit ikayuutituuyuttaja hiammuktailinianun. Tuhuffaagumaguvin nuvagnagyuaq-19 mikhaanun, kapuutiitlu Modenalu Pfizerlu qanugittaaqhain, uvalu takuyumalutik munaghimik nunaffingni aaniaqtuligiyiffingnit.
Tuhuffaanginagialik:
Esther Powell
Anialigiyuni Aulattiyi – Nuvagnagyuaq-19
Nunavut Tunngavik Inc.
(Hivayaut) 867-645-5400
(Akiitug) 1-888-236-5400
epowell@tunngavik.comTunaalaaq Adams
Atiluiqtun Titigagvingmi Ikayuqti
Nunavut Tunngavik Incorporated
867-645-5400