NTI Welcomes Recommendations of the Standing Committee on National Defence

Nunavut Tunngavikkut Timingat Hivulliq Tuklia-Angyayuqqaap James Eetoolook uplumi uqaqtuq taimaa ikayuinnaqturiplugit pitquhimayait taapkua Aulaniqmut Katimayiralaat Kanatami Unataqtuliqiyit naunaitkutainik, Kanatap Ukiuqtaqtumi Nunataaqhimayaat. Taapkua naunaitkutait, hailiyauhimayut imani katimayiralaanit, 17-nik pitquyauhimayulik Kavamatkunnut Kanatami.Eetoolook uqaqhimayuq taimaa pitquyauhimayut tamangnik aghuuqnaqtut, kihimi hapkua aghuuqluaqnaqtut Inungnut:

·Maligaliuqtiqyuat Katimayiralaanik aulapkailutik Ukiuqtaqtumi Havaaghanut;

·Taapkualu Maligaliuqtiqyuat Katimayiralaangit Nunaqaqqaaqhimayunik Inungnik Ukiuqtaqtumut hivunighaptingnut maligaliuqtittilutik;

·Taapkualu Nunaqaqqaaqhimayut inuit ilaupkaqtitaulutik qauyihaqtunut ayuqnaqtunik Ukiuqtaqtumi avatiliqiniqmut;

·Kavamaqyuatkut pivallianahuaqlutik ilitaqhiniqmik ilitquhiliqinikkut ikayuqtuiyunut Nunaqaqqaaqhimayunit talvunga Kanatami Ukiuqtaqtumi nunataaqhimayainut;

·Taapkua kavamaqyuatkut pittiaqlutik, irinahugahuaqlutik, katitirinahuaqlutik katimaqatigiingnik nunallaanit Ukiuqtaqtumi.

“NTI-kut katimaqataugamik katimayiralaatlu, uniutjihimayugut taimaa kavamaqyuatkut atuqtittivallianngittut Nunavunmi Nunataarutinut Angirutinik, titiraqhimayut 1993-mi.Kavamaqyuatkut pitquhimayaat aulattiaqtughanik nunallaanit Ukiuqtaqtumi taimaa talvuuna uqauhivut uingaiqtauquplugit.” uqaqtuq Eetoolook.

Eetoolook uqaqtuqlu taimaa pitquyauhimayut katimayiralaanit, taapkualu pitquyauhimayut Maligaliuqtiqyuat Katimayiinit Nunaqaqqaaqhimayunut Inungnut 2008-minaunaitkutainit atilik Nanngariplugit Aniqniit Uplumiqmiut Nunataarutainik: Umiktiqhugit Killait, (Honouring the Spirit of Modern Treaties: Closing the Loopholes), qauhimaqatigiiktut maligaliuqtit kavamatkunni iniqtaghait ihuariliqlugit havaqatigiliqlugit ikayuqtigiikhutik Inuinnatlu.

“Tatja, ingilraliqtughauyugut qauhimaniqmit talvunga hanaqiniqmut,” Eetoolook uqaqhimayuq.“Akihaqtuqtaqqut apiqhuiyinit aulapkainiup mighaaguuqtuq.Ingilraliqtughauyugut uqainnaqniqmit talvunga hanaliqniqmut.”