NTI Launches a Call for Proposals for the Uqausirngaq Fund to Support Inuktut Revitalization
Kilaminoak Tohaktitaoyagialik
(May 7, 2025 – Iqaluit, Nunavut) Nunavut Tunngavik Timingat (NTI-kut) Angayokangat Jeremy Tunraluk koviahuktok tohaktitiyomavluni tahaffuminga 2025–2026-mi Uqausirngaq Manikhanik Toghiktotikhanik hatkikhiyomavlutik, una Inuit hivuliktat manikhanik ikkayohiakutikhat Kavamatokatkunit ikkayotaotkovlugit munagitiakutikhaitnik, attokhimaakutikhaitnik, tammaktailitjutikhaitnik, tatvalu ihuaghaotikhaitnik hapkua Inuktut ukkauhiitnik tahamani Nunavumi tatvalu humilikak.
“Una ihomagiyaoloaktok hivuliotiyagiakaktok Inungnik Makipalliatittiniq 2025-2029, NTI-kut hitamanik ukkiunik paknaiyaotaitni hivulioktiyomayait, una Inuktut tamaat Hivunikhamut Taimunga – pivaliotikhat taima tahamna Inuktut ukkauhik attokhimaakovlugo tahamani Nunavumiut Inuinaitniit,” ukkalaktok Angayokat Tunraluk. “Tatavalu hatkikpalialikata hapkua ukkauhikut manikhaghait ikkayotikhat ikkayotaoniakmata pivaliotikhaptingnik tatvuna mighagot”.
Hapkua toghiktotit piyagiakaktot naunaitiakhimalugit kanok hapkua hulilokagotit ikkayotaoniakat tammaitnut Nunavumiunik Inuinaknik tatvalu ikkayotaolotik ataohikmik uvalunin amigaitkiyanik tahapkuninga hapkua Manighaghaitnik hivuliotiyagiakaktonik havagiyaoyomayunik, illaliotilogit hapkua:
1. Inuktut Pivalialikinikut Tohakhitjutit tatvalu Hannauyakutini
2. Inuktut Ilihaitjutinik
3. Inuktut Ukkauhiitnik Illiitpaliotikhaitnik
4. Inuktut Nunaliitni Nallautikukutinik Inuktut
5. Inuktut Ukkauhiitnik Unipkalioknik
Hapkua havagiyaoyomayut innikvikhait tatvani March 31, 2026-mi, nalaomatiagiakaktot ihomagilogit pivaliotaoyoghanik Inuktut ukkaohiitnik ikkayotikhanik, ilihaotiklhaitnik uktutikhaitnik, tatvalu illiitkuhiktotinik hulilokakutikhaitnik Inuinait Nunavumi.
Hapkua toghiktotit angmaomaniaktot tatvani umiktaolotik Tallimiut, May 30, 2025-mi. Tohakpaligomaguviit kanok uktutikhanik,tughiktotit maligagiyaitnik, tatvalu tunnihitjutit naunaipkutaitnik, kagitaoyakut titigakviginagialgit tatvunga www.tunngavik.com uvalunin kagitaoyakut titigakvigilugit tatvunga uqausirngaq@tunngavik.com.
-30-
Pivalialikinikut Tohakvikhak:
Ivaluarjuk Merritt
Ataniat Tohaktitilikiyiit
Nunavut Tunngavik Timingat
media@tunngavik.com