NTI Responds to Mandate of Third Legislative Assembly
(April 1mi, 2009) Kuliani ukiunganut hanatjutainik Nunavumi, Nunavut Tunngavik Timinga tunngahukuyut Tamapta: Hanatjutainik Hivunikhavut Katimaluta, nutaat maliktakhait pingahuanu Nunavumi Maligaliuktit.
NTIkut Angayukaak Paul Kaludjak aliahukpiaktuk Kavamatkut maliktakhainik, ilaa, Kamisit Ukautainik pinahuaktait tamaat iniktigutikhait Nunavumi Nunataagutit Angigutaanut. Hamna akhuukatihimayait Nunavumi Hivuliktia Eva Arreak ublumi katimatitlugit Maligaliuktit.
"Kuviahukpiaktunga tuhagama kavamatkut havakatigiiniaktait NTIkut iniktigutikhainik NLCA," ukaktuk Kaludjak. "Kavamatkut nutaat maliktakhait nakuutiaktuk ovalo takupkaiyut Inuit kavamatkut ovalo NTIkut tiguhimayut aatjikutaanik ihumagiyainik," ukaktuk Kaludjak. "NTIkut ilaukatauyut piyumayainik ovalo maligutikhainik maligutikhait titigakhimayut Tamapta ovagut maliktakhainik. Kihimi, NTIkut pitkuhimayut iniktigutikhainik ovalo utakiyugut inikpiakhimayukhainik havaktakhait Kavamatkut nutaat hivuliuyukhat."
NTIkut ikayuktut kavamatkut kungiagutikhainik aniaktailigiyit nunaini ovalo takuyumayut amigailugit ikpinagutait ovalo hakugikhigutikhait nunait, ilaa, ilangit aniaktailigiyit ovalo ilihagutikhait ovalo ayoikhaitjutikhait.
Aipaa ikpinaktuk hivuliuyukhak hamani kavamatkut ikluligiyit ovalo NTIkut kiniktut hivunikhainut havakatigiilutik GNkut autlaktifaalugit ovalo pifaalugit 2004mi ilaukatauyut Nunavumi kulini ukiuni ikluligiyit Havaktakhait Paknaiyautikhait. Kinguliit Kanatami kinauyat atugutikhait autlaktihimayut kihimi mikiyumik tunihimayut kinauyakhainik - Nunavut piyumayut ungahiktumi piyakhainik hivukhami.
Nutaat uktugutikhait ilaa tunngahugiyait hanatjutainik inikpiakhimayut Nunavumi Tuhaktituiyit Uktugutikhait ilaukatigilugit Nunavumiut akhut ilaukataulutik ukautikhainik kavamatkuni. Tahapkoa uktugutikhait pikangituk kinguani ovalo ikaniaktait pihimayainik GNkut pinahuaktait ilaukatigilugit Inuit inuligiyit ovalo inuuviviniit pikuyakhainik ovalo pilihimayuit hanatiligiyiit ovalo tuniyakhait ataani Ilangani 32 Nunavumi Nunataagutit Angigutaanut.
Kingulimi, ukiut ilitagitjutikhait ublumi ihumagilugit kingulivut ovalo kinikluta hivunikhaptinut ovalo hamna naamaktuk kungiagiagaagamik ilaukatautjutait kitkanit Kavamatkut Nunavumi ovalo NTIkut.
"NTIkut kiniktut hivunikhaptinut nakuuhinahualugit ilaukatautjutait Kavamatkut Nunavumi, atauhik ilaukataigiyavut tikitakhait ovalo havakatigiigutikhait. Hamna ilanga Inuit utakivaktait hanatjutainik Nunavut kulimi ukiumi ovalo piyakhait takupkailutik kanuk iniktilaaktugut havaktigiigaagapta," ukaktuk Kaludjak.
Tuhafaagumaguvit takulugit:
Emily Woods
Atanguyaulaktuk Tuhaktituiyit
Nunavut Tunngavik Timinga
Foninga: (867) 975-4953
Foninga Akiituk: 1-888-646-0006
Kagitauyakut: ewoods@tunngavik.com
Kagitauyakut Takulvia: www.tunngavik.com