NTI Launches Third Inuktuuqta! Inuktut Writing Prize
Toninagiktukhak
(Juuni 19-mi 2024-mi Ikalokni, Nonavumi) Hivoani Kanatami Nonakakaktut Inoet Ubloanit, NTI-koni Ikhivaotalik Aluki Kotierk koveahoktok havitagani pigahoani atovakniganik Inuktuukta!-mik Inoenaktut Titigaohikmi Taktakhamik.
Inuktuuqta! Aetoeneaktok ataohikmik Nonavumi Inoenakmik titigaktimik agiyomik takhiyakhamik 80-taositalamik ikayutikhaniklo atokhimageagani titigaohikhaktik ukeomi, unalo inikhakateageagani pamiktoktaoyaganilo atoktakhanik pivaleayagani hanayatik tamatkeomayomik taogoakhami. Hitamat ilageagotik taktakhat toniyaoneaktut 10-taositala, 5-taositala, 3-taositala 2-taosilalalo. Nonavut Tungavik (NTF) havakatikakneaktok takhihimayonik titigaktinik amigaeyageagani havagit.
"Ikayoktaonigit akhukhakniginiklo titigaktut hanayagani havanik Inoenaktut hakogikhivaligotaoneakmat atoktaovaliklonilo okaohikut. Titigaknigovit okaohikmi Inoenaktut Inuktitolunet, NTI-kot takoyomayut titigagiyaknik piyomayogolo taogoayuktonik ublomi ilalo, hivonikhami, aleakiyagani hanahimayatit Inoenaktut.” okaktok NTI-koni Ikhivaotalik Aluki Kotierk.
Hatkiktitaoniganit 2020-mi, NTI-kot aetoehimaliktut 2-hanataositalamik taktakhanik hatkikpaleayonut Inoenaknik titigaktinik. Taemani pihimaliktut ukoa Looee Arreak, Susan Tigullaraq-lo.
Toniyakahat akmaomayut September 22-mut, 2024-mi unoagokat nonagiyaoyomi ublokheotagut. Tamaeta hanateagotit ihomagiyoayut ilaoginageakaktut, kitonilika Nonavumi Inoenaktut okaohikni titigaktivlo atokloaktaenik titigaohikmi. Nonavumi Inoet ukeokaktut 18 ilaolaktut. Toniyakhat amigaeyakhimaetukhat, unipkagulgaklotik, katitiktaohimayoniklunet naetonik unipkanik itkaeteagotiniklo. Uktotikhak titigak ilageagotikhalo hivonikhiyotit kahaktut ovani NTI-kot kungealeogani kagitaoyami . Tikigayavotit uvoga inuktuuqta@tunngavik.com-mut hivonikhivaligeakni.
Takhiyok tohaktitaoneakok December 4-mi, 2024 uvani Inuktuuqta!-kot Koveahokveani Aqsarniit Hiniktakveani Ikalokni.
-30-
Tohaktitiyotilikiyit Okakvikhat: Ivaluarjuk Merritt Hivolikhoktit Tohaomayotinik Nonavut Tungavik Timeoyomi Kagitaoyami Titikilvea: Media@tunngavik.com -mi
-30-
Tohaktitiyotilikiyit Okakvikhat: Ivaluarjuk Merritt Hivolikhoktit Tohaomayotinik Nonavut Tungavik Timeoyomi Kagitaoyami Titikilvea: Media@tunngavik.com -mi