Nunavut Harvester Support Program

Programs & Services

Nunavunmi Niqighaqhiuqtit Ikayuutainik

Nunavut Tunngavikkut Timingat (NTI) aullaqtittihimaliqtut taapkuninnga nutaat Nunavunmi Niqighaqhiuqtit Ikayuutainik (NHSP). Aullaqtitauhimayut NHSP-kut aulapkarumaplugit hivumuuqtitpalliayumaplugillu Nunavunmi Inuit niqighaqhiuqtut

ilitquhiit, pitquhiit hanaqitjuhiiniklu inuuhiit.

NHSP Harvester Equipment Program Manual and Application:

KITIKMEOT REGION

NHSP Community Hunt Program Manual and Application:

KITIKMEOT REGION

Nunavut Tunngavik Inc.

Tel: 867-645-5400 Fax: 867-645-5414

Toll-free: 888-236-5400

nhsp@tunngavik.com

AGUNAHUARUTIKHANIK PIQUTINIK HAVAAQ

Agunahuarutikhanut Piqutinik Havaaq pipkaijutauyuq Inuinaqnik Nunavumi ihariatiyut manikhaakhanik ikayutikhanik agunahuarutikhanut piqutit igilrutilu akituvalaagitaagani niuviriami, ilaulaaliriagani igilraat agunahuaqtut hulijuhiini.

Manikhaat tuniyauniaqtut pigahuni ukunani:

  • Manikhaakhanit ikayutinik niuviriagani mikiyunik agunahuarutikhanik piqutinik;
  • Manikhaakhanit ikayutinik niuviriagani aniriipkutinik piqutinik;
  • Manikhaakhanit ikayutinik ihuilijutiqyuaq ihumaluknairiagani.

ILAULAQIQ MANIKHAUHIKHANI?

Ilauyagani manikhaakhanik ikayutikhanik ilitariyauhimayuq ilikuuqtuq:

  • Maligatigut ilitariyautiaqhimaluni huliyaamini Nunavumi;
  • Tunihilutin titiqamik tuniqhijutiknik timiuyuup ikayuqtuqniganik agunahuarutaunahuamik agiruvilu payuktuiyaaqni napaanik aguyauyuup nunagiyauyumiitunut;
  • Pilaaqluni agunahaurutikhamik piyunaunmik, atataqmik ihuaqtumikluniit avaqhaunmik, piyariaqaqat, agunahuaqtauyukhamik angutikhanik.

Ilaulaliriagani manikhautikhani ikayutikhanik ilitariyauhimagitunik ikayuqtiriinik:

  • Inuqariaqaqtuq ikiniqhanik talimanik (5) inuknik:
    • 16-nik ukiuqaqtunik agayukhiuyuluniit;
    • Ilauhimakpata Nunavumi Agiqatiriigunmi, unalu
    • Ilaukpata agunahuarutikhami angutikhanik,
  • Pihimakpata tuniqhijutimik sainiqhimayaanik tamaita ihuaqhaiyit naunairutimik tukhiqtut tukihianiganik tamainik aginiqhaanikluniit agunahuarutikhap (ikiniqhanik napainik (50%) agunahuarutikhami payuktuutauniaqniqat nunagiyauyuniitunut;
  • Pilaaqata agunahuarutikhamik piyunaunmik, atataqmik ihuaqtumikluniit avaqhaunmik, piyariaqaqat agunahuaqtauyukhamik angutikhanik.

ILAULAAQTUT AKILIGAKHAT

Agunahuarutikhanik Piqutinik Havaaq pijutauyuq manikhaakhanik ikayutikhanik piqutinik agunahuarutikhanik, iqalukhiurutikhanik, katitirijutikhaniklu naniriaqtuutinikluniit hulijutinik.

Una ilaqaqtuq ukuniga:

a. Mikiyut Piqutit: napaanik (50%) piqutit akituniginik (aulaqtijuhiinulu akituniginik) akituniqhamut 5-hanatalamik atuni tuukhiut 1-tausitalamiklu atuni ilariini aipagutuaraagat mikiyunik agunahuarutikhanik piqutinik igilrutinikluniit (Takulugu ilaulaaqtut mikiyut piqutit titiraqhimayut tuukhiutini makpiraani);

b. Aniriipkutit Piqutit: napaanik (50%) piqutit akituniginik (aulaqtijuhiinulu akituniganik) akituniqhamut 5-hanatalamik
atuni tuukhiut 1-tausitamiklu atuni ilariini aipagutuaraagat aniriipkutinik piqutinik agunahuarutauvaktunik (Takulugu ilaulaaqtut aniriipkutinik piqutinik titiraqhimayunik tuukhiutini makpiraani);

c. Napaanik napaup: (25%) akituniganut himautikhaq akituniga, akituniqhamut 2-tausitalamik, agiyunik agunahuarutinut piqutinik ahiuyunik qanurilijutimi ayuqnaqhijutimiluniit. Ilauyaagani uvani havaami, piquut ahiuhimayariaqaqtuq ahiruqaluniit ihuaqhilaiqat. Akituniganik himautikhaq akituniga uqautauyuq nauvigaukmat akituniganik (aulaqtijutiniklu) himautikhat pikutit akikligiaqlugu akiliutauyut qulaqnaiyautiliqiyinit ahiiniluniit kavamat havaaginit ukunani piqutini.

QANUQ UKTUQNIAQIQ?

Ukturumaguvit manikhaakhanik ilagani Nunagiyauyumi Agunahuaqniqmik Havaami, tuukhiutinik maliruagakhat titirakhalu qahaqtut qaritauyami uvani www.tunngavik.com –mi uqaqatigiluguluniit NHSP-kut titiraqviani. Ikayutauyumaguvit iniqtiriagani tuukhiutinut makpiraaq, uqaqvigijavat NHSP-kut titiraqvia ikayuqtukhamik.

NHSP-kut havaqatigilaaqta Nunagiyaqni Kivgaqtuqtiuyuq Atanguyaq (CLO) nunagiyauyumiluniit Agunahuaqtit Naniriaqtuqtilu Timigiyaat (HTO) naunairuagani tuukhiutit manikhaakhanik agiqtauniaqmagaa, qauyipkaqniaqaatilu ihumaliurutauyumik 30 ubluut naatinagit kiguani tamaita hivuniqhijutikhat tuukhiutikni ihivriuqtautaaqat.

NIQIGHAQHIUQTIT INGILRUTIGHAINUT IKAYUUTAINUT MALIKTAGHAT / TUGHIRAUTIT TITIRAAGHAQ

KITIKMEOT REGION

NUNAGIYAUYUMI AGUNAHUAQNIQMIK HAVAAQ

Nunagiyauyumi Agunahuaqniqmik Havaaqpipkaiyuq manikhaakhanik ikayutikhaniklu timiuyunut ikayuqtiriinuluniit ilauyumakpata nunagiyauyumi agunahuaqnikni. Ilaulaaqtut timiuyut ilaqaqtut ilitariyauhimayunik ilikuuqtunik ukua Hamliuyut, HTO-guyut RWO-guyut manikhaqhiugitulu timiuyut.
Ilitariyauhimagitulu ikayuqtiriilaktut agunahuaqtit ilaulaaqtulu. Manikhaqhiurutiqaqtut ilaulimagitut manikhariamikni ilagani uuma havaap. Manikhaakhanik akituniga pijutiqaqtuq nunagiyauyup agitilaaganit, qanuriniganik agunahuarutikhap, qafiuniginiklu agunahuaqtut ilauyut.

ATULAAQTUT AKILIGAKHAT

Nunagiyauyumi Agunahuarutinik Havaaq manikhautauniaqtuq ukuniga akiligakhanik akituniqhaanut 5-tausitalauyuup atuni tukhiutimi:

a. Uqhukhainik sikiitut, ATV-n qainaluniit atuqtauvaktunik ikayuqtiriinit nunagiyauyumi agunahuarutikhami akituniqaqlutik ima:

  • Sikiituuk, 50-talamik ublutuaraagat akituniqhamik 250-talamut atuni sikiituq atuni tukhiqtuunmi aularutauyumiluniit
  • ATV-guyuq, 30-talamik ublutuaraagat akituniqhamik 60-talamut atuni ATV-guyuq atuni tukhiqtuunmi aularutauyumiluniit
  • Qayaq, 1-hanatalamik ubluruaraagat akituniqhamik 5-hanatalamik atuniqayaq atuni tukhiqtuunmi aularutauyumiluniit

b. Nikiqhait agunahuaqtini ilauyut nunagiyauyumi agunahuarutikhami akituniqaqniaqtuq 30-talamik auni agunahuaqti ublutuaraagat akituniqhaanut 150-talamut atuni agunahuaqti atunitukhiqtuunmi aularutauyumiluniit.

Qauyimayakhaq una NHSP-mit manikhaakhat atuqtaulimagitut akiliqturiagani agunahuaqti agunahuaruhiini nunagiyauyumi agunahuaqniqmi.

NUNALLAAQNIT ANGUNAHUAQTIT IKAYUUTAINUT MALIKTAGHAT / TUGHIRAUTIT TITIRAAGHAQ

KITIKMEOT REGION