NTI Voters List Campaign Continues
Nunavut Tungavitkumi (NTI) Vutiqtuliqi-jutinik Munariyiluaq Atanguyaq Mary Wilman uqaqtuq ublumi havakhimaqturivlutik nutaguqtiriagani NTI-kut Vutiqtuqhat Atiqaqvianik hivuani NTI-kut Vutiqtititinagit Ikhivautakhamik December 12-mi 2016-mi. Wilman uqaqtuq nunalikni kivgaqtuqtiuyut atanguyat ihuaqhainiraqhugit ikpatinik nunagiyauyuni niqinik niuviqvikni September-tilugu ikayuqturiagani Inuit nalaumaniginik hivuniqhijutikhat Vutiqtukhat Atiqaqviuyumi.
Inuit Kanatamiutauyut, 16-nik ukiuqaliqtukhat December 12-mi 2016-mi nunataqatauhimayulu Nunavumi Agiqatiriigutimi ilauliriagani Vutiqtukhat Atiqaqviani, naunairiagani ilaulaaqniginik NTI-kut Vutiqtitiviani. Ukpiruhukuvit ilaulaqniriyaqnik vutiriaqni, kihiani atqit ilauginiqat, naunairutauyunaqhiyuq ilauginiriyaqnik Nunavumi Agiqatiriigutimi, nunagiyauyumi kivgaqtuqtit atanguyat (CLO-n) ikayulaqtut Inuinaqnik ilaujutikhanik havaariyauyumi.
Inuilu qungialaqtulu NTI-kut qungialiugainik uvani www.tunngavik.com –mi naunaiqhiyumaguvit atqit titiraqhimakmagaa Vutiqtukhat Atiqaqviani hivuniqhijutikhalu Vutiqtukhat Atiqaqviani nalaumakmagaa. Hivuniqhijutikhat nalaumaniqata, qanuriliuriaqa-gitutit. Hivuniqhijutikhat nalaumaginiqata, qaritauyakut titiqijavat NTI-kuni Ilauyunik Ihuaqhaiyi Margaret Kusugak uvani mkusugak@tunngavik.com –mi uqariaqni nalaumayunik hivuniqhijutikhanik. Hivayalaaqtalu Margaret Kusugak Kagiqliniqmi uvani 867-645-5400-mi akiitumikluniit uvani 1-888-236-5400. Inuilu uqaqvigilaqtalu CLO-guyuq nunagiyamikni nalaumayunik hivuniqhijutikhanik.
Ilaulaqtut vutiqtuni pivikhaqaqtut October 26-mut 2016-mi nunaguqtiriagani hivuniqhijutikhat Vutiqtukhat Atiqaqvianik.
-30-
Hivuniqhivaalirumaniruvit uqaqvigijavat:
Mary Wilman
Vutiqtuliqiyiluaq Atanguyaq
Hivayauta: (867) 979-6554
Akiitumik Hivayauta: 1-844-979-6554
Qaritauyakut: elections@tunngavik.com -mi
NTI-kun Qungialiugaani: www.tunngavik.com -mi