NTI Voters List Campaign Continues
Nunavut Tunngavikkut Timingat Ataniulluaqtuq Niruaqtittiyit Titiraqtia Nancy Karetak-Lindell uplumi uqaqtuq taimaa nutaannguqtiqpagait NTI-kut Nirualaaqtut Atiinik niruaqtittinnatik angayuqqaap tuklianik December 8-mi, 2014. Karetak-Lindell uqaqtuq taimaa nunallaanit kivgaqtit titiraqvighainik ikpattiqarahuat niuvvaavingnit ippaghigu, September 15-mit 19-mut, Inuit naunaitkutait nalaumayaaghainik naunairumaplutik Nirualaaqtut Atiinik.
Inuit 16-nik ukiuqarumik December 8-mi, 2014-mi atiliuqhimagumiklu Nunavunmi Nunataarnikkut Angirutainit titiraqhimaniaqtut Nirualaaqtut Titirautainit, niruanginnarialiuyut NTI-kut Niruaqtittigumik. Nirualaaruvit, kihimi atiit titiraqhimaitpat, atiit titiraqhimaittuq NLCA-nit, nunallaarnit kivgaqtit ikayuqniaqqut Inungnik atiliqtauniqmut.
Inuit atiit titiraqhimayut nalaumayaaghait naunairumayut aajjikkutauyaaghainiklu naunaitkutainit. Inuit nunallaarmingnit naunaitkutainik nalaumayaaghait naunaiqhitiyughat. Ilihimayughauyuhi taimaa nunallaat titiraqvigihimayaghat atiit titiraqtaugami nunallaarigumiuklu ilatit. Nunallaangunngitkaluaqluni tajja nunagiyaqnit.
Inuit takuinnariaqaqtaillu NTI-kut qaritauyakkuurutait talvani www.tunngavik.com atiit titiraqhimayaaghainik nalaumayaaghainiklu naunaitkutat Nirualaaqtut Titirautainit. Naunaitkutat nalaumagumik hulinngitkaluaqlutit. Nalaumanngitpata, qaritauyakkut titiraqlugu NTI-kut Atiliqtuiniqmut Havaktia Margaret Kusugak talvani mkusugak@tunngavik.com nalaumayunik naunaitkutanik tunilugu. Hivayainnarialiklu Margaret Kusugak Kangiqliniqmi talvani 867-645-5400 akiittukkulluuniit 1-888-236-5400. Inuit hivayainnariaqaqtullu nunallaaqminik kivgaqtimut nalaumayunik naunaitkutanik tunilugu.
Niruanginnarialgit ihuaqhaiyughat naunaitkutainik October 24-nguqtinnagu, 2014-mi Nirualaaqtut Titirautainit.