NLCA Oral History Project Launched on NTI Website
Nunavut Tunngavik Timinga Angayukaak Cathy Towtongie ublumi autlaktitiyuk Nunavumi Nunataagutit Angigutaanut Ukautait Kinguliit Hanayakhat NTIkut kagitauyainik. Hanayakhak pikaktut ukakatigiyait amigaitut Inuit ilaukatauhimayut aalatkiinik ilanganut NLCAmi aivagutainik ukiugaalumi, ovalo piksaliukhimayut kinguliit kinguliinik ukiut.
“Hamna hanayakhak tunihimayut akhut ikpinaktunik kinguliinik havagutait ovalo tunihimayut hivulinik tuhagutikhait kanuk nuutitihimayut Kanatami Kinguliinik. Hamna ukaktut kanuk Nunavut ilihimaliktut ovalo kuviahuktunga autlaktigapku ublumi,” ukaktuk Towtongie.
Ubluminut, Inuit Kauyimayatukangit ovalo kinguliit pihimainaktut ovalo hivumut nuutitivaktut ukakhugit ukautainik. Ilaa hamna akhut nuutitiliktuugaluit pinahualugit ukautait nalungitainik, mikiyut kinguliinik tuhagutikhait ovalo kauyimayainik titigakhimayut.
NTIkut Katimayiit piyumayut ihuakhaklugit hamna ovalo tunilugit kinauyakhainik titigagiaganik ukautait NLCAmi aivaktiit. NTIkut takuyaktuktait Kavamatkut Nunavumi ilakhainik kinauyakhait. Hapkoa kinauyakhait pilaaliktut Inunut ovalo havakviit titigagiaganik ovalo himuktigiaganik ukautait kinguliit hanatiligiyiinik, aivagutainik ovalo hanatjutainik NLCAmik.
NLCAmi ukautait kinguliit hanayakhat pilaaniaktut Inuktitut, Inuinaqtut ovalo Kablunaatitut. NTIkut paknaiyakhimaliktut autlaktilugit hanayakhat atianik Inuit piksaliukhimayut kakugukiak kilamik. NTIkut paknaiyakhimayut tunilugit titigakhimayut ukautait katitikhimayut havaktitlugit hamani hanayakhat.