Culture and Healing Programs Funded

(June 21, 2021 – Iqaluit, Nunavut) Nunavut Tunngavik Timinngat Tunggavionigaktaoyot        (NTF-kot) koviahokput tohaktitiyomaplotik haffomingga manik anggiyuk avatkomaploni   $92,000-taala tonihiyut hitamanik Pitkohiliginikmot Nakatkiffaagahoaknighamollo Atoktoghak.

Hapkoa hitamat atoktaoniaktut aoyagiak 2021-mi:

• Lasalusi Ishulutak, Pangnirtung; Nunamot iklokpailgomot aolaojihimajotaoloni
• Krista Zawadski, Kanggikhinikmi Iklloligaaklyokmilo; Kopaktioyonot mighoktonollo Atoktaoniaktuk
• Elizabeth Ningeongan, Sallikmi; Nunamot iklokpailgomot aolaojihimajotaoloni
• Kitikmeoni Elannagiiknighamot Katojikatigiit, Ekaluktutiami; Enoohoktonot Angnagotinollo Nunamot iklokpailgomot aolaojihimajotaoloni

“Oblogikmatjok Nunakakkaakhimayot obloani, koviahootigitigo hamna Inuinnait Pitkohitokait Elitkohitokailo.  Hapkoa hitamat atoktaghat ekayoghiotiniaktut pitkohitokakot tammaitailinahoaklogo eviktinnahoaklogolo elitkohitokakot mamihaotigivalialogo taimangga alanggokpaliajotikaotaoliktotigot piloni taimanilo aolaktitaohimaplotik nutakat sokoogiaktitaohimajotigihimayaitigot naklighaagotigiplogo tamainnot,” okaktuk Aluki Kotierk, Anggayokaagat Nunavut Tunngavik Timinggat.

Piyomajotighat haililikniakmiyut toghiotaoyonik Pitkohiliginikmot Nakatkiffaagahoaknighamollo Atoktogha July 1-mit, 2021 to Akasi 1-mot, 2021 atoktaoyoghanik tatkighiotini Saptaimamit Kolaisimakvikmot. Toghigaotit titikat tatatigiallgit, Atoktaghat Pikoyatigollo Malikayaghat takoinnagialgit hailiyot ovani kagitaoyatigot www.tunngavik.comovaloniit hivayaklotit ovongga 1-888-236-5400.

Nunavut Tunngavik Timinngat Tunggavionigaktaoyot (NTF-kot) timinggoktaohimayot monakhiyioyoghanikmaningnik kihinggoktanik pihimayok Pilloiliyaohimayonot Akiliotaoyoghak Maningnik taimani Sikoogiaktitaohimayonot Ekayoohiagotaoloni Anggikatigiigotaoyomit.