State of Inuit Culture and Society Annual Report Released
Nunavut Tunngavikkut Timingat Tuklia Angayuqqaamut James Eetoolook uplumi takupkaqtittiyuq 2013-14-mut Ukiumut Naunaitkutat Qanurininganut Inuit Ilitquhiit Inuuhiillu, attiqtauhimayuq Ihivriuqhiyut Ihuinaaqtuliqiyit Havauhiinik Nunavunmi.
Taamna 2013-14-mut naunaitkutanit ilittuqhitivaktut Nunavunmiut Ihuinaaqtuliqiyiinik ihumagilluaqhugit inuuhiriliqtait manighiurutighanullu ayuqhautait Inuit. Pingahunik ihumaaluutinik ihumalluaqpaktut: nunallaarnit ihuinaaqtuliqiyit aullaqtitaghat, ilagiingnik nanguttittiniq, atatariingniqlu ihumaqattiarniq taapkualu ihuinaaqtuliqiyit havauhiit.
“Inuit ihuaqhainahuaqtut hapkuninnga ihumaaluutinik Nunavunmiunut unniutjivaktut NTI-kunnut taimaa ihuinaaqtuliqiyit ihumagilluaqtaghait atauttikkuuqlutik. Hapkua pitquyauhimayunit ihuaqhainahuaqpaktugut ilittuqhitinahuaqhuta ihariagiyauyut ihumaqattiarniqmut nuatqatigiingniklu parnaiyainahuaqhutik nanguttittiniq nutqaqtinnahuaqlugu,” uqaqtuq Eetoolook.
Ukiumut naunaitkutat ukiuq tamaat pitquyauhimayut Ilanga 32.3.4-mit talvanngat Nunavunmi Nunataarnikkut Angirutaigut. Pitquyauhimayutut NLCA-nit Ilanganit 32, naunaitkutat takupkaqtitauniaqtut talvunga Nunavunmi Maligaliuqvingmut talvanilu Ikluqpakyuanit Kavamatuqait.
-