NTI Congratulates QIA on Mary River Project
Nunavut Tunngavik Timinga Angayukaak Cathy Towtongie ublumi ilitagiyaa aliahukhuni Qikiqtani Inuit Katutjikatingit Angayukaak Okalik Eegeesiak atiktuimat Inuit Ikpigiyainik ovalo Ikayugutikhainik Angigutaanut mikhaanut Nuluuyaat Uyagakhiukvik Hanayakhat. QIAkut aivakhimayut IIBAmik Baffinland Iron Uyagakhiuktiit amigaitunut ukiunik piyaanganik angikhimayainik ikayugutikhait nakuutiaktumik pilaaktainik Inuit Qikitaalumi ovalo tamaat Nunavumi.
Ipakhaani, QIAkut tunihimayait aivakhimayainik IIBAmik ovalo kinauyaliugumayainik hanatjutikhait nunat atugutikhainik Baffinland Iron Uyagakhiuktit Katimayiinut ihivgiugiaganik ovalo angigiaganik.
“Kulini ukiuni, hamna hanayakhat akiliktikhimayut amigaitpiaktunik kinauyakhanik niuvikhimayainit ovalo ikayugutikhainit Inuit busniit ovalo ilaukatauyut havakatigikhait ovalo amigaitpiaktumik havaktukhanik ovalo ayoikhaiyukhanik Inuit ovalo Ukiuktaktumiut,” ukaktuk Towtongie. “Ukpigiyunga maligutikhait IIBAmi iliniaktut amigaitunik ikayugutikhainik algainut Inuit.”
Towtongie ukaktuk ilaa hamna hanayakhat Inuit nunainmiinmata inminik ovalo NTIkut tiguhimayut nunainik uyagakhiukvikhait, Inuit piniaktut angiyumik uyagakhiuktit kinauyaliuktakhainik ukiugaalumi kainiaktunik.
“Hamna hanayakhak akhut ikpinaktuk Inunut. Kinauyakhavut hivunikhait utakiniaktut ovalo pilaaktut angililunik hanatiligiyikhainik Qikiqtani nunait ukiugaalumi tikiniaktumik. Ilitaigiyugut aliahuktumik QIAkunut,” ukaktuk Towtongie. Kiniktugut hivunikhaptinut hamna hanayakhak nakuuyumik hanaliniaktut.”