NTI Election - Unofficial List of Candidates
(Nuvipa 13, 2020 – Iqaluit, Nunavut) Nunavut Tunngavik Nanminilgit (NTI) Ataniq Niruaqtuliqiyi Havakti, Kathleen Sigurdson, tuhaqhityutigiya NTI-kut niruagakhaqhiurniq pivikha taphumunga niruarniq taphuminga angayuqaq umiktuq talvani 5 unnukhaq ublumi nunalikni ubluqhiutagut.
Tahapkuat uuktuqtut tunihiyut niruagakhaqhiurutit alilayunik malikhugit tapkuat NTI-kut Niruarniqmun Maligait Pityuhiitlu taphumunga niruarniq taphuminga angayuqaq qangiqtitnagu kiklikha:
Aluki Kotierk
Andrew Nakashuk
Uuktuqtut pivihaqaqtut tikitlugu Hananngaut, Nuvipa 16, 2020 talvani 5 unnukhaq nunalikni ubluqhiutagut ahivaqhiniq alilayuqmingnik.
Niruaqtut piyalgit 16-nik ukiuqaqlutik avataanutluniit talvanga Tisaipa 14, 2020 atiliuqhimalutiklu malikhugu tamna Nunavut Angirutit.
Niruaqtut pivikhalgit tallimanik pityuhiit niruarniq talvani NTI-kut niruaqnit: hivuani niruaqvit talvani Tisaipa 7, 2020, Niruaqnaup Ublua talvani Tisaipa 14, nuktilaqni niruaqvit, niruaqtiqaqluni niruaqvit uvaluniit titiraqaqvikkut niruarutit.
NUTAQ taphumunga 2020 – QALAKYUARNIQ Parnaiyainiq
Ilagiplugu tapkuat atuqtauvaktut parnaiyainiq hilamun qanuritnit niruarniqmun talvani Tisaipami, NTI-kut piqaqniat aturiaqarniqat taphumunga Qalakyuarniq-19. NTI-kut malikniaqtai tapkuat hivulirutai taphuma Nunavutmi Ataniq Inungnut Aanliaqtailiniq Havakti atuqpiariakhai hivuranaitnit tamaita uuktuqtut, havaktit niruaqtitlu.
https://elections.tunngavik.com/
Turaqvikhat:
Kathleen Sigurdson
Ataniq Niruaqtuliqiyi Havakti (CRO)
Kangiqhiniq, NU, X0C 0G0
Nunalikni Hivayauta: 867-645-6716
Akiittuq: 1-844-979-6554
Qaritauyakkut: nticro@ayaya.ca
Nadia Ciccone
Aapisia taphuma CRO-nguyuq – Ayaya Communications
Igluqpak 157, Iqaluit, NU, X0A 0H0
Hivayauta: 867-979-1484
Fax-kut: 867-979-1487
Qaritauyakkut: nadiac@ayaya.ca