Inuktut Writing Prize Update
(March 22, 2021 - Iqaluit, Nunavut)Inuktut titigaknikhamik 67-nik akittakotijotighanik piyogot alatkiinik makpigaalioktinit, avatkotjotaoploni titigaohiilo alatkiikpikoahotik titigakniop mighaanot naittoogaloaniklo onipkaakiokhimaplotik, inuuhukmikniklo onipkaakhimannikhotik. Hapkoa amigainmata, Novepamilo Kolaisimakvikmilo COVID-19-gonigaktaoyomit omikhimajotikakhimakmata kakogolo naonakhoni kanoginniagiakhaanik, takoogiyot nainaiyaihimmaaktut kakogonnoak taghiyut tohaknakhiniaktut.
Nunavut Tunngavitkot koanaakpiaktot Nunavunmi Inuinnaknut titigaktamingnik ovaptiknot pipkaikmata otakinggonagaloakhoni holi naonaiyaihimmaakniaktut.
Hapomminahoakhogo, hivomokpaliajotighaitigollo, evikninnahoagotighanik Inuktut okaohiinik NTI-kot hivoliotihimanahoaktaat tammaitailihighap mighaanot. Inuktut titigaknik pihimmaagoptigo ekayoghiotiniaktuk pinahoaktagiyaptiknot, inuktullo nutaanik titigaknighanik pijotiginiaktakot oinggaikpaaliotigilogo kanogiliogotigiyaghaptiknik Inuktut titigaknighanik.
Inuktut Titigaknikmot Taktagiyaoyoghak $80,000-taosintaala ekayoghiotiniakhonilo taimailiokhimmaagiaptikni okioni hivonighaptikni elihaotaovaliayaaganilo makpigaalioknighap mighaanot. Holi hitamat taktaghaoniaktut hapkoa imaatut $10,000-taala, $5,000-taala, $3,000-taala $2,000-taalalo. Nunavut Tunngavitkot havaagihimmaakniaktaat havakatigilogit makpigaalioknighakot taghiyut iniktiklogillo makpigaalioktai pihiyavot takoghaoligiaginni.