NTI calls for Firearms Safety Training
(October19, 2010 – Iqaluit, Nunavut) Nunavut Tunngavikkut Timingat Angayuqqaap Himmautaa James Eetoolook uplumi ilauquhimayait Kavamatkut Nunavunmi Kavamatuqaniklu NTI-kunnut ilihaqtaghaliuquplugit hiqquqtiutit amiqnaiyaquplugit tutquumattiaquplugitlu Inuit nunallaanit.
“Hiquraqtunit qangahaaq ningaqtunik naunaittuq taimaa ikayuqtighailliuqtugut pivighaptingnik amiqnaiyarahuaqhugit tutquumattiaquplugitlu hiqquqtiutit.” uqaqhimayuq Eetoolook, “hapkua hiquraqtut ihumaaluutaunngittut laisiqaqnikkut titiraqtuiniqmullu hiqquutinik. Kihimi amiqnaiyaqniq tutquumattiaqniqlu ihumaaluutaulluaqtut inungnut NTI-kuttauq ikayuinnaqhimayut amiqnaiyarahuaqniqmik tutquumattiaqniqmiklu hiqquqtiutit.”
2002-ngutillugu NTI-kut akihaqtuqhimayut Kavamatuqanik laisiqaqnikkut titiraqtuiniqmullu titiraqhimayut talvani Hiqquqtiutinut Maligaqni taimaa, ahiagut, ilihaqtittiyughainnamik imaalu Inuit uqauhiinik atuqhutik ikayuqtighainnamik ikayuutighat Inungnik laisinigahuaqnikkut titiraqtuinikkullu, kihimi akihaqtuqhimaitaat taimaa amiqnaiyaqniqmut tutquumattiaqniqmullu pitquyauhimayut maligaqnit.
Amiqnaiyarahuaqniq tutquumattiaqniqlu hiqquutinik talvani Hiqquqtiutinut Maligaqni tamangnut hiqquqtiutiqaqtunut, tamangnutlu Inungnut kihimi pivighaqqukittut naunaiqhitiyaami hiqquutilingnik amiqnaiyarahuaqtaghait tutquumattiaqtaghaitalu hiqquutit.
“Tuhaqtittiyaaqtugut Inungnik Inuktitut amiqnaiyaqhimaqulugit tutquumattiaqulugitlu hiqquqtiutainik. Qanuq atuqtaghanik tutquumattiaqnikkut piyariaqaqtugut. NTI-kut havaqatigiyumayait tamangnik kavamatkut Kanatami aviktuqhimayumilu nunallaavut hapkuninnga pivighaqaquplugit.”
NTI-kut angirutitaarahuaquyut Kavamatuqanut Kanatami NTI-kullu tajja maligaliuqnikkut ayuqnaillaktillugu hiqquqtiutitaqnikkut taapkua nunataaqhimayunut maligaghaliuqlugit “Nunavunmiut hiqquqtiutinut maligaghainik”.
-30-