NTI Announces Jose Amaujaq Kusugak Memorial Scholarship Recipients
Nunavut Tunngavikkut Angayuqqaangat Cathy Towtongie uplumi taihiyuq aittuqtauyunik Jose Amaujaq Kusugak Itqaumagiplugu Ilihaqtunut Ikayuutighainik.Emily Joanasie Iqalungmiut taamnalu Monica Kiguktak Auyuittumit aittuqtuqtauyut $5,000-taalamik ilihaqtaminut akighait.Tamangnik ilihaqtut talvani Nunavunmi Ilihaiyighat Ilihaqvianit Nunavunmi Ilihaqpaallivianit, Joanasie Iqalungni ilihaqtuq, Kiguktaqtauq Iqaluktuuttiami.
“Quviahutaktunga angayuqqaanguplunga NTI-kunnut aitturiami taapkununnga malrungnut havakluayuktut ilihaqtamingnik kiinauyanik ikayuutighait ilihaqtillugit ilihainiqmik Nunavunmi,” uqaqtuq Towtongie.“Ilihimavunga taimaa Jose ikpiguhungniaqtuugaluaq taapkuninnga malruk Inuit ilihaqtunikaulapkainahuaramitku havaarilluaqpagait atuqtittivallianiq tammaqtailinahuaqniqlu Inuit uqauhiit ilitquhiillu.”
NTI-kut tuniyauhimayut 21-nik uuktuutinik aittuutinut.Tikkuaqtuiyut taapkua havaktiuyut NTI-kunnit taamnalu Jose-p iqnia Pujjuut ihivriuqhiyut titiqqanik aittuqtauyughanik ikayuutinik taapkuninnga Joanasie-mik Kiguktamiklu pittiaqhutik ilittuqhipkaihimagamik aulapkainahuarumaplugu Jose-p aulapkaqhimayaa qanganguqtuq.Towtongie uqaqhimayuq taimaa taapkua tikkuaqtuiyut naluqhitpaktut tamangnik uuktuutit titirattiaqhimagamik.
“Ilatka quviagiqpiaqtaat NTI-kut itqaumagamitku aappaga, Jose, hapkua ikayuutikkut.Talvuuna Inuit aulapkainahuaqtaghaat quviagiyaanik Inuktitut uqauhiit ilihaqniqlu.Quyagiyaghavut uuktuqtut havakluaqpakkamik titiraqhutik taimaalu qanuq aktuqtauhimayut Jose-mit.Ayuqhaqpaktugut tikkuaqtuiniqmik aittuqtauyughanik imaalu ilagiighuta, quviagivaqqut taapkua Emily-lu Monica-lu havaanginut.Quanaqquhi aghuuquvaffilu ilihaqtilluhi.Ilihimavunga taimaa aappaga quviahungniaqtuugaluaq aulapkainahuarangni Inuktitut uqauhiit ilihaqniqlu,” uqaqtuq Pujjuut, uqaqtiuyuq Kusugatkut mighaanut.
Umikvighaat aittuqvighaata Jose Amaujaq Kusugak Itqaumagiplugu Ikayuutit Ilihaqtunut July 9-nguqqat, 2012.Ilihaqtut titiraqhimagumik Nunaqaqqaaqhimayunit talvani Nunavunmi Nunataarutinut Angirutinit uuktuinnagialgit ikayuutinik.Uuktuutighat piinnarialgit NTI-kunnit qaritauyakkuurutinilu.