American Proposal to Uplist Polar Bears is Rejected

(March 18, 2010 – Doha, Qatar) Kivgaqtuiyit talvanngat Nunavut Tunngavikkut Timingat taapkualu Aviktuqhimayumi Anguniaqnikkut Katimayiit katimaqataunahuat taapkununnga Katimaqyuaqtittiyut Nunaqyuami Niuviqtittinikkut Anngutighanik Amirnaqtunik (Convention on International Trade of Endangered Species’ (CITES) 15th Katimayiralaat Katimayinit talvani Doha-mi, Qatar.

Amialikait tughirautait titiraqtuinirmik nanuqnik talvanngat appendix II-mit talvunga appendix I-mut CITES-kunnit niruarutauhimayuq uplaaq Doha-mi ilauyunit nunaninngaaqtunit. Taamna tughiraut niuviqtittinirmut nanurnik ihuinaarutauniaqtuq.

Taamna tughiraut akitauhimayuq 48-nguplutik angiqhimayaat, 62 qinngihimayait 11-tauq niruaqhimaittut. Ihumaliuqtaunahuaqtuq ippaghigu, March 25-mi, CITES-kut
katimapkaitillugit. NTI-kut kivgaqtiit naahuriyut taimaa qinngihimayauluni taapkua tughirautaat angiqtauhimaniaqtuq.

Amialikait tughirautaat ihumaliuqtauhimayuq qauyihaqtauhimayunit, iniqhairumik nunanit ikiklivaallirumiklu uqquuhivalliangmat. Kanata, Akukittuq, Norway Russia-lu
nunalluarivagait nanuit. Tahapkua hitamat nunait qinngihimayaat tughirautit.

Qinngiyauhimayuqtauq taapkuninnga European Union-kunnit, amihuniklu nunait Africa-mi. NTI-kut RWO-kutlu kivgaqtiit Doha-miitpaktut unniqtuinahuaqhutik ilauyunik Inuit
ihumaaluutigiyainik tughirautit mighaagut. Uplumi akimahimayugut aghuuqpakkamik NTIkut, RWO-kut, Aviktuqhimayuni Inuit Katimayiit, Nunavunmi Annguniaqtuliqiyit Katimayiit, Kavamatkullu Nunavunmi.