NTI stands in solidarity with the Wet’suwet’en
(Fivyuali 21, 2020 – Iqaluit) Nunavut Tunngavikot ekayoktoivot okoningga Wet’suwet’en-konnik nunamingnik hapomminahoaktillogit, tamangmiklo nunakaakkaakhimayot okoningga ekayoktoitillogit nuna hapomminahoaktaktik nanminik nunaotigikmajok inmikollo piinnagiakaotigiyaghaitigot nanminik nunaktik atanniktoklogo taimaningnittat nunakakkaahimayookmata inmikollo nuna nanminigikmajok. Hapkoa itkilgit hivolikhoktikaktut inmikot, okagiikhimait ot naamagiyogiplotik toghojiktoiyomajotaoyonik nunagiyaitigot atayoghamik. Wet’suwet’en-kot nanminik nunaktik aolayomakmajok taimaitomik hamna hapommijotiginahoaktaat malikayaghaoyok tohaktaohimalotik taimaa pitkoingginmata.
Nunakakkaakhimayot nunagiyatik nanminigikmajok ehomaghootigiinagiakaktaat Kaanatami anggiyookmat nunaotigiyaktik tatja Kaanatap Kavamagiyainit elitagimayaokmat maligaitigot, taimanggagaalok hapkoa itkilgit nunagiyatokagikmajok kaplonaat tikitpaliktinnagit hamongga koinmillo ilittogimayaokmat taimaikoplogo. Nunakakkaakhimayot piinnagiakaotait elitagimayaokmat Kaanatap Maligakyoangganit, 1982-gotillogo ona maligaknggoktaohimayok, ona maligakyoak angginighaoyok Kaanatap Maligaliokhimayainit.
Pikahiotihimaplonilo okoa itkilgit nunataagotigihimayaitigot ingmikoogotigiinnagiakamajok ehomaghootigilogo, tatja naamagikatiigiigotaoyoghatigot mamihaotaoyok atoktaoyagiakalimat ehoaghagahoakhimakmajok Haimmaghaiyit Kamisinagiyaita Katimayigiyainit, talvalo maligatigot kaanatami naonaiyaijotaohimalikmat nunakakkaakhimayot angnat tammakhimajotiginahoagotigiyaitigot enoktagiyaohimayollo angnat angnagottillo. Kaoyimayatokagiyaitigot okoa itkilgit nunani aviktokhimayoni Kaanatamilo ilitagimayaokmat, taimaitomik nunaktik hapomminahoaklakivait nakoatot okakatigiiklotik ehoaghainahoaktoghaolikmata Kaanatamiotigollo.
Maligakyoakot hapommijotighak malikayaoniakmagaat tatja amigiyaotialiktok. Kaanata nipitkoplotik okakhimalikot nakoatot “ehoaghainahoakoiplotik” Talvalo nunakakkaakhimayot tohaktaoyoghaoliktot hapommijotiginahoaktaitigot. Kaanatap anggikhimayaghagiliktait okoa itkilgit piyomayainik nunamingnik hapommijotiginahoaktaitigot, Kaanatap hamna naamaginggitpagot ayongnakhitiniaktok havakatiginahoagiami Kaanatap Kavamait.
-30-
Ilitturiyumigumaguvit:
Malaya Mikijuk
Acting Director of Communications
Nunavut Tunngavik Incorporated
Tel: (867) 975-4900 Toll-free: 1-888-646-0006
mmikijuk@tunngavik.com
www.tunngavik.com
Qajaaq Ellsworth
Senior Communications Advisor
Office of President Aluki Kotierk
Tel: (867-975-4900 Toll-free: 1-888-646-0006
qellsworth@tunngavik.com
www.tunngavik.com