Recruitment and Retention of Inuit Nurses in Nunavut Report Released

(March 9, 2010 – Iqaluit, Nunavut) Nunavut Tunngavikkut Timingat Hivulliq Tuklia Angayuqqaap James Eetoolook uplumi tuhaqtittihimayuq taimaa naunaitkutinik hailihimayut ihuaqutighait munaqhiyighaqhiurnikkut Inungnik Nunavunmi. Naunaitkutit atilik Havaktighaqhiurniq Pihimanahuarniqlu Inungnik Munaqhiyinik Nunavunmi.

“Quviahukpunga NTI-kut titiraqhimangmata hapkuninnga naunaitkutinik pitquyauhimayunik titiraqhimayuqarmat Inuinnaqnik munaqhiyiqarnikkut,” Eetoolook uqaqhimayuq. “Hapkua pitquyaulluarnaqtut ihuaqhaiyumagupta aanniaqtuliqinirmik Nunavunmi, ilitquhituqnikkut munaqhiyaami ingattauyuq.”

Hapkua pitquyaulluaqhimayut naunaitkutanit:

• Nutaannguqtiqlugit atuqpalliatjutighat Inungnik munaqhiyighaqhiurnikkut.
• Ilittuqhipkailutik nutaanik atuqtaghanik parnaiyautighait ilihaqtut iniqhiyaami ilihaqtainik.
• Ihuaqhaqlugu Nunavunmi Ilihaqpaalliviat munaqhiyit ilihaqtaghait Inuit ilitquhiit ihumagilugit.
• Ikayuutighait Inuit ilihaqtut amigaiqpallialugit.
• Ungavarahuaqlugit ayuqhautauyut Inungnut munaqhiuyumayut talvanngat ilihaqtaghainit havaaghaqhiurniqmut.
• Aullaqtittinahuaqlutik ilitquhighanik ikayuqtuinikkut munaqhiyit Nunavunmi.

“Ikayuqtigiikkupta Kavamatkut Kavamaqyuatkullu, iniqhiyumayuniklu Inungnik munaqhiuyumaplutik munaqhiuplutiklu tajja, hakugiktumik makitittiniaqqugut, havaktighanik Inuinnarnik munaqhiyinik Nunavunmi,” uqaqhimayuq Eetoolook.

Hapkua hivuliqtiqaqtut NTI-kunnit ikayuqtiqaqhutik Kavamatkut Nunavunmi Havakviat Aanniaqtuliqiyit Inuliqiyitlu, Aanniaqtuliqiyit Kanatami Ukiuqtaqtumi, Nunavunmi Ilihaqpaallivianitlu.

Alruyaqtuqtukkut naunaitkutit aajjikkutait piinnarialgit NTI-kut qaritauyakkuurutainit.