NTI Withdrawals Judicial Review on Narwhal Tusks Against DFO
(June 20mi, 2011 – Iqaluit, Nunavut) Nunavut Tunngavik Timinga Atanguyaa Terry Audla ukaktuk ublumi aalamik ihuakhagutikhait NTIkut uktugutikhainik Akigaktuitjutainik Ihivgiugutikhait Kanatami Ikaluligiyit (DFO) angigutainut ukiumi 2010mi mikhaanut Tugaaliit.
“DFOkut ovalo NTIkut angikhimaliktut piyumayainik nakuuyumik, kilamik ukakatigitjutikhait Kavamatkut Inuinut ihumagiyainik pipkailaaktut ikpinagutikhait Inuit Inminiigutikhait ilangani Nunavumi Nunataagutit Angigutaanut ilauyut angigutainik mikhaanut Tugaaliit umayukhiugutikhait ovalo niuviktitjutikhait,” ukaktuk Audla. “DFOkut angikhimaliktut havakatigilugit NTIkut pingiyaanganik angigutikhait ikpinagiyainik Inuit.”
Angigutaani atikhimayut June 17mi, 2011, NTIkut ovalo DFOkut ilitagiyut ikpinagutait tamaktitailgiyiit nunakyuami niuviktiligiyit umayut ilanganik ilauyut, Inuuviviniit, Inuligiyiit ovalo Hanatiligiyiit naamagutikhait Inuit. Tamamik ilaukatauyut havakatigiiniaktut mikhaanut CITESkuni atugutikhait piyaanganik niuviktitjutikhait umayut ilangit piniaktut takuyainik ukpigiyait tamaktitailigiyiit.
NTIkut ovalo DFOkut ilaukatauniaktut maligaliugutikhainik ayoikhaitjutait mikhaanut Tugaaliit munagikatigiilugit ilaukatauyut Tugaaliit munagitjutikhait atugutikhainik ovalo ihivgiugutikhainik. Ilaukataulutik, NTIkut ovalo DFOkut ihivgiuniaktut ublumi atuktainik kablunaat kauyimatukanginik keeliniit tagiungani Jones Soundmi tugaaliit ovalo naunaiyaklugit mikhaanut munagiyaanganik kilamik.
NTIkut ovalo DFOkut ilaukatauniaktut ihivgiugutikhait munagitjutikhait atuktainut atulaaktunik, uktugutikhait umayukhiuktut naunaiyautainut, tunikhaitjutikhait atugutikhait, atulaaktut kotakangitut keeliniit, ilaukatauyut Ikalulugiyit Munagitjutikhait Paknaiyautikhait atulaaktut ovalo ukakatiginiaktait paknaiyautait.
Januarymi 2011, NTIkut tunihimayut uktugutikhainik akigaktuiyit ihivgiugutikhainnut akhuugutainik DFOkuni angigutainut nutkaktiyumayut niuviktigutikkhainik hilataanut nunaptinit tugaaliit tugaanginik ovalo aatjikutainik 17mit Nunavumi nunait.
-30-
Tuhafaagumaguvit Takulugu:
PJ Akeeagok
Atanguyaulaktuk Tuhaktituiyit
Foninga: (867) 975-4939 Foninga Akiitut: 1-888-646-0006
Foninga Alguyaitut: 867-222-1821
Kagitauyakut: pjakeeagok@tunngavik.com
Kagitauyakut Takulvia: www.tunngavik.com