NTI Agrees with TRAFFIC to Reject US Proposal
NR 10-02 TRA INUIN – For Immediate Release
NTI-KUT Angekatigiyat ukkua TRAFFIC Qingihimayatigut ukkua US-kut Turhiutigihimayatigut
(January 21, 2010 – Rankin Inlet, Nunavut)Nunavut Tunngavik Tuglia -Angayuqap Manilikiyiitni Raymond Ningeocheak uqqalaqtuq NTI-kut ikkayukhiutiyaat una pigiaktitauhimayumik tuhagarhanguqtiitauvlunilu iqparhaq una qingitquvlugu ukkua Ammialikat turhiutigihimayat tiitiragumavlugu hapkua nanuit ima nun’ngutpaliayut atturhugit una Katimayiit tatvuna Hilakyuami Niuviktiitiniq hapkuninga Nun’ngutpaliayunik Umayunik (CITES). Una pigiaktitauhimayuq tiitiraqtauhimayuq tapkunanga Niuviktiitiyunik Tiitiraqhimayunik Naunaiyaiyut ukkua Flora uvalu Fauna tatvani Nanminikaktuni (TRAFFIC). Una tukkikaktuk niuviktiitinik hapkuninga nanuit piqutaitnik tahamani Nunavumi huli aula aulayunnaqtuut attuqlugit hapkua tatja attaniktutauyut uvalu munnaritjutait.
“Inuit unipkakpaktut hapkua nanuit ammiraiqpalian’nginaqtut. Ukkua TRAFFIC-kut pigiaktitihimayaat naunaituq tatva naunaipkutikangitut ammigaikpalianingita hapkua niuviktaukataqningit hapkuninga nanuit pikutaitnik, uvalu niuviqtiitiniq pitjutaun’ngituq hapkua nanuit annaumatjutaitnun. Hamna turhiutigiyaat ukkua Ammialikat nuutqaqtiitumavlugit munaritjutigiyungnangitait hapkua nanuit hapkunangat alangukpalian’ninganin hilap. Pitjutauniaktuq, kihiani, arhauvalaak ayurhautiginiakmatjukInuit iliitkuhikut uvalu maniliurutirhaitigut,” uqaqtuq Ningeocheak.
“Inuit illauvaliayagiakaktut katirhuinahuakataulutik tuhaktiititjutirhanik uvalu ihumaliurutauyurhanik angutirhat mirhagut hamani Nunavumi. Hapkua qauyihaqtiit nalakpalikata uvaptingnik uvalu kangirhivalialigumik qanuriliulikmangata hamani, nallurhagiuqpalian’niakmata uvalu kangirhivalikniakmata tatja qanuriliitpalialikmangata hapkua nanuit,” uqaqtuq.
Nunaaqyuat hilakyuamit niruaqataun’niaqtut haffumunga turhiutauhimayumut CITES-gutigut tatvani Masi-mi. Ningeocheak uqaqtuq tatvanganin, NTI-kut huli katirhuqhimaqniaqtut tuhaktiitjutirhanik nanuit mirhagut tatvuna attuqlugit ukkua nanuit mirhagut ukkautiqaqtitlugit hivayaqviit ilihaqtiitpaligahuaklugit hapkua niruaqataun’nahuat hilakyuami nunajuat qanuritulikmangata hapkua ammiraiqningit nanuit.
Hamna TRAFFIC aularutihimayut tatvani 1976-mi kimalguqatarumalugit hapkua angutinniq niuvgutauqataqtuniq, uvalu havaqatigitiaqpagait ukkua Hilakjuami Umayutigut Manikakviuyut, Hilakjuami Umayutigut Iqqayuqtiit, uvalu CITES-kut.
-30-
Tuhakpaligumaguffi:
Franco Buscemi
Atanguyaq Tuhaktiitilikiyiitni
Nunavut Tunngavik Timingat
Hivyayauta: (867) 975-4939
Akkituqut: 1-888-646-0006